ព័ត៌មាន​ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេសឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បន្តវិនិច្ឆ័យក្បាលដីនៃការចុះបញ្ជីដីមានលក្ខណៈជាប្រព័ន្ធ នៅភូមិល្អឺនកាំងមីស ឃុំអូរជុំ ស្រុកអូរជុំ ខេត្តរតនគិរី - សេចក្តីប្រកាសព័ត៌មាន ស្តីពី លទ្ធផលនៃដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយក រដ្ឋមន្រ្តី នៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប ប្រចាំការបិទផ្សាយជាសាធារណៈនូវឯកសារបញ្ជីឈ្មោះម្ចាស់ដី និងប្លង់សុរិយោដីតំបន់៣ កាត់មកតំបន់១ និងតំបន់២ ស្ថិតក្នុងភូមិសាស្រ្តឃុំកំពង់ភ្លុក ស្រុកប្រាសាទបាគង ខេត្តសៀមរាប - កិច្ចប្រជុំក្រុមការងារសិក្សាពិនិត្យ និងចុះបញ្ជីដីពាក់ព័ន្ធបុរាណដ្ឋាន ក្នុងភូមិសាស្ត្រខេត្តសៀមរាប មានចំនួន ១៩.០០០ក្បាលដី - ឯកឧត្តម សាយ សំអាល់ ថ្លែងថា អាងប្រព្រឹត្តកម្មទឹកកខ្វក់ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ - គណៈកម្មាធិការបណ្តុះបណ្តាលខេត្តសៀមរាបបើកកិច្ចប្រជុំផ្សព្វផ្សាយកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងងាយរងហានីភ័យ! - ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ - សមិទ្ធផលថ្មីព្រះវិហាវត្តទិព្វពិសីហៅវត្តដំរីឆ្លងដែលស្ថិតនៅឃុំសង្វើយស្រុកជីក្រែង ខេត្តសៀមរាបត្រូវបានប្រារព្ធពិធីសម្ពោធ និងកាត់ឫសសីមាដាក់ឱ្យប្រើប្រាស់ - កម្លាំងជំនាញផ្នែករដ្ឋបាលជលផលកំពង់ប្រសាទឃាត់បានឧបករណ៍នេសាទខុសច្បាប់!
0

សប្បុរសជន និងព្រះសង្ឃនៅក្នុងក្រុងសៀមរាបបានផ្តល់ស្បៀងដល់គ្រួសារក្រីក្រ និង ចាស់ជរាចំនួន៦០គ្រួសារ នៅស្រុកជីក្រែងខេត្តសៀមរាប


ខេត្តសៀមរាប ÷ ដោយទទួលបានការឧបត្ថម្ភថវិកាប្រកបដោយចិត្តសប្បុរសពីសាកលវិទ្យាល័យពោធិសាស្រ្ត លោក បណ្ឌិត សាក់ប្រាសាន់ឌី លោក អាន់ឌ្រាស់ និងភរិយា កាលពីរសៀលថ្ងៃទី២៣ ខែមករា ឆ្នាំ២០២៣ បានចែកស្បៀងដល់គ្រួសារក្រីក្រ និងចាស់ជរាចំនួន៦០គ្រួសារ រស់នៅភូមិពោធិរីង ឃុំខ្វាវ ស្រុកជីក្រែង ខេត្តសៀមរាប ដោយមានការនិមន្ត និងអញ្ជើញចូលរួមពីសំណាក់ ព្រះរាជាគណកិត្តិយស ព្រះគ្រូ ព្រះថេរានុត្ថេរៈ លោកមេឃុំ សមាជិកក្រុមប្រឹក្សាឃុំ និងលោកមេប៉ុស្តិ៍ចូលរួមផងដែរ។

លោក ធិន ភី មេឃុំខ្វាវ ស្រុកជីក្រែង ខេត្តសៀមរាប បានមានប្រសាសន៏ថា លោកពិតជាមានការសប្បាយចិត្តនៅពេលដែលបានឃើញសកម្មភាពរបស់សប្បុ រសជន រួមជាមួយព្រះសង្ឃនៅក្នុងខេត្តសៀមរាប បានមកជួយដល់ប្រជាពលរដ្ឋនៅក្នុងឃុំរបស់លោក ជាពិសេសគឺការផ្តល់ជាស្បៀងដល់ប្រជាពលរដ្ឋក្រីក្រ និងចាស់ជរានៅពេលនេះ។ លោកបន្តថា សកម្មភាពនៃការចូលរួមបែបនេះ គឺពិតជាសំខាន់ ដោយទី១បានមកដល់ដៃអ្នកខ្វះខាត និងកំពុងមានតម្រូវការដោយផ្ទាល់នៅតំបន់ជនបទដាច់ស្រយ៉ាល ទី២ជាចំណែកមួយក្នុងការចូលរួមជាមួយអាជ្ញាធរឃុំជួយដល់ប្រជាពលរដ្ឋដែលកំពុងខ្វះខាតបានទាន់ពេលវេលា។ លោកមេឃុំក៏បានថ្លែងអំណរគុណដល់សប្បុរសជន និងព្រះសង្ឃនៅក្នុងក្រុងសៀមរាប ដែលបានផ្តល់ស្បៀងអាហារដល់គ្រួសារក្រីក្រ និងចាស់ជរាចំនួន៦០គ្រួសារ នៅឃុំខ្វាវនេះផងដែរ។

ព្រះធម្មានុរ័ត្នញាណ ស៊ុម ពិសិទ្ធិ ព្រះរាជាគណកិត្តិ យស ព្រះសមុហ៌គណខេត្តសៀមរាប បានមានសង្ឃដីការថា ទេយ្យវត្ថុទាំងនេះបើធៀបទៅនឹងអ្នកមាន ឬឧកញ៉ា វាមិនបានស្មើនឹងអាហារមួយពេលរបស់គេផង ប៉ុន្តែវាមានន័យណាស់សម្រាប់មនុស្សដែលរកព្រឹកខ្វះល្ងាច ឬរកថ្ងៃនេះខ្វះស្អែក ។ ព្រះតេជគុណបានបន្តថាកន្លងមកព្រះសង្ឃជាចៅអធិការវត្តមួយចំនួននៅក្នុងក្រុងសៀមរាបតែងតែបាននាំយកទេយ្យវត្ថុ ទៅផ្តល់ជូនដល់ប្រជាពលរដ្ឋដែលកំពុងខ្វះខាត នៅតាមមូលដ្ឋាន ដើម្បីជាការចូលរួមជាមួយអាជ្ញាធរក្នុងការជួយអ្នកខ្វះខាតឱ្យបានទាន់ពេលវេលា។

សូមបញ្ជាក់ថា ទេយ្យវត្ថុដែលគ្រួសារត្រូវទទួលបាននៅពេលនេះរួមមាន៖ អង្ករ១៥គីឡូក្រាម ទឹកត្រី១យួរ ទឹកស៊ីអ៊ីវ១យួរ មី១កេស សារុង១ ថ្នាំទម្លាក់សត្វស្អិត ៣ប្រអប់ និង ថវិកា ២ម៉ឺនរៀលផងដែរ ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.