ខេត្តសៀមរាប ÷ គណៈកម្មការរៀបចំការប្រកួតកីឡាប្រដាល់គុនខ្មែរដណ្ដើមខ្សែក្រវ៉ាត់ពានរង្វាន់ សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ សហព័ន្ធកីឡាប្រដាល់គុនខ្មែរ សហការជាមួយ សហការជាមួយ ស្ថានីយ៍ទូរទស្សន៍ កងយោធពលខេមរភូមិន្ទប៉ុស្តិ៍លេខ៥, ភូមិឋានសំណាង, និងទទួលបានការគាំទ្រដោយ ក្រសួងអប់រំ យុវជន និងកីឡា, គណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ និង គណៈកម្មាធិការជាតិអូឡាំពិកកម្ពុជា ក្រុមប្រឹក្សាកីឡាកងយោធពលខេរមភូមិន្ទ បានរៀបចំព្រឹត្តិការណ៍ប្រកួតកីឡាប្រដាល់គុនខ្មែរដណ្តើមខ្សែក្រវ៉ាត់ ពានរង្វាន់ សម្តេចពិជ័យសេនា ឧបនាយករដ្ឋមន្តី រដ្ឋមន្ត្រីក្រសួងការពារជាតិ ប្រភេទទម្ងន់ ៦០ គីឡូក្រាម បានបើកការប្រកួតជ្រើសរើសគូឯកពីថ្ងៃទី១៨ ខែកញ្ញា ឆ្នាំ២០២២មក ហើយបានរៀបចំប្រកួតវគ្គផ្តាច់ព្រ័ត្រនៅរាត្រីថ្ងៃទី២៤ ខែវិច្ឆិកា ឆ្នាំ២០២២នេះ ក្រោមអធិបតីភាពដ៏ខ្ពង់ខ្ពស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៅក្នុងបរិវេណបូរីឡាយសំណាង ក្នុងភូមិគោកត្រាច ឃុំបាគង ស្រុកប្រាសាទបាគង ខេត្តសៀមរាប ដើម្បីត្រៀមឆ្ពោះទៅព្រឹត្តិការណ៍កីឡា SEAGame ASEANParaiGame២០២៣ ។
លោក តែម ម៉ឺន ប្រធានសហព័ន្ធកីឡាប្រដាល់គុនខ្មែរ មានប្រសាសន៍ថា៖ឆ្លងកាត់ការប្រកួតជាបន្តបន្ទាប់ សហព័ន្ធកីឡាប្រដាល់គុនខ្មែរ បានចម្រាញ់កីឡាករជើងខ្លាំង ៨រូប លើប្រភេទទម្ងន់ ៦០គីឡូក្រាម ដើម្បីប្រកួតប្រជែងព្រឹត្តិការណ៍ដ៏ធំនេះ សំដៅចូលរួមចំណែក ជ្រើសរើស និងពង្រឹងសមត្ថភាព កីឡាករប្រដាល់គុនខ្មែរដើម្បីត្រៀមលក្ខណៈឆ្ពោះទៅកាន់ការប្រកួតកីឡា ស៊ីហ្គេមលើកទី៣២ ឆ្នាំ២០២៣ ដែលព្រះរាជាណាចក្រកម្ពុជាយើងធ្វើជាម្ចាស់ផ្ទះ។
មានប្រសាសន៍ក្នុងពិធីបិទការប្រកួត សម្តេចពិជ័យសេនា ទៀ បាញ់ បានមានប្រសាសន៍ថា៖ វិស័យកីឡា ក៏ដូចវិស័យដ៍ទៃទៀត បានរស់រានមានជីវិតឡើងវិញ ក្រោយ ថ្ងៃជ័យជម្នះ ៧មករា ១៩៧៩ ដោយវិស័យកីឡាគុនខ្មែរយើងត្រូវបានបាត់បង់ក្នុងរបបប្រល័យ ពូជសាសន៍ ប៉ុល ពត ។ ការរីកចម្រើននៃវិស័យកីឡា គុនខ្មែរទៅបាន ក៏យើងត្រូវអរគុណសន្តិភាព និងអរគុណនយោបាយឈ្នះឈ្នះ របស់ សម្តេចតេជោ ហ៊ុន សែន នាយករដ្ឋមន្ត្រី ជាស្ថាបនិក អគ្គមគ្គុទេស ក៍ឯកសន្តិភាព បានធ្វើឲ្យមានជួបជុំគ្នាប្រកបដោយសុខដុមរមនា ក្រោមដំបូលសន្និតភាពតែមួយ ។
សម្តេចពិជ័យសេនា ទៀ បាញ់ ក៏បានលើកទឹកចិត្តក្រើនរំលឹកដល់ក្រុមកីឡាករទាំងអ្នកទទួលជ័យលាភី និង អ្នកមិនទទួលបានជ័យលាភី ក៏ត្រូវបង្កើនការហ្វឹកហាត់របស់ខ្លួនបន្តទៀត ក្នុងការលើកកម្ពស់គុណផល កីឡាគុនខ្មែរយើង ដែលដូនតាខ្មែរបានបន្សល់ទុកមក ហើយវិស័យក្បាច់គុនខ្មែរនេះដែរ ក៏បានកើតឡើងមានមករាប់ពាន់ឆ្នាំហើយ ។ ជាមួយគ្នានេះ កីឡាករទាំងអ្នកឈ្នះ និង ចាញ់ទាំងអស់ ត្រូវធ្វើការហ្វឹកហាត់ឲ្យបានជាប្រចាំ ដើមី្បត្រៀមលក្ខណៈឆ្ពោះទៅចូលរួមកាន់ការប្រកួតកីឡាស៊ីហ្គេមលើកទី២៣ ឆ្នាំ២០២៣ ដែលកម្ពុជាយើងធ្វើជាម្ចាស់ផ្ទះ ក្នុងការដណ្តើមជោគ ជ័យនិងកិត្តិយសជូនព្រះរាជាណាចក្រកម្ពុជានៅថ្ងៃខាងមុខនេះ ។ សូមបញ្ជាក់ផងដែរ ជ័យលាភីផ្តាច់ ព្រ័ត្រ ការប្រកួតប្រដាល់គុនខ្មែរដណ្តើមពានរង្វាន់
សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ កីឡាករទទួលបាន-លេខ១ ទទួលបាន ខ្សែក្រវ៉ាត់១ ថវិកា ៦,០០០,០០០៛ (ប្រាំមួយលានរៀល) និងផ្ទះវីឡា ចំនួន០១ខ្នង ដែលមានទំហំដី(ទទឹង ១០ម x បណ្តោយ ២០ម)- លេខ២ ទទួលបាន ពាន១ ថវិកា ៥,០០០,០០០៛ (ប្រាំលានរៀល) ដីទំហំ( ១០ម x ២០ម) – លេខ៣ ទទួលបាន ពាន១, ថវិកា ៤,០០០,០០០៛ (បួនលានរៀល) ដីទំហំ( ៥ម x ២០ម) -លេខ៤ ទទួលបាន ពាន១ ថវិកា៣,០០០,០០០៛(ប៊ីលានរៀល) ដីទំហំ( ៥មx ២០ម)៕
ដោយ ÷ ពន្លឺ
