ព័ត៌មាន​ទាន់ហេតុការណ៍
កម្លាំង​ជំនាញ​មន្ទីរ​ប្រឆាំង​បទ​ល្មើស​គ្រឿង​ញៀន​(ក១០)​ឃាត់​ជន​ជាតិ​វៀត​ណាម​ម្នាក់​និង​គ្រឿង​ញៀន​ជិត​៤០​គីឡូ​ក្រាមនិង​សារ​​ធាតុ​មិន​​ច្បាស់​​ជិត​​២០០​គីឡូក្រាម  - ឯកឧត្តម ​រ័ត្ន ​​ស្រ៊ាង​ អញ្ជើញ​សំណេះ​សំណាល​ជាមួយ​មេ​គ្រួសារ​បក្ស​នៃ​គណបក្ស​ប្រជាជន​កម្ពុជា​ក្នុង​ភូមិ​​ដំណាក់​សង្កែ ​និង​ភូមិ​ព្រែករ​ទាំង​​សង្កាត់​ព្រែក​កំពឹស ​ខណ្ឌ​ដង្កោ​! - សមណសិស្សពុទ្ធិកបឋមសិក្សាវត្តស្វាយរមៀតនិងប្រជាពលរដ្ឋខ្វះខាត ព្រមទាំងសិស្សានុសិស្សទទួលបានសម្ភារៈសិក្សានិងគ្រឿងឧបភោគបរិភោគពីព្រះសង្ឃនិងសប្បុរសជនក្នុងក្រុងសៀមរាប - ព្រះសង្ឃនិងញាតិញោមក្នុងក្រុងសៀមរាបនាំយកសម្ភារៈសិក្សាចែកជូនដល់សិស្សានុសិស្សចំនួន៣៨៥នាក់ នៅសាលាបឋមសិក្សា ក្នុងឃុំចាន់ស្រុកសូទ្រនិគម ខេត្តសៀមរាប - ឯកឧត្តម ​សៀង ​ណាំ ​អញ្ជើញ​កាត់​ខ្សែ​បូរ​សម្ពោធ​ផ្លូវ​បេតុង​ប្រវែង ​១.២០០​ ម៉ែត្រ​នៅ​វត្ត​ព្រះ​ក្រាល​ស្ថិត​លើ​ខ្នង​ភ្នំ​គូលែន​ក្នុង​ភូមិ​ថ្មី ​ឃុំ​ខ្នង​ភ្នំ ​ស្រុក​ស្វាយ​លើ - ជន​សង្ស័យ​សម្លាប់​បុរស​ជន​ជាតិ​ចិន​នៅ​កណ្ដាល​វាល​ស្រែ​ក្នុង​ស្រុក​បាធាយ​ខេត្ត​កំពង់​ចាម​ត្រូវ​បាន​កម្លាំង​នាយកដ្ឋាន​នគរ​បាល​ព្រហ្ម​ទណ្ឌ ​ដឹក​នាំ​ការ​ស្រាវ​ជ្រាវ ​និង​ឈាន​ដល់​ការ​ចាប់​ខ្លួន​បាន​ជន​ដៃ​ដល់​ចំនួន​៣​នាក់​នៅ​ខេត្ត​សៀមរាប - យុទ្ឋនាការ“អន្ទាក់សូន្យ” នៅក្នុងតំបន់ការពារធម្មជាតិកម្ពុជា ដំណាក់កាលទី២ ក្នុងទឹកដីនៃខេត្តសៀមរាប - ពុទ្ធភាសិត និងបុរាណភាសិត បានអប់រំមនុស្សឱ្យចេះដឹង និងធ្វើតែអំពើល្ - អំណោយ​ប្រចាំ​ខែ​របស់​លោក​ឧត្ដម​សេនីយ៍ឯក ​រ័ត្ន ​ស្រ៊ាង​ បាន​ប្រគល់​ដល់​ដៃ​ពល​រដ្ឋ​ទី​ទាល់​ក្រ​១៧ ​គ្រួសារ​! - ផ្លូវដីសប្រវែងជិត៥គីឡូម៉ែត្រនៅក្នុងឃុំខ្នាសណ្ដាយ ស្រុកបន្ទាយស្រី ត្រូវបានបើកការដ្ឋានសាងសង់ ដើម្បីសម្រួលដល់ការធ្វើដំណើរ ប្រកមុខរបររបស់ប្រជាពលរដ្ឋ 
0

លោក ​ទុំ ណូ ​មេគយ​ខេត្ត​កោះកុង​និងបក្ខពួក​បើក​ដៃ​ឲ្យ​ក្រុម​ឈ្មួញ​នាំ​ទំនិញ​គេច​ពន្ធ​គ្រប់​ប្រភេទ​ពី​ប្រទេស​ថៃ​ចូល​កម្ពុជា​?


ខេត្តកោះកុង ៖ សេចក្តីរាយការណ៍បានឲ្យដឹងថាក្រុមឈ្មួញធំៗបានសម្រុកនាំទំនិញគេចពន្ធ សាំងគេចពន្ធ និងទំនិញបង់ពន្ធស្ទើរមិនគ្រប់និងទំនិញខុសច្បាប់ចេញពីប្រទេសថៃ តាមច្រកកំពង់ផែ(ផ្លូវទឹក) និងផ្លូវគោក យ៉ាងពេញបន្ទុក យ៉ាងរលូនក្នុងទឹកដីខេត្តកោះកុង យ៉ាងគំហុក ដោយគ្មានអាជ្ញាធរ សមត្ថកិច្ចពាក់ព័ន្ធណាមួយធ្វើការបង្រ្កាបឬទប់ស្កាត់ឡើយ។

សេចក្តីរាយការណ៍ដដែលបានបន្តថា ការនាំទំនិញគេចពន្ធ ចេញមកពីប្រទេសថៃ ឆ្លងចូលមកទឹកដីកម្ពុជាបានយ៉ាងរលូនបែបនេះមកពីមានការបើកដៃនិងឃុបឃិតគ្នាពីសំណាក់លោក ទុំ ណូ ជាមេសាខា គយខេត្តកោះកុងដែលទើបនឹងផ្លាស់មកពីខេត្តសីហនុ ទើបក្រុមឈ្មួញ និងអាជីវកររកស៊ីដឹកជញ្ជូនទំនិញចូលពីប្រទេសថៃ ឆ្លងកាត់ខេត្តកោះកុង បានបើមិនដូច្នោះទេក៏សង្ឃឹមថាបាននាំទំនិញបង់ពន្ធ និងគេចពន្ធចូលមកបាននោះ។ បើគ្មានការអនុញ្ញាតនិងបើកភ្លើង ខៀវពីលោក ទុំ ណូ មេគយទើបឡើងថ្មីមានការត្រូវរ៉ូវគ្នានិងសមត្ថកិច្ចជំនាញដែលពាក់ព័ន្ធតាមច្រកព្រំដែនផ្លូវទឹក និងផ្លូវគោកទេនោះ។ ហើយនៅមានក្រុមអាជីវករដែលដឹកទំនិញតាមច្រកផ្សេងៗជាច្រើនឆ្លងកាត់ខេត្តកោះកុង ត្រូវបានកូនចៅលោក ទុំ ណូ ដាក់កុងត្រូលស្ទាក់ចាប់ជម្រិតយកលុយតាមតែទំនើងចិត្តនៅចំណុចឃុំអណ្តូងទឹក ផ្លូវជាតិលេខ៤៨ ស្រុកស្រែអំបិល ដាក់ហោប៉ៅចែកគ្នាយ៉ាងស្ងៀមស្ងាត់ទៀតផង។

ក្រុមឈ្មួញនិងអាជីវកររកស៊ីដឹកទំនិញពីប្រទេសថៃនាំគ្នារិះគន់ចំៗថាលោក ទុំ ណូ ក្នុងតួនាទីជាមេសាខា គយខេត្ខេត្តកោះកុង មានអំណាចគ្រប់គ្រងទៅលើ ការិយាល័យគយជាច្រើនកន្លែងនៅក្នុងដែនសមត្ថកិច្ចប្រមូលពន្ធគយ ដូចជា ច្រកចាំយាម កំពង់ផែស្រែអំបិល កំពង់ផែកែវផុស និងច្រកលួចលាក់តូចៗជាច្រើនទៀតដែលងាយស្រួលក្នុងការប្រព្រឹត្តអំពើពុករលួយជាមួយឈ្មួញដែលរកស៊ីនាំទំនិញចូលពីប្រទេសថៃឲ្យកូនចៅធ្វើអ្វីស្រេចតែអំពើចិត្ត លួចបើកឲ្យទំនិញគេចពន្ធ និងទំនិញបង់ពន្ធស្ទើរមិនគ្រប់ ចំណីអាហារខូចគុណឲ្យក្រុមឈ្មួញនាំចូលពីប្រទេសថៃយ៉ាងរលូនដោយគ្មានការឆែកឆេរ និងរឹតបន្តឹងពីមន្ត្រីគយ ដោយសារគេបង់សេវាឲ្យ ដោយមិនចេញ វិក័យប័ត្រក៏មាន ប្រមូលលុយដាក់ហោប៉ៅចែកគ្នាយ៉ាងងាយ ធ្វើឲ្យបាត់បង់ចំណូលចូលរដ្ឋក្នុង១ខែ ៗរាប់សិបលានរៀលថែមទៀត។

បើតាមការអះអាងពីមន្ត្រីពាក់ព័ន្ធមួយចំនួនដែលបម្រើការងារតាមច្រកប្រមូលពន្ធគយបានលួចបង្ហើបឲ្យដឹងថា ទំនិញគេចពន្ធ និងទំនិញបង់ពន្ធស្ទើរមិនគ្រប់ ឬមិនគ្រប់ដែលនាំចូលពីប្រទេសថៃ មានដូចជា ស្រាបៀរជាច្រើនប្រភេទ ភេសជ្ជៈកំប៉ុង ឬដប គ្រឿងសំណង់ ទំនិញចាប់ហួយ និងគ្រឿងសំអាងការជាដើម…។

ក្រុមឈ្មួញដឹកទំនិញបានបញ្ជាក់ប្រាប់ថាយានយន្ត ដឹកទំនិញឆ្លងកាត់តាមផ្លូវជាតិលេខ៤៨ត្រូវបង់ លុយចាប់ពី១០ម៉ឺន រៀល ឡើងទៅ, រថយន្តធំដឹកទំនិញត្រូវបង់លុយពី២០ម៉ឺនរៀល ឡើងទៅ បើមានទំនិញសំពីងសំពោងច្រើនត្រូវបង់លុយពី២៥ម៉ឺនរៀលឡើងទៅតាមសភាពដឹកជាក់ស្តែង ។

ក្រុមឈ្មួញនិងអាជីវករតូចតាចដែលមិនអាចទ្រាំនឹងទង្វើគាបសង្កត់ជម្រិតទារលុយលើតុក្រោមតុពីមន្ត្រីនិងភ្នាក់ងារគយក្រោមការគ្រប់គ្រងរបស់លោកទុំ ណូ បានធ្វើការអំពាវនាវឲ្យថ្នាក់ដឹកនាំក្រសួងសេដ្ឋកិច្ច និងហិរញ្ញវត្ថុ, លោក ទេសរដ្ឋមន្ត្រីឱម យ៉ិនទៀងនិងមន្ត្រីក្រសួង ស្ថាប័ន ពាក់ព័ន្ធ ដែលជាថ្នាក់លើរបស់លោក ទុំ ណូ ត្រូវចាត់ក្រុមមន្ត្រីអធិការកិច្ចចុះមកអង្កេត ស្រាវជ្រាវមួយឲ្យបានស៊ីជម្រៅទៅលើកបុគ្គលលោក ទុំ ណូ មេគយខេត្តកោះកុងនិងកូនចៅមួយចំនួនដែលជាប់ពាក់ព័ន្ធតាមតែអាចធ្វើទៅបានដើម្បីទប់ស្កាត់ និងកាត់បន្ថយអំពើពុករលួយនិងការជម្រិតទារប្រាក់លើតុ ក្រោមតុពីក្រុមឈ្មួញ និងអាជីវករតូចតាចដែលរកស៊ីដឹកទំនិញឆ្លងកាត់ខេត្តកោះកុង តទៅទៀតដើម្បីបញ្ចៀសការបាត់បង់ចំណូលចូលរដ្ឋកាន់តែច្រើនឡើងៗដោយសារតែបុគ្គលរូបនេះនិងគ្នីគ្នា ប្រមូលលុយដាក់ហោប៉ៅ យកទៅចែកគ្នាធ្វើមានធ្វើបាន ស្រេចតែអំពើចិត្ត ដែលធ្វើប៉ះពាល់ដល់កេរ្តិ៍ឈ្មោះដល់មន្ត្រីដែលស្អាតស្អំ ៕

ដោយ ÷ ពុទ្ធី


Filed in: ព័ត៌មានជាតិ, ព័ត៌មានថ្មីៗ, ព័ត៌មានសំខាន់

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2023 រស្មីក្រុងយើង | Rasmey Krong Yoeng. All rights reserved. XHTML / CSS Valid.