ព័ត៌មាន​ទាន់ហេតុការណ៍
នៅខេត្តសៀមរាប ការិយាល័យបោះឆ្នោត សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ បានបើកចាប់ពីព្រឹកម៉ោង៧:០០នាទី នៅថ្ងៃនេះ - ការនាំចេញផលិតផលរបស់ក្រុមហ៊ុនសហគ្រាសឬសិប្បកម្មផលិតមិនមែនជាការងាយស្រួលទេ គឺទាមទារឱ្យមានការអភិវឌ្ឍគុណភាពផលិតនិងមានច្បាប់លិខិតបទដ្ឋានគតិយុត្តិនៃប្រទេសនាំចេញ - តើរដ្ឋាភិបាលគួរដាក់មន្ត្រីជំនាញចុះស៊ើបអង្កេតស្រាវជ្រាវឱ្យបានស៊ីជម្រៅលើប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ1នៅចំណុចឃុំកំពង់ភ្នំ ស្រុកលើកដែក ខេត្តកណ្ដាល ប្រមូលលុយតាមរបៀបពុករលួយពេញទំហឹង មិនញញីតអ្វីទាំងអស់? - កម្លាំងមន្ទីរប្រឆាំងបទល្មើសគ្រឿងញៀន បង្ក្រាបករណីដឹកជញ្ជូន ជួញដូរគ្រឿងញៀន ឃាត់ខ្លួនជនសង្ស័យ៤នាក់ រឹបអូសបានថ្នាំញៀនជាង ២គីឡូក្រាម  - លោកមេគយ យី ថុល ធ្វើតេស្តស្ទង់កម្លាំង សម្តេចធិបតី ហ៊ុន ម៉ាណែត ដើម្បីធ្វើជាគំរូពុករលួយដល់គយទូទាំងប្រទេស តើអាចឱ្យទំនិញលោតឆ័ត្របានទៀតឬទេ? - ករណីគ្រឿងចក្រកាយដីបឹង ស្រុកបាទី ខេត្តតាកែវ តើលោកអភិបាលស្រុកបានដឹងឬទេ? - ល្បែងមាន់ជល់អនឡាញយ៉ាងអាណាធិបតេយ្យនៅក្នុងទឹកដីខណ្ឌពោធិ៍សែនជ័យ ចង់សាកមើលតើលោក ម៉ម វុធី មេនគរបាលខណ្ឌពោធិ៍សែនជ័យ មានសមត្ថភាពបង្ក្រាបដែរឬទេ? - មន្ទីរប្រឆាំងបទល្មើសគ្រឿងញៀន សហការជាមួយស្នងការដ្ឋាននគរបាលខេត្តស្ទឹងត្រែង បង្ក្រាបករណីជួញដូរ និងដឹកជញ្ជូនគ្រឿងញៀនឆ្លងដែន រឹបអូសបានថ្នាំញៀនជិត ១៦០គីឡូក្រាម ដែលជនល្មើសបង្កប់ដឹកតាមគោយន្តកន្ត្រៃ - សកម្មភាពបងប្អូនក្រុមការងារវាលទី១៨ (ខណ្ឌមានជ័យ) ចុះប្រចាំការបិទផ្សាយជាសាធារណៈនូវឯកសារនៃការវិនិច្ឆ័យ ភូមិសាឡាំ ភូមិត្រពាំងខ្នារ និងភូមិស្រែខ្ញែរ ឃុំពោធិម្រាល ស្រុកបសេដ្ឋ ខេត្តកំពង់ស្ពឺ - អ្នកស្រី តូ ស៊ីម និងអ្នកស្រី សុខ ស៊ីណា ស្នើសុំដល់លោក សុខ ហេង អធិការនគរបាលខណ្ឌព្រែកព្នៅ មេត្តាជួយណែនាំដល់អធិការរងព្រហ្មទណ្ឌប្រគល់ម៉ូតូដែលបានឃាត់ទុកកាលពីថ្ងៃទី២៦ ខែវិច្ឆិកា ឆ្នាំ២០២៣!
0

សិក្ខាសាលាផ្សព្វផ្សាយចែករំលែកព័ត៌មាន និង បែបបទនានាស្តីពីការផ្តល់អាហារូបករណ៍ របស់រដ្ឋាភិបាលអូស្ត្រាលី


ខេត្តសៀមរាប ÷ រដ្ឋបាលខេត្តសៀមរាប បានសហការជាមួយក្រុមការងារកម្មវិធីអាហារូបករណ៍ Australia Awards រៀបចំសិក្ខាសាលាផ្សព្វផ្សាយចែករំលែកព័ត៌មាន និង បែបបទនានា ស្តីពីការផ្តល់អាហារូបករណ៍ របស់រដ្ឋាភិបាលអូស្ត្រាលី  ក្នុងគោល បំណងរៀបចំបង្ហាញផ្សព្វផ្សាយ ចែករំលែកព័ត៌មាន និង បែបបទនានា ក្នុងការដាក់ពាក្យស្នើសុំអាហា រូបករណ៍ ដល់មន្ត្រី រាជការសាលាខេត្ត មន្ទីរ និង សិស្ស និសិ្សត ក្នុងខេត្តសៀមរាប ក្រោមអធិបតីភាពរបស់ លោក យុន លីនណេ អភិបាលរង នៃគណៈអភិបាលខេត្ត តំណាងដ៏ខ្ពង់ខ្ពស់ឯកឧត្តម ទៀ សីហា អភិបាលនៃគណៈអភិបាលខេត្ត លោក Michael Sadlon  តំណាងកម្មវិធី Australia Awards ប្រចាំប្រទេសកម្ពុជា  ដោយមានការចូលរួមជាសិក្ខាកាមពីសំណាក់អស់លោក លោកស្រី ថ្នាក់ដឹកនាំមន្ទីរ អង្គភាព មន្ត្រីរាជការ ក្រុង ស្រុក  សហភាពសហព័ន្ធយុវជនកម្ពុជាខេត្ត សិស្ស និសិ្សត មកពីគ្រប់គ្រឹះស្ថាន សិក្សាថ្នាក់សាកលវិទ្យាល័យ និង អង្គការមិនមែនរាជរដ្ឋាភិបាលជាតិ អន្តរជាតិ ប្រមាណជាង២០០នាក់ចូលរួម កាលពីព្រឹកថ្ងៃទី ១៣ ខែ មករា ឆ្នាំ២០២៣ នៅសាលាខេត្តសៀមរាប ។

មានប្រសាសន៍បើកអង្គសិក្ខាសាលានោះ លោក យុន លីនណេ បានធ្វើការថ្លែងអំណរគុណ ចំពោះកម្មវិធីអាហារូប ករណ៍ Australia Awards ដែលបានសហការជាមួយរដ្ឋបាលខេត្តសៀមរាប ។ រាជរដ្ឋាភិបាលកម្ពុជា មានឆន្ទះយ៉ាងមោះមុត ចំពោះកម្មវិធីកំណែទម្រង់វិមជ្ឈការ និងវិសហមជ្ឈការ និង មានការជឿជាក់ចំពោះតួនាទីដ៏មានសារៈសំខាន់ របស់ រដ្ឋបាលថ្នាក់ក្រោមជាតិ លើកការផ្តល់សេវាសាធារណៈ និង ការអភិវឌ្ឍសេដ្ឋកិច្ចមូលដ្ឋាន និង លើកកម្ពស់ជីវភាព រស់នៅរបស់ប្រជាពលរដ្ឋ ក្នុងការកាត់បន្ថយភាពក្រីក្រប្រកបដោយប្រសិទ្ធភាព ។

លោកអភិបាលរងខេត្ត បានគូសបញ្ជាក់ថា សិក្ខាសាលាថ្ងៃនេះ គឺជាការចូលរួមចំណែកជាមួយរាជរដ្ឋាភិបាល ដោយផ្តោតទៅលើការពង្រឹងសមត្ថភាពមនុស្សក្នុងវិស័យ ហេដ្ឋារចនាសម្ព័ន្ធរូបវ័ន្ត កសិកម្ម សុខាភិបាល ការគ្រប់គ្រង ការអប់រំ ពាណិជ្ជកម្ម និង វិស័យផ្សេងៗ ជួយក្នុងការអភិវឌ្ឍន៍ សេដ្ឋកិច្ចសង្គមកម្ពុជា ឲ្យកាន់តែប្រសើរឡើង តាមរយៈការបណ្តុះភាពជាអ្នកដឹកនាំ ជំនាញសំខាន់ៗ ដែលសង្គមកម្ពុជាត្រូវការ។ មន្ត្រីរាជការសិស្សានុសិស្ស ដែលបានបញ្ចប់ការសិក្សាពីប្រទេសអូស្ត្រាលី តាមរយៈទទួលអាហារូបករណ៍នេះ នឹង ពាំនាំមកនូវគំនិត ចំណេះដឹងថ្មីៗ និង មានសមត្ថភាពបន្ថែមទៀត ក្នុងការរួមចំណែកអភិឌ្ឍន៍ប្រទេសកម្ពុជា ។ លោកបាន បន្តទៀត សិក្ខាសាលានេះ បើកចំហរ និង ផ្តល់ឱកាសដល់មន្ត្រីរាជការ បុគ្គលិក អង្គការឯកជន និង និសិ្សត នៅក្នុងខេត្ត ដែលមានបំណង ដាក់ពាក្យយកអាហារូបករណ៍ទៅសិក្សានៅប្រទេសអូស្ត្រាលី ជាពិសេសបេក្ខជនជាស្ត្រី មកពីបណ្តាខេត្ត និង ជនពិការភាព ត្រូវលើកទឹកចិត្តយ៉ាងខ្លាំង ក្នុងការដាក់ពាក្យយកអាហារូបករណ៍ Australia Awards នេះ ។ ក្នុងនោះដែរ លោកអភិបាលរងខេត្ត ក៏បានលើកផងដែរ អំពីអត្ថប្រយោជន៍ ពេលទៅសិក្សានៅប្រទេស អូស្ត្រាលី គឺផ្តល់ផលប្រយោជន៍ យ៉ាងច្រើនដល់បុគ្គលផ្ទាល់ខ្លួន និងប្រទេសជាតិផងដែរ ។  ដើមី្បសម្រេចបាននូវគោលបំណងនេះ លោកអភិបាលរងខេត្ត សូមឲ្យសិក្ខាកាមទាំងអស់ យកចិត្តទុកដាក់ស្តាប់ និង ទទួលព័ត៌មានឲ្យបានពេញលេញពីវាគ្មិន ដើមី្បទទួលយកអាហារូបករណ៍នៅឆ្នាំនេះ ។

លោក Michael Sadlon  បានលើកឡើងអំពីប្រវត្តិ នៃការងារអប់រំ រវាងប្រទេសកម្ពុជា និង ប្រទេស អូស្ត្រាលី មានតាំងពីឆ្នាំ១៩៥០ បានស្វាគមន៍និស្សិត ប្រទេសកម្ពុជា តាមរយៈកម្មវិធី You Call You Fame ។ លោកបន្តទៀតថា ប្រទេសអូស្ត្រាលីបានបន្តផ្តល់អាហារូបករណ៍ ដល់និសិ្សតកម្ពុជា ចាប់តាំងពីឆ្នាំ១៩៩៤មានចំនួនប្រមាណជា៩០០នាក់ ។ ម៉្យាងទៀតនិសិ្សតកម្ពុជាដែលបានទៅសិក្សានៅ ប្រទេសអូស្ត្រាលី ក៏បានធ្វើការចែករំលែក និង ពាំនាំយកនូវចំណេះដឹងនូវបទ ពិសោធន៍ ពីប្រទេសអូស្ត្រាលី យកមកអភិវឌ្ឍន៍លើគ្រប់វិស័យការងាររបស់ខ្លួន ហើយនិសិ្សតភាគច្រើនទៅសិក្សានៅប្រទេសអូស្ត្រាលី ភាគច្រើនជានិសិ្សតទៅពី ខេត្តសៀមរាប ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.