ពោធិសែនជ័យ ៖ កលាំងនគរបាលល្បាតរបស់ប៉ុស្តិ៍នគរបាលរដ្ឋបាលកន្ទោក ខណ្ឌពោធិសែនជ័យ ក្រោមការបញ្ជា ដឹកនាំដោយលោកអធិការ យឹម សារ៉ាន បានធ្វើការល្បាតជាប្រចាំដើម្បីការពារសុវត្ថភាពជូនប្រជាពលរដ្ឋនៅក្នុងមូលដ្ឋាន។
នៅវេលាម៉ោង ១២.៤០ នាទីឈានចូលពឹ្រកថ្ងៃទី ១៨ ខែ មករា ឆ្នាំ២០១៨ កំលាំងល្បាតរបស់ប៉ុស្តិ៍នគរបាលកន្ទោក បានប្រទះឃើញមនុស្សប្រុស២នាក់ជិះម៉ូតូចូលក្នុងហាងម៉ាស្សាកោសជប់យីហោរស្មី មានទីតាំងស្ថិតនៅក្នុងបូរីពិភពថ្មី ភូមិត្រពាំងគល់ សង្កាត់កន្ទោក ខណ្ឌពោធិសែនជ័យ ពេលនេះដោយមានការសង្ស័យកំលាំងសមត្ថកិច្ចយើងបានទៅជួបម្ចាស់ហាងដើម្បីសុំធ្វើការឆែកឆេរ។
ប្រតិបត្តការឆែកឆេរនៅក្នុងបន្ទប់ជាន់ទី១ មានមនុស្សប្រុសមួយនាក់ និងស្រ្តីម៉ាស្សាមួយនាក់សមត្ថកិច្ចបានបន្ត
ត្រួតពិនិត្យ ឃើញឌុយអំពូលភ្លើងធំមួយលាក់ទុកក្នុងបន្ទប់ទឹក ដោយមានការសង័្សយសមត្ថកិច្ចក៏ត្រួតពិនិត្យនៅក្នុង
អំពូលភ្លើងនេះ ក៏ឃើញថ្នាំញៀន១កញ្ចប់ធំ និង១៦កញ្ចប់តូចទៀតដែលជនសង្ស័យបានលាក់ទុក ដើម្បីបំភាន់ភ្នែក
ពីកំលាំងសមត្ថកិច្ចយើង។
ក្នុងការបង្រ្កាបបទល្មើសនេះកំលាំងយើងបានចាប់យកវត្ថុតាំងរួមមានថ្នាំញៀន១កញ្ចប់ធំនិង១៦កញ្ចប់តូចព្រមទាំងឃាត់ខ្លួនជនសង្ស័យ៤នាក់ទី១.មានឈ្មោះ ស ផល្លី ភេទប្រុស ជាម្ចាស់ថ្នាំញៀន មុខរបរលាងម៉ូតូ ទីលំនៅភូមិត្រពាំងគល់ សង្កាត់កន្ទោ ខណ្ឌពោធិសែនជ័យ ទី២.មានឈ្មោះ ខាត់ សុខរីន ភេទស្រី អាយុ ១៩ឆ្នាំ មុខរបរធ្វើការនៅក្នុងហាងម៉ាស្សារស្មី មានទីលំនៅផ្ទះជួលភូមិអង្គស្នូល២ ឃុំពើក ស្រុកអង្គស្នូល ខេត្តកណ្តាល ទី៣.មានឈ្មោះ ង៉ែត ពន្លឺ ភេទប្រុស អាយុ ២៥ឆ្នាំ មុខរបរជាងកាត់សក់ មានទីលំនៅភូមិអង្គស្នូល២ ឃុំពើក ស្រុកអង្គស្នូល ខេត្តកណ្តាល និងទី៤.មានឈ្មោះ ហេង ពន្លឺ ភេទប្រុស អាយុ ១៨ឆ្នាំ មុខរបរមិនពិតប្រាកដ មានទីលំនៅភូមិត្រពាំងក្រសាំង ឃុំបែកចាន ស្រុកអង្គស្នូល ខេត្តកណ្តាល ដើម្បីយកមកសាកសួរបន្ថែមនៅប៉ុស្ត៏នគរបាលកន្ទោក មុនបញ្ចូនខ្លូនទៅកាន់អធិការគរបាលខណ្ឌពោធិសែនជ័យដើម្បីបញ្ជូនបន្តទៅកាន់តុលាការរងចាំធ្វើការចាត់ការទៅតាមនិតិវិធីច្បាប់៕
ដោយ ៖ វិចិត្រ
