ខេត្តស្វាយរៀង ÷ ស្ត្រីឈ្មោះ មាស ឌីណា ជើងខ្លាំងប្រចាំតំបន់ជីភូ ខេត្តស្វាយរៀង បានសាងសង់របង (សំណង់រឹង)រំលោភលើដីកម្មសិទ្ធិឯកជនដែលម្ចាស់មានប្លង់កម្មត្រឹមត្រូវទទួលស្គាល់ដោយប្រធានមន្ទីរសុរិយោដីខេត្តស្វាយរៀង ហើយក៏ដោយ ក៏ស្ត្រីឈ្មោះ មាស ឌីណា នៅតែគឃ្លើនហ៊ានសង់របងរំលោភចូលដីកម្មសិទ្ធិរបស់គេ ព្រមទាំងមិនទទួលស្គាល់ដីជាកម្មសិទ្ធិរបស់ខ្លួនខណៈដែលម្ដាយឈ្មោះ មាស សាលី បានធ្វើអំណោយឲ្យខ្លួនឈ្មោះមាស ឌីណា ក៏ដោយ នៅតែខំប្រឹងប្រកែកថាមិនមែនជារបស់ខ្លួនដូចពាក្យចាស់ថា “មនុស្សដេកមិនលក់គឺពិបាកណាស់” ។
រឿងរ៉ាវទំនាស់ធ្វើរបងរំលោភលើដីកម្មសិទ្ធិឯកជនស្ថិតនៅភូមជ្រៃធំ សង្កាត់ព្រៃអង្គុញក្រុងបាវិតខេត្តស្វាយរៀង។ យោងតាមអាជ្ញាធរមូលដ្ឋានបានឲ្យដឹងថាបុគ្គលឈ្មោះ មាស ឌីណា ដែលបានធ្វើរបងនេះ(សំណង់រឹង)គឺមិនបានសុំការអនុញ្ញាតពីអាជ្ញាធរមូលដ្ឋាននោះឡើយ ព្រមទាំងការធ្វើរបងនោះមិនមានការសហការពីម្ចាស់ព្រំដីឡើយ។ តែបុគ្គល មាស ឌីណា នៅតែព្រហើននិងច្បាប់ដោយមិនខ្លាចច្បាប់នៅក្នុងប្រទេសម្ដងណាឡើយ។
មហាជនមានចម្ងល់ឆ្ងល់ថាតើបុគ្គល មាស ឌីណានេះពាក់ផ្កាយប៉ុន្មាន បម្រើការងារនៅស្ថាប័នរដ្ឋណាមួយ? ទើបព្រហើនយ៉ាងដូច្នេះ។
រាល់ការចោទប្រកាន់ខាងលើនេះអង្គភាពយើងខ្ញុំបានស្វះស្វែងរកការបំភ្លឺពីបុគ្គលឈ្មោះ មាស ឌីណានិងភាគីពាក់ព័ន្ធតែពុំមានលេខទូរសព្ទនៅព្រឹកថ្ងៃសុក្រ ទី២៣ ខែធ្នូ ឆ្នាំ២០២២ នេះ ទោះយ៉ាងណាអង្គភាពយើងខ្ញុំរង់ចាំការបកស្រាយគ្រប់ភាគីពាក់ព័ន្ធរៀងរាល់ម៉ោងធ្វើការ ដើម្បីឲ្យស្របតាមច្បាប់នៃ របបសារព័ត៌មានរបស់ព្រះរាជាណាចក្រកម្ពុជា៕ បឋម
