ខេត្តកំពង់ស្ពឺ ÷ បែកធ្លាយលោក ឈួន ហៃ ប្រធានសាខាគយ និងរដ្ឋាករ ខេត្តកំពង់ស្ពឺ ដែលដល់អាយុចូលនិវត្តន៍ហើយតែមិនព្រមចូលនិវត្តន៍បានរត់ការលេបថ្នាំពន្យាអាយុចូលនិវត្តន៍។
មន្ត្រីអគ្គនាយកដ្ឋានគយ និងរដ្ឋាករកម្ពុជាបានទម្លាយឲ្យដឹងថា បើយោងតាមតារាងទូទាត់បៀវត្សឆ្នាំ២០២១ លោក ឈួន ហៃ ប្រធានសាខាគយ និងរដ្ឋាករ ខេត្តកំពង់ស្ពឺ កើតនៅថ្ងៃទី០១ ខែមករា ឆ្នាំ១៩៦៣។ ស្រាប់តែនៅក្នុងតារាងបៀវត្សរ៍ឆ្នាំ២០២២ បានកែប្រែឆ្នាំកំណើត គឺកើតនៅថ្ងៃទី០១ ខែមករា ឆ្នាំ១៩៦៨ ពោលគឺពន្យាអាយុចូលនិវត្តន៍បាន ៥ឆ្នាំ។ ហើយត្រូវចូលនិវត្តន៍នៅខែមករា ឆ្នាំ២០២៣ ខាងមុខនេះ ប៉ុន្តែបានពន្យាអាយុចូលនិវត្តន៍។
ទាក់ទងព័ត៌មានខាងលើនេះអង្គភាពយើងខ្ញុំបានស្វះស្វែងរកការបំភ្លឺពី លោក ឈួន ហៃ ប្រធានសាខាគយ និងរដ្ឋាករ ខេត្តកំពង់ស្ពឺ ដោយមិនអាចសុំការអត្ថាធិប្បាយបានទេនៅល្ងាចថ្ងៃទី២៤ ខែធ្នូ ឆ្នាំ២០២២ នេះ៕
