ព័ត៌មាន​ទាន់ហេតុការណ៍
ឯកឧត្តមឧបនាយករដ្ឋមន្ត្រី សាយ សំអាល់ ចាត់ទុកធនាគារ មីក្រូហិរញ្ញវត្ថុ និងភ្នាក់ងារហិរញ្ញវត្ថុដ៏ទៃទៀត ជាដៃគូរយុទ្ធសាស្រ្តដ៏សំខាន់មួយ ក្នុងការទ្រទ្រង់ឧស្សាហកម្មហិរញ្ញវត្ថុ - ក្រសួងរៀបចំដែនដី នគរូបនីយកម្ម និងសំណង់ បានអញ្ជើញភាគីពាក់ព័ន្ធ ដើម្បីពិនិត្យ និងពិគ្រោះយោបល់លើការងារគ្រប់គ្រង និងប្រើប្រាស់ដី ស្ថិតនៅក្នុងភូមិឆ្វាំង ឃុំសំអាង - ដីឡូតិ៍លំនៅឋានត្រូវបានប្រគលជូនកងទ័ព នគរបាលជាតិដែលឈរជើងតាមព្រំដែនកម្ពុជា-វៀតណាម និងអតីតកងកម្លាំងប្រដាប់អាវុធ - វិញ្ញាបនបត្រសម្គាល់ម្ចាស់អចលនវត្ថុចំនួន ២៥៩បណ្ណ ជូនបងប្អូនប្រជាពលរដ្ឋស្ថិតនៅភូមិរណែង ឃុំស្រែឈូក ស្រុកកែវសីមា ខេត្តមណ្ឌលគិរី - លោក សាយ សំអាល់ ៖ កីឡាឡើងភ្នំបាននិងកំពុងទាក់ទាញចំណាប់អារម្មណ៍ខ្លាំងពីសំណាក់ប្រជាជនកម្ពុជា - ពិធីប្រកាសចូលកាន់តំណែង ក្រុមប្រឹក្សាខេត្តសៀមរាប អាណត្តិទី៤ នៅសាលសន្និសិទ្ធ សណ្ឋាគារសុខាសៀមរាប - ប្រជាពលរដ្ឋដែលមានក្បាលដីឃុំកែវពណ៌ស្រុកពួកខេត្តសៀមរាបត្រូវបានការងារចុះបញ្ជីដីធ្លីខេត្តធ្វើការប្រកាសកំណត់តំបន់សម្រាប់ធ្វើការវិនិច្ឆ័យ និងការចុះបញ្ជីដីធ្លីដែលមានលក្ខណៈជាប្រព័ន្ធ! - ឧបនាយករដ្ឋមន្ត្រី សាយ សំអាល់ ៖ តបតាមប្រសាសន៍ដ៏ខ្ពង់ខ្ពស់របស់សម្តេចមហាបវរធិបតី នាយករដ្ឋមន្ត្រី សមាជិកក្រុមប្រឹក្សាខេត្ត អាណត្តិថ្មី ដែលជាអង្គនីតិប្បញ្ញត្តិរបស់ថ្នាក់ក្រោមជាតិនៃខេត្តនៅតាមតំបន់ឆ្នេរ ត្រូវជំរុញដំណើរការអភិវឌ្ឍតាមបែបប្រជាធិបតេយ្យថ្នាក់ក្រោមជាតិ - មន្ទីររៀបចំដែនដីនគរូបនីយកម្មនិងសំណង់ខេត្តសៀមរាបអំពាវនាវឱ្យប្រជាពលរដ្ឋដែលជាម្ចាស់ក្បាលដី ក្នុងឃុំកណ្តែក ស្រុកប្រាសាទបាគងអញ្ជើញមកពិនិត្យនិងផ្ទៀងផ្ទាត់ទិន្នន័យក្បាលដី! - គណៈអចិន្រ្តៃយ៍នៃគណៈកម្មាធិការកណ្តាលសហភាពសហព័ន្ធយុវជនកម្ពុជា (ស.ស.យ.ក.) បានរៀបចំកិច្ចប្រជុំរបស់ខ្លួន ក្រោមអធិបតីភាព ឯកឧត្តម ហ៊ុន ម៉ានី ប្រធាន ស.ស.យ.ក
0

ពិធីពុទ្ធាភិសេកព្រះពុទ្ធរូប ព្រះអង្គប្រស់សត្វនៅវត្តទេពពោធិវង្ស


ខេត្តសៀមរាប ÷ ព្រះពុទ្ធបដិមាកំពស់៣ម៦តិក និង រូបខ្លាមួយគូរ ធ្វើឡើងអំពីថ្ម ត្រូវបានឯកឧត្តម ឧត្តមសេនីយ៍ឯក បណ្ឌិត ធន វិមានច័ន្ទ នាយករងនាយកដ្ឋានវិស្វកម្ម ក្រសួងការពារជាតិ និងជាឧត្តមទីប្រឹក្សាផ្ទាល់ សម្តេចអគ្គមហាសង្ឃរាជាធិបតី កិត្តិឧទ្ទេសបណ្ឌិត ទេព វង្ស សម្តេចមហាសង្ឃរាជ នៃព្រះរាជា ណាចក្រកម្ពុជា នាំដង្ហែយកមកដម្កល់ទុកគោរពទីសក្ការៈបូជា នៅក្នុងទីវត្ត ទេពពោធិវង្ស (ហៅវត្តថ្មី) ស្ថិតនៅភូមិត្រពាំងសេះ សង្កាត់គោកចក ក្រុង ខេត្តសៀមរាប និងបានរៀបចំពិធី ពុទ្ធាភិសេក កាលពីល្ងាច ថ្ងៃទី០៩ ខែកុម្ភះ ឆ្នាំ២០២៣ ដោយមានការនិមន្ត អញ្ជើញចូលរួមពីព្រះសង្ឃ ១០៨រូប សីលវ័ន្ត សីលវន្តី ១០៨នាក់ សិស្ស លោកគ្រូអ្នកគ្រូ ១០៨នាក់ផងដែរ ។ ព្រះពុទ្ឋបដិមានេះបានរំលេច ទ្រង់ព្រះសណ្ឋិត (ឈរ) ព្រះហស្តស្ដាំរាទៅមុខ ព្រះហស្តឆ្វេងសំយុងចុះ ជាឥរិយាបទនៃការឱ្យអភ័យដល់សព្វសត្វ ។ ព្រះពុទ្ធសាសនាមានគុណសម្បតិ្តធំធេងណាស់ចំពោះមនុស្សលោកជួយឱ្យជីវិតរស់នៅដោយភាពចម្រុងចម្រើន សុខសប្បាយព្រោះមិនបានបៀតបៀនគ្នា និងជួយដល់ប្រយោជន៍សង្គមឱ្យមានសុខសន្តិភាព។

ព្រះវិជ័យរង្សី បណ្ឌិត ឡាច លាង ព្រះធម្មធរគណខេត្ត ជាព្រះអនុគណក្រុងសៀមរាប និងជាចៅអធិការវត្តទេពពោធិវង្សក្រុងសៀមរាប ខេត្តសៀមរាប មានសង្ឃដិកាថា៖ព្រះពុទ្ឋបដិមានិងរូបសត្វខ្លាមួយគូនេះ ជាសមិទ្ឋផលថ្មីមួយទៀត និងបង្ហាញពីសទ្ឋាជ្រះថ្លារបស់ ឯកឧត្តម  ធន វិមានច័ន្ទ និងក្រុមការងារចុះជួយមូលដ្ឋានខេត្តសៀមរាប សម្រាប់គោរពបូជា ញ៉ាំងឱ្យវិស័យព្រះពុទ្ឋសាសនាកាន់តែរីកចម្រើននិងស្ថិតស្ថេរគង់វង្សគ្រប់៥ពាន់ព្រះវស្សា។ ព្រះអង្គបន្តថា៖ការកសាងព្រះពុទ្ធបដិមា តាងព្រះបរមរូបនៃព្រះសម្មាសម្ពុទ្ធជាម្ចាស់កើតមានតាំងពីសម័យពុទ្ធកាលម៉្លេះព្រះពុទ្ឋជាម្ចាស់នៃយើង ព្រះអង្គទ្រង់ត្រាស់សម្ដែងសរសើរអំពីអានិសង្សនៃការជួសជុល និងការកសាងព្រះពុទ្ធរូប ដែលត្រូវបានទទួលផល យ៉ាងច្រើនជាអនេកប្បការ។ ព្រះតេជគុណបន្ថែមថា៖ព្រះពុទ្ធសាសនាបានផ្តល់នូវគុណប្រយោជន៍ជាច្រើនយ៉ាងគឺៈឱវាទពុទ្ធសាសនាជាបច្ច័យមួយជួយឱ្យមនុស្សមានសេចក្តីសុខស្ងប់ខាងផ្លូវចិត្តនឹងធឹងធ្វើឱ្យបុគ្គលគ្រប់រូបមានសុខភាពផ្លូវចិត្តល្អរឹងមាំ និងនាំឱ្យសុខភាពរាងកាយរបស់បុគ្គលល្អផងដែរ ព្រោះសុខភាពកាយអាស្រ័យនឹងសុខភាពផ្លូវចិត្ត។ ពុទ្ធសាសនាធ្វើឱ្យមនុស្សមានអារម្មណ៍ល្អមានសតិរឹងមាំជានិច្ចប្រាស់ចាកសេចក្តីភ័យខ្លាច និងវិបត្តិទាំងពួង ជួយផ្តល់កម្លាំងចិត្ត ធ្វើឱ្យមនុស្សមានកម្លាំងចិត្តជឿជាក់លើខ្លួនឯងថាមានអ្នកជួយតាមថែរក្សាជានិច្ច ជាបច្ច័យមួយដែលអាចជួយឱ្យការធ្វើការងារបានសម្រេច និងមានឱកាសយកឈ្នះលើឧបសគ្គទាំងពួងបាន ។

ព្រះពុទ្ឋសាសនាក៏ជាបច្ច័យជួយឱ្យការចិញ្ចឹមជីវិតរបស់បុគ្គលកាន់តែមានរបៀបវិន័យ និងមានគុណភាពល្អឡើង មានឱកាសបានសម្រេចប្រយោជន៍ដោយល្អ ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, វប្បធម៌

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.