ខេត្តសៀមរាប ÷ ព្រះវិហារវត្តធម្មជាតិរុនតាឯក ត្រូវបានរៀបចំបញ្ចុះបឋមសិលាដើម្បីសាងសង់ នៅព្រឹកថ្ងៃទី០៨ខែធ្នូឆ្នាំ២០២២ នេះ ក្រោមអធិបតីភាព ឯកឧត្តម អ្នកឧកញ៉ា សៀង ណាំ អ្នកតំណាងរាស្ត្រមណ្ឌលសៀមរាប តំណាងដ៍ខ្ពង់ខ្ពស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងលោក យុន លីនណេ អភិបាលរងខេត្តសៀមរាប ។
ព្រះវិហារវត្តធម្មជាតិរុនតាឯកនេះស្ថិតក្នុងភូមិតានី ឃុំរុនតាឯកស្រុកបន្ទាយស្រី និងជាទីអារាមថ្មីស្រឡាងសម្រាប់ប្រជាពុទ្ឋបរិស័ទបំពេញបុណ្យទានតាមលំអានព្រះពុទ្ឋសាសនា។ ក្នុងនាមក្រុមប្រឹក្សាខេត្តនិងគណៈអភិបាលខេត្ត និងក្នុងនាមប្រជាពលរដ្ឋក្នុងខេត្ត លោក យុន លីនណេ អភិបាលរងខេត្ត បានសម្តែងការដឹងគុណ និងអំណរគុណយ៉ាងជ្រាលជ្រៅជាទីបំផុតចំពោះសម្តេចតេជោ ហ៊ុន សែន នាយករដ្ឋមន្ត្រីដែលជានិច្ចកាលសម្តេចតែងតែខ្វល់ខ្វាយអំពីសុខទុក្ខរបស់ប្រជាពលរដ្ឋក្នុងគ្រប់កាលៈទេសៈ ជាពិសេសសម្តេចតេជោ បានបង្កើតឱ្យមានហេដ្ឋារចនាសម្ព័ន្ឋរូបវ័ន្តនានាក្នុងតំបន់អភិវឌ្ឍធម្មជាតិរុនតាឯករួមមានផ្លូវ ប្រព័ន្ឋភ្លើង សាលារៀន ផ្សារសហគមន៍ វត្តអារាមជាដើម។
លោក យុន លីនណេ បានមានប្រសាសន៍ថា៖ក្រោយថ្ងៃរំដោះ៧មករា១៩៧៩ ក្រោមបាវចនា ជាតិ សាសនា ព្រះមហាក្សត្ រនិងក្រោមការដឹកនាំប្រកប ដោយគតិបណ្ឌិត របស់សម្តេចតេជោ សែន នាយករដ្ឋមន្ត្រី ហេដ្ឋារចនាសម្ព័ន្ឋនានារបស់វិស័យព្រះពុទ្ឋសាសនាត្រូវបានស្តារឡើងវិញ យ៉ាងឆាប់រហ័សពុំគួរនឹកស្មានដល់ ពិសេសព្រះពុទ្ឋសាសនាត្រូវបានកំណត់ក្នុងរដ្ឋធម្មនុញ្ញថាជាសាសនារបស់រដ្ឋ។ព្រះវិហារថ្មីដែលកំពុងសាងសង់នេះនឹងក្លាយទៅជាសមិទ្ឋផលថ្មីមួយទៀត ដែលផុសចេញពីសន្តានចិត្តដ៍ប្រពៃថ្លៃថ្លាររបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រនៃកម្ពុជានិងសបញ្ជាក់ឱ្យឃើញពីការរីកចម្រើននៃវិស័យពុទ្ឋចក្រក្នុងខេត្តសៀមរាបមួយកម្រិតទៀត។
មានប្រសាសន៍សំណេះសំណាលនាឱកាសនោះដែរ ឯកឧត្តម អ្នកឧកញ៉ា សៀង ណាំ បានបញ្ជាក់ថា៖ ក្រោមការដឹកនាំដ៍ឈ្លាសវៃរបស់សម្តេចតេជោហ៊ុន សែន នាយករដ្ឋមន្ត្រីវិស័យព្រះពុទ្ឋសាសនាត្រូវបានស្តារឡើងវិញជាមួយនឹងហេដ្ឋារចនាសម្ពន្ឋ័នានាយ៉ាងឆាប់រហ័សជាពិសេសវិស័យព្រះពុទ្ឋសាសនាត្រូវបានកំណត់ក្នុងរដ្ឋធម្មនុញ្ញជាសាសនារបស់រដ្ឋ។
ឯកឧត្តមអ្នកឧកញ៉ា សៀង ណាំ ក៏បានរំលឹកឡើងដែរក្នុងសម័យកាលដែលប្រទេសកម្ពុជា ធ្លាក់ចូលទៅក្នុងរបបប្រល័យពូជជសាសន៏ ៣ឆ្នាំ៨ខែ២០ថ្ងៃ បណ្តាឱ្យហេដ្ឋារចនាសម្ព័ន្ធសង្គមជាតិ វត្តអារាមសាលារៀន ទ្រព្យសម្បត្តិសាធារណៈរបស់រដ្ឋ ត្រូវទទួលរងនូវការបំផ្លិចបំផ្លាញស្ទើរតែសូន្យ សូម្បីតែព្រះសង្ឃ វត្តអារាម និងសាសនាផ្សេងៗទៀត ក៏ត្រូវទទួលរងនូវការកាប់សំលាប់ និងបំផ្លិចបំផ្លាញស្ទើរតែផុតពូជដែរ។ អាស្រ័យដោយមានជ័យជំនៈ ៧ មករា ឆ្នាំ១៩៧៩ ប្រជាជនកម្ពុជាបានរំដោះរួចផុតពីគ្រោះប្រល័យពូជសាសន៏ និងទទួលបានសិទ្ធិសេរីភាព រួមគ្នាកសាងសង្គមជាតិឡើងវិញរហូតមានការរីកចំរើនជាលំដាប់ទាំងពុទ្ចចក្រ និងអាណាចក្រដូចឃើញជាក់ស្តែងក្នុងបច្ចុប្បន្ន។ លើសពីនេះកម្ពុជាដែលពីអតីតកាលត្រូវបាត់បង់កិត្តិយសលើឆាកអន្តជាតិនោះ ឥឡូវបានជ្រោងកិត្យានុភាពរបស់ខ្លួនឲ្យខ្ពស់ឡើងវិញនៅលើឆាកអន្តជាតិក្រោមការដឹកនាំដ៍ឈ្លាសវៃនិងប៉ិនប្រសព្វរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ឯកឧត្តម បានលើកទឹកចិត្តឲ្យបងប្អូនប្រជា ពុទ្ធបរិស័ទទាំងអស់ ត្រូវជឿជាក់លើការដឹកនាំរបស់រាជរដ្ឋាភិបាលកម្ពុជាដែលមានសម្តេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី ដែលមានគោលនយោបាយច្បាស់លាស់ នឹងដឹកនាំប្រទេសប្រកបដោយភាពរីកចំរើនលើគ្រប់វិស័យ ប្រទេសជាតិទទួលបានសុខសន្តិភាព សុវត្ថិភាព និង ការអភិវឌ្ឍន៍តាំងពីទីប្រជុំជនរហូតដល់ទីជនបទដាច់ស្រយាល។ មានសម្តេចតេជោ សែន មានសន្តិភាព និងមានការអភិវឌ្ឍ៕
ដោយ ÷ ពន្លឺ
