ព័ត៌មាន​ទាន់ហេតុការណ៍
ថវិកាមូលនិធិមហាគ្រួសារកងរាជអាវុធហត្ថ ត្រូវបានប្រគល់ជូនគ្រួសារសពសមាជិកមន្ត្រី អាវុធហត្ថរាជធានីភ្នំពេញ! - ពិតជាគួរឱ្យសោកស្តាយជាទីបំផុតសត្វកែះញីមួយក្បាលដែលជាប់អន្ទាក់និងរងរបួសបានស្លាប់ហើយ - កិច្ចប្រជុំក្រុមប្រឹក្សាភិបាលសាលាសណ្ឋាគារនិងទេសចរណ៍ ប៉ូលឌុលប្រ៊ូល - ក្រសួងសេដ្ឋកិច្ចនិងហិរញ្ញវត្ថុ បើកសិក្ខាសាលាផ្សព្វផ្សាយអនុក្រឹត្យស្ដីពីក្របខ័ណ្ឌមុខងារ ភារកិច្ចរបស់សវនកម្មផ្ទៃក្នុង និងនីតិវីធីនៃការធ្វើអធិការកិច្ចហិរញ្ញវត្ថុ - ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាប - វេទិកាថ្នាក់តំបន់លើកទី៤ របស់មជ្ឈមណ្ឌលសហប្រតិបត្តិការនៃអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច - សហព័ន្ធកីឡាប្រដាល់គុនខ្មែរ រៀបចំការប្រកួតផ្តាច់ព្រ័ត្រប្រដាល់គុនខ្មែរដណ្តើមខ្សែក្រវាត់ពានរង្វាន់ (សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ)នៅខេត្តសៀមរាប - អាជ្ញាធរខេត្តសៀមរាបប្រារព្ធទិវាអនាម័យជាតិបរិស្ថាន ២៣ វិច្ឆិកា ក្រោមប្រធានបទ “មាតុភូមិយើង កាតព្វកិច្ចយើង ស្អាត និងបៃតង”  - ក្រសួងព័ត៌មានសហការជាមួយក្រសួងសេដ្ឋកិច្ច រៀបចំសិក្ខាសាលាស្តីពីគោលនយោបាយគ្រប់គ្រងផ្ទៃក្នុង និងនីតិវិធីសវនកម្ម នៅខេត្តសៀមរាប - ពិធីប្រគល់ទង់អាស៊ានជូនឥណ្ឌូនេស៊ី និង ធ្វើជាម្ចាស់ផ្ទះនៃកិច្ចប្រជុំ ADMM លើកទី ១៧ និង ADMM-Plus លើកទី ១០នៅឆ្នាំ ២០២៣
0

អគារសិក្សាថ្មីចំនួន ៣ខ្នងស្ថិតនៅក្នុងស្រុកក្រឡាញ់ ដែលជាអំណោយរបស់សមាគមសិក(SCHEC)ជប៉ុន ត្រូវបានសម្ពោធដាក់ អោយប្រើប្រាស់


ខេត្តសៀមរាប ÷ ក្រោយពីសាងសង់រួចជាស្ថាពរនូវ អគារសិក្សាថ្មីចំនួន៣ខ្នងស្មើនឹង២៥បន្ទប់ អំណោយ ដ៍ថ្លៃថ្លារបស់សមាគម ជួយប្រជាពលរដ្ឋកម្ពុជាលើផ្នែកអប់រំ និងសុខភាព នៃប្រទេសជប៉ុនហៅកាត់ ថាសិក(SCHEC) សមិទ្ឋផលទាំងនេះត្រូវបានកាត់ខ្សែបូរសម្ពោធដាក់ឱ្យប្រើប្រាស់ជាផ្លូវការណ៍នៅថ្ងៃទី២១ខែវិច្ឆិកាឆ្នាំ២០២២ ក្រោមអធិបតីភាព ឯកឧត្តម អ្នកឧកញ៉ា សៀង ណាំ តំណាងរាស្រ្តមណ្ឌលសៀមរាបនិងតំណាងសមាគមនៃប្រទេសជប៉ុន ព្រមទាំងវត្តមានអាជ្ញាធរមូលដ្ឋាន លោកគ្រូអ្នកគ្រូ មាតាបិតាអាណាព្យាបាលសិស្ស និងសិស្សានុសិស្សជាច្រើនទៀតផង។

អគារសិក្សាទាំងបីត្រូវបានសាងសង់រួចរាលនៅខែ វិច្ឆិកាឆ្នាំ២០២០ ប៉ុន្តែដោយសារតែវិបត្តិជាសកលនៃជំងឺកូវីដ-១៩ ទើបយឺតយូរក្នុងការសម្ពោធដាក់ឱ្យប្រើប្រាស់ជាផ្លូវការ។អគារទាំង៣នេះ មួយខ្នងមាន១០ បន្ទប់នៅអនុវិទ្យាល័យកំពង់ថ្កូវ ឃុំកំពង់ថ្កូវ មួយខ្នង១០មានបន្ទប់ស្ថិតក្នុងអនុវិទ្យាល័យខ្នារ ឃុំក្រូចគរ និងមួយខ្នងមាន៥បន្ទប់ស្ថិតនៅសាលាបឋមសិក្សាស្រណាល ឃុំស្រណាល ស្រុកក្រឡាញ់ ខេត្តសៀមរាប។

ឯកឧត្តម អ្នកឧកញ៉ា សៀងណាំ មានប្រសាសន៍ថាការផ្តល់ អគារសិក្សាទាំង៣នេះ គឺពិតជាឆ្លើយតបតាមការសំនូមពររបស់ មាតា បិតាសិស្ស លោក គ្រូ អ្នកគ្រូ ដែលចង់បាននូវ អគារសិក្សាសំរាប់ការសិក្សារបស់ក្មួយៗ ព្រោះបច្ចុប្បន្នចំនួនសិស្សបានកើនឡើងជារៀងរាល់ឆ្នាំហើយសាលាពុំមានអគារ សិក្សា គ្រប់គ្រាន់សម្រាប់សិស្សបានចូលរៀនគ្រប់គ្នានៅឡើយ។

ឯកឧត្តម អ្នកឧកញ៉ា សៀង ណាំ ក៏បានជំរាបជូនតំណាងសមាគមសិកព្រមទាំងសហការីទាំងអស់ដែលបានមកកម្ពុជា អំពីការអប់រំនៅកម្ពុជានិងគោលនយោបាយរបស់រាជរដ្ឋាភិបាលលើវិស័យអប់រំដើម្បីកសាងមូលដ្ឋានគ្រឹះនៃចំណេះដឹងអោយបានរឹងមាំសំរាប់អោយកុមារនិងយុវជនកម្ពុជាទាំងអស់មាន ឪកាសស្មើៗគ្នាក្នុងការទទួលបានការអប់រំប្រកប ដោយគុណភាពខ្ពស់តាមរយៈការធ្វើអោយសាលារៀនកាន់តែខិតជិតលំនៅដ្ឋានរបស់ប្រជាពលរដ្ឋ។ជាមួយគ្នានោះដែរឯកឧត្តមអ្នកឧកញ៉ា ក៏បានថ្លែងអំណរគុណចំពោះថ្នាក់ដឹកនាំនិងប្រតិភូ សមាគសិកទាំងអស់ដែលបានផ្តល់ អគារសិក្សាទាំង៣ខ្នងនេះដើម្បីរួមចំណែកជាមួយរាជរដ្ឋាភិបាលកម្ពុជាក្នុងការលើកកំពស់វិស័យអប់រំ ។

ឯកឧត្តម អ្នកឧកញ៉ា សៀង ណាំ មានប្រសាសន៍បញ្ជាក់ថា៖សមិទ្ឋផលទាំងនេះជាអំណោយដ៍ថ្លៃថ្លារបស់លោកស្រី ស៊ីប៊ូយ៉ា ហ៊ីសាយ៉ុ ផ្តល់តាមរយៈសមាគមជួយប្រជាពលរដ្ឋកម្ពុជាលើផ្នែកអប់រំ និងសុខភាព នៃប្រទេសជប៉ុនហៅកាត់ថាសិក(SCHEC) ថ្វីត្បិតតែលោកស្រីបានលាចាកលោកដោយរោគាពាធ ទៅហើយក្តីតែទឹកចិត្តមនុស្សធម៌ និងទឹកចិត្តស្រឡាញ់ប្រជាជនកម្ពុជា ដោយមុននឹងមរណភាពលោកស្រីបានផ្តាំ ទ្រព្យសម្បត្តិដែលលោកស្រីមាននៅសល់ គឺឱ្យយកមកជួប្រជាជនកម្ពុជា ជាពិសេសជួយកសាងអគារសិក្សាដើម្បីឱ្យកុមារកម្ពុជា បានសិក្សារៀនសូត្រដើម្បីក្លាយជាធនធានមនុស្សប្រកបដោយសីលធម៌មានចំណេះដឹងនិងចំណេះធ្វើ រួមចំណែកក្នុងការកសាងសង្គមជាតិឱ្យមានការរីកចម្រើនជាលំដាប់។

សូមបញ្ជាក់ថា៖ក្នុងរយៈពេល២២ឆ្នាំកន្លងមកនេះសមាគមជួយប្រជាពលរដ្ឋកម្ពុជាលើផ្នែកអប់រំ និងសុខភាព នៃប្រទេសជប៉ុនហៅកាត់ថាសិក (SCHEC) បានជួយឧបត្ថម្ភយ៉ាងធំធេងដល់ប្រជាជនកម្ពុជាតាមបណ្តាស្រុកមួយចំនួនក្នុងខេត្តសៀមរាប សរុបមក អគារសិក្សាចំនួន៣៦ខ្នងស្មើនឹង១៩៨បន្ទប់ ព្រមទាំងសម្ភារៈសិក្សា សម្ភារៈកីឡា និងសម្ភារៈបង្រៀនជាច្រើនផងដែរ។អណ្តូងទឹកស្នប់ចំនួន៣.៦៤៦អណ្តូង និងអណ្តូងទឹកស្នប់ធំ ម៉ាស៊ីនបូមទឹក អាងទឹក និងបណ្តាញចែកចាយទឹកស្អាត២កន្លែងនៅឃុំសង្វើយស្រុកជីក្រែង និងឃុំតាយ៉ែកស្រុកសូទ្រនិគម។ជាមួយគ្នានោះក៍មានក្រុមគ្រូពេទ្យធ្មេញ ចុះជួយព្យាបាលធ្មេញនិងចែកថ្នាំនិងច្រាសដុសធ្មេញជារៀងរាល់ឆ្នាំផងដែរ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.