ខេត្តសៀមរាប ÷ នៅថ្ងៃទី២០ខែមករាឆ្នាំ២០២៣ មន្ទីរអប់រំយុវជននិងកីឡាខេត្តសៀមរាប សហការជាមួយអង្គការសហព័ន្ឋជាតិនៃសមាគមយូណេស្កូជប៉ុនប្រចាំកម្ពុជានិងសាលាបឋមសិក្សាវត្តបូព៌បានរៀនពិធីប្រគល់រង្វាន់មេដាយដល់សិស្សជាប់ស្នាដៃ ជ័យលាភីគំនូរកុមារអេនីគីឆ្នាំ២០២១-២០២២ជូនដល់កុមារា កុមារី ចំនួន៨រូបដែលបានចូលរួមក្នុងកម្មវិធីប្រឡងប្រណាំងគំនូរកុមារអាស៊ី អេនីគី មីតស៊ុប៊ិស៊ិ កាលពីក្នុងអំឡុងខែមិថុនាឆ្នាំ២០២២ កន្លងមក។
លោក នង វុត្ថា នាយកអង្គការសហព័ន្ធជាតិនៃមាគម យូណេស្កូជប៉ុនប្រចាំកម្ពុជា បានមានប្រសាសន៍ថា៖គណៈកម្មការកិច្ចការសាធារណៈមីតស៊ុប៊ិស៊ិ សហព័ន្ធនៃក្លឹបនៃសមាគមយូណេស្កូអាស៊ីប៉ា ស៊ីហ្វិក និងអង្គការសហព័ន្ធជាតិសមាគមយូណេស្កូជប៉ុន បានចាប់ផ្តើមរៀបចំកម្មវិធីប្រកួតប្រជែងគំនូរកុមារ-អាស៊ី – អេនីគី ក្នុងឆ្នាំ ១៩៩០ ដើម្បីផ្លាស់ប្ដូរវប្បធម៌រវាងកុមារនិងកុមារនៅទ្វីបអាស៊ី។ នៅឆ្នាំ២០២១-២០២២ មានកុមារមកពី២៤ប្រទេស និងតំបន់នៃទ្វីបអាស៊ី រួមទាំងប្រទេសជប៉ុន បានចូលរួមក្នុងព្រឹត្តិការណ៍នេះ ហើយនៅក្នុងប្រទេសកម្ពុជា ការប្រលងប្រណាំងគំនូរនេះត្រូវបានរៀបចំឡើង ដោយមន្ទីរអប់រំ យុវជន និងកីឡាខេត្តសៀមរាប សហការជាមួយអង្គការសហព័ន្ធជាតិនៃសមាគមយូណេស្កូជប៉ុនប្រចាំកម្ពុជា គាំទ្រជាថវិកាដោយក្រុមហ៊ុន មីតស៊ូប៊ីស៊ី។ ដោយមានកុមារជាសិក្សានុសិស្សមកពី១៥សាលានៅក្នុងក្រុងសៀមរាប បានចូលរួមប្រគួតប្រជែង និងសម្រេចជ្រើសរើសសំណុំចំនួន៨សំណុំ ដើម្បីធ្វើការវាយតម្លៃបន្តនៅប្រទេសជប៉ុន ដោយគណៈកម្មការអន្តរជាតិ។
ជាលទ្ធផលគណៈកម្មការអន្តរជាតិ បានធ្វើការវាយតម្លៃគំនូរ និងផ្ដល់ជ័យលាភី គឺ១.កុមារី ពេញ ច័ន្ទបរមី មកពីសាលាបឋមសិក្សាវត្តបូព៌ ទទួលបានជ័យលាភីលេខ១ – ស្នាដៃឯក ២. កុមារី រស្មី ផល្លីសួគ៌ា មកពីសាលាបឋមសិក្សាស្តីឆ្អើរអញ្ចាញអង្គរ ទទួលបានជ័យលាភី សហព័ន្ធនៃក្លឹបនិងសមាគមយូណេស្កូអាស៊ីប៉ាស៊ីហ្វិក ៣. កុមារា ពេជ្យ ប៊ុណ្ណាវឌ្ឍ មកពីសាលាបឋមសិក្សាវត្តបូព៌ ទទួលបានជ័យលាភី គណៈកម្មការកិច្ចការសាធារណៈមីតស៊ូប៊ីស៊ី ៤. កុមារី ថន មុនិន្ទសុវណ្ណមេត្តា មកពីសាលាបឋមសិក្សាក្រវ៉ាន់ ទទួលបានជ័យលាភី សហព័ន្ធជាតិនៃសមាគមយូ ណេស្កូជប៉ុន ៥. កុមារី អួន សុវណ្ណសេរីរស្មី មកពីសាលាបឋមសិក្សាធ្លកអណ្តូងទទួលបានជ័យលាភីល្អប្រសើរ ៦.កុមារា សាង វីរៈសត្យា មកពីសាលាបឋមសិក្សាក្រវ៉ាន់ ទទួលបានជ័យលាភីល្អប្រសើរ ៧. កុមារី ស៊្រុន នីសា មកពីសាលាបឋមសិក្សាធ្លក អណ្តូង ទទួលបានជ័យលាភី ល្អប្រសើរ និងទី៨. កុមារី អ៊ូ ម៉ីនាង មកពីសាលាបឋមសិក្សាវត្តស្វាយ ទទួលបានជ័យលាភី ល្អប្រសើរ។
លោក លី ប៊ុនណា ប្រធានមន្ទីរអបរំ យុវជន និងកីឡា ខេត្តសៀមរាប បានមានប្រសាសន៍ថា គំនូរនេះគឺពិតជាមានសារៈសំខាន់ណាស់សម្រាប់កុមារ ក៏ដូចជាកម្មវិធីអបរំទាំងមូល ព្រោះវាបានបង្ហាញពីជីវភាពរស់នៅ អំពីបេតិកភណ្ឌដ៏មានតម្លៃ វប្បធម៌ និងអត្ត សញ្ញណជាតិ និមួយៗ ហើយមិនតែប៉ុណ្ណោះគំនូរ គឺជាកំណត់ហេតុឬកំណត់ត្រា ដែលបានបន្សល់ទុកឱ្យអ្នកជំនាន់ក្រោយបានដឹងពីសម័យកាលនិមួយៗផង ដែរ។
លោកក៏បានបន្តថាកម្មវិធីនេះនឹងរៀបចំធ្វើជាបន្តបន្ទាប់ទៀត។ សម្រាប់រង្វាន់កុមារដែលទទួលបាន ជ័យលាភីលេខ១ ស្នាដៃឯក គឺត្រូវបានឱ្យទៅទស្សនកិច្ចនៅប្រទេសជប៉ុន ប៉ុន្តែដោយសារស្ថានភាពកូវីដនៅជប៉ុនមិនទាន់ធូរ មិនអាចទៅបាន ទើបគណៈកម្ម ការផ្តល់រង្វាន់ដល់អ្នកជាប់ជ័យលាភីលេខជាទឹកប្រាក់ចំនួន១.៣០០ដុល្លា មេដាយមាស១ រួមជាមួយ និង ប័ណ្ណសសើរ ឯចំណែកអ្នកទទួលជ័៧យលាភីរងចំនួន៧នាក់ទៀតទទួលបានប្រាក់១០០ដុល្លា និងប័ណ្ណសសើរផងដែរ៕
ដោយ ÷ ពន្លឺ
