ព័ត៌មាន​ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេសឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បន្តវិនិច្ឆ័យក្បាលដីនៃការចុះបញ្ជីដីមានលក្ខណៈជាប្រព័ន្ធ នៅភូមិល្អឺនកាំងមីស ឃុំអូរជុំ ស្រុកអូរជុំ ខេត្តរតនគិរី - សេចក្តីប្រកាសព័ត៌មាន ស្តីពី លទ្ធផលនៃដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយក រដ្ឋមន្រ្តី នៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប ប្រចាំការបិទផ្សាយជាសាធារណៈនូវឯកសារបញ្ជីឈ្មោះម្ចាស់ដី និងប្លង់សុរិយោដីតំបន់៣ កាត់មកតំបន់១ និងតំបន់២ ស្ថិតក្នុងភូមិសាស្រ្តឃុំកំពង់ភ្លុក ស្រុកប្រាសាទបាគង ខេត្តសៀមរាប - កិច្ចប្រជុំក្រុមការងារសិក្សាពិនិត្យ និងចុះបញ្ជីដីពាក់ព័ន្ធបុរាណដ្ឋាន ក្នុងភូមិសាស្ត្រខេត្តសៀមរាប មានចំនួន ១៩.០០០ក្បាលដី - ឯកឧត្តម សាយ សំអាល់ ថ្លែងថា អាងប្រព្រឹត្តកម្មទឹកកខ្វក់ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ - គណៈកម្មាធិការបណ្តុះបណ្តាលខេត្តសៀមរាបបើកកិច្ចប្រជុំផ្សព្វផ្សាយកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងងាយរងហានីភ័យ! - ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ - សមិទ្ធផលថ្មីព្រះវិហាវត្តទិព្វពិសីហៅវត្តដំរីឆ្លងដែលស្ថិតនៅឃុំសង្វើយស្រុកជីក្រែង ខេត្តសៀមរាបត្រូវបានប្រារព្ធពិធីសម្ពោធ និងកាត់ឫសសីមាដាក់ឱ្យប្រើប្រាស់ - កម្លាំងជំនាញផ្នែករដ្ឋបាលជលផលកំពង់ប្រសាទឃាត់បានឧបករណ៍នេសាទខុសច្បាប់!
0

កិច្ចប្រជុំក្រៅផ្លូវការរដ្ឋមន្ត្រីការពារជាតិ អាស៊ាន-ឥណ្ឌា


ខេត្តសៀមរាប ÷ កិច្ចប្រជុំក្រៅផ្លូវការរដ្ឋមន្ត្រីការពារជាតិអាស៊ាន ឥណ្ឌា បានបើកកិច្ចប្រជុំ នារសៀលថ្ងៃទី២២ ខែវិច្ឆិកា ឆ្នាំ២០២២ នៅសណ្ឋាគារសុខាសៀមរាប ក្រោមអធិបតីភាព នៃសហប្រធាន សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឯកឧត្តម ស៊្រី រ៉ាចណាត ស៊ីង រដ្ឋមន្ត្រីក្រសួងការពារជាតិឥណ្ឌា និងមានការអញ្ជើញ ចូលរួមផងដែរពីសំណាក់ ឯកឧត្តមរដ្ឋមន្ត្រីក្រសួងការពារជាតិនៃបណ្តាប្រទេសចំនួន៩ និងអគ្គលេខាធិការអាស៊ាន។

សម្តេចសម្តេចពិជ័យសេនា ទៀ បាញ់ បានថ្លែងថា៖ វត្តមានរបស់ឯកឧត្តម រដ្ឋមន្ត្រីការពារជាតិ ឥណ្ឌា និងឯកឧត្តម រដ្ឋមន្ត្រីការពារជាតិអាស៊ានទាំងអស់ ដែលបានចូលរួមក្នុង កិច្ចប្រជុំក្រៅផ្លូវការរដ្ឋមន្ត្រីការពារជាតិអាស៊ាន ឥណ្ឌានាពេលនេះពិតជាបានឆ្លុះបញ្ចាំង អំពីការប្តេជ្ញាចិត្តរួមរបស់យើង ក្នុងការធ្វើឲ្យកាន់តែស៊ីជម្រៅនូវទំនាក់ទំនងមិត្តភាពរវាងអាស៊ាននិងឥណ្ឌា ក្នុងកិច្ចសហប្រតិបត្តិការសន្តិសុខ និងការពារជាតិ សម្រាប់តំបន់យើង ប្រកបដោយស្ថេរភាព និងវិបុលភាព។ ក្នុងរយៈពេល៣០ឆ្នាំកន្លងមកនេះកិច្ចសហប្រតិបត្តិការរវាងអាស៊ាននិង ឥណ្ឌា មានការរីក ចម្រើនគួរឲ្យកត់សម្គាល់លើគ្រប់វិស័យ។ ក្នុងវិស័យការពារជាតិ សន្តិសុខ និងកិច្ចសហប្រតិបត្តិការរបស់យើងបានបម្រើផលប្រយោជន៍គ្នាទៅវិញទៅមក និងបានរួមចំណែកយ៉ាងសំខាន់ក្នុងពង្រឹងសន្តិភាព និងស្ថេរភាពនៅក្នុងតំបន់ អាស៊ីប៉ាស៊ីហ្វិកទាំងមូល។

សម្តេចពិជ័យសេនា មានក្តីរីករាយ ដែលបានរៀបចំកិច្ចប្រជុំរដ្ឋមន្ត្រីការពារជាតិអាស៊ាន លើកទី ១៦ កាលពីខែមិថុនា សំណើលំហាត់លម្ហសមុទ្រអាស៊ានឥណ្ឌាត្រូវបានឯកភាព គ្រោងនឹង រៀបចំនៅឆ្នាំក្រោយនេះ ដោយបញ្ចូលជាមួយនឹងលំហាត់ កងទ័ពជើងទឹក ពហុសាសន៍អាស៊ាន នាឆ្នាំ២០២៣។ កម្ពុជាគាំទ្រ និងចូលរួមលំហាត់លម្ហសមុទ្រអាស៊ានឥណ្ឌា ក៏ដូចជា លំហាត់ផ្នែកបច្ចេកទេសនៃក្រុមការងាជំនាញ ADMM បូក ស្តីពីជំនួយមនុស្សធម៌ និងជួយសង្គ្រោះគ្រោះមហន្តរាយ ឆ្នាំ២០២៣ ដែលឥណ្ឌាជាសហប្រធាន ជាមួយនឹង ឥណ្ឌូនេស៊ី។ ជាមួយគ្នានេះ អាស៊ាននិងឥណ្ឌា បានប្តេជ្ញាចិត្តក្នុងពង្រឹងសន្តិសុខ និងសន្ទុះ ជាវិជ្ជមាននៃការ រួមចំណែក សកម្ម របស់ អាស៊ាន ក្នុងកិច្ចសហប្រតិបត្តិការ ក្របខណ្ឌរក្សា សន្តិភាព របស់អង្គការសហប្រជាជាតិ ការបញ្ចូល របៀវារៈ ស្តីពីស្ត្រី និងសន្តិភាព សន្តិសុខ នៅក្នុងការងារ ADMM។ កាលពីថ្មីៗនេះ ADMM បានអនុម័តឯកសារទស្សនទានចំនួនពីរ ការលើកកម្ពស់ យន្តការគាំទ្រកងកម្លាំងរក្សាសន្តិភាពជាស្ត្រីអាស៊ាន។ សម្តេចបានលើកទឹកចិត្ត ចំពោះឥណ្ឌា ក្នុងការគាំទ្រ និងបង្កើនការចូលរួមជាមួយនឹងអាស៊ាន នៅក្នុងវិស័យនេះ នៅពេលដែលគំនិតផ្តួចផ្តើមថ្មីនេះ ត្រូវបានអនុវត្ត។

សម្តេចពិជ័យសេនា បានវាយតម្លៃខ្ពស់ចំពោះចំណងមិត្តភាព និងការគាំទ្រគ្នាទៅវិញទៅមករវាងឥណ្ឌានិងកម្ពុជា ក្នុងការលើក កម្ពស់សន្តិភាព និងសន្តិសុខ ជាពិសេសក្នុងវិស័យរក្សាសន្តិភាព និងសកម្មភាពកម្ចាត់មីន។ មានក្តីសោមនស្សរីករាយ ក្នុងការលើកទឹកចិត្ត និងការចូលរួមឲ្យកាន់តែស៊ីជម្រៅ របស់ ឥណ្ឌា ជាមួយនិងអាស៊ាន ក្នុងវិស័យ កិច្ចសហប្រតិបត្តិការដទៃទៀតទ្វេភាគី តាមរយៈក្រុមការងារ ជំនាញADMM បូក។

សម្តេចពិជ័យសេនា ទៀ បាញ់ បានបញ្ជាក់ថា នាពេលថ្មីៗនេះរាជរដ្ឋាភិបាលកម្ពុជាបានសម្រេចបញ្ជូនក្រុមគ្រូបង្វឹក ដើម្បីជួយបណ្តុះបណ្តាល កងបោសសំអាតគ្រាប់មីន និង បំផ្លាញយុទ្ធភណ្ឌមិនទាន់ផ្ទុះរបស់ប្រទេសអ៊ុយក្រែន ហើយការបណ្តុះបណ្តាលនេះនឹងធ្វើនៅប្រទេសប៉ូឡូញ៕

ដោយ ÷ ពន្លឺ


Filed in: នយោបាយ, ព័ត៌មានជាតិ, ព័ត៌មានថ្មីៗ

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.