រាជធានីភ្នំពេញ៖ បនល្បែងហ្គេមបាញ់ត្រី នៅក្នុងផ្សារផ្លាហ្សាបឹងត្របែក ជាន់ទី៤ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ នៅតែអាចបើកលេងយ៉ាងគគ្រឹក គគ្រេងដដែល។
ពលរដ្ឋសង្ស័យថា៖អាជ្ញាធរនិងសមត្ថកិច្ចនៅក្នុងខណ្ឌចំការមន មានចេតនារក្សាទុកល្បែងហ្គេមបាញ់ត្រីនៅផ្សារបឹងត្របែកផ្លាហ្សា ផ្គើនបទបញ្ជារបស់សម្តេចនាយករដ្ឋមន្ត្រីហ៊ុនសែន ស្តីពីការទប់ស្កាត់និងបង្ក្រាបបទល្មើសល្បែងស៊ីសងគ្រប់ប្រភេទទូទាំងប្រទេស ជាថ្នូរនឹងផល ប្រយោជន៍ពីម្ចាស់ទីតាំងបនល្បែងយ៉ាងក្រាស់ក្រែល ទើបអស់លោកបង្ខំចិត្តប្រថុយប្រព្រឹត្តផ្គើនបទបញ្ជាដោយលួចលាក់ដោយសង្ឃឹមថាអាចបិទបាំងបាន តែបែរជាលាក់មិនជិត។
កាលថ្ងៃទី១៧ ខែកញ្ញា ឆ្នាំ ២០២២ ទើបតែ កន្លងទៅក្តៅៗនេះ សម្ដេច ហ៊ុន សែន បានចេញបទបញ្ជា ដាច់ណាត់មួយ ឲ្យអភិបាលរាជធានីខេត្ត ស្រុក ខណ្ឌ នៅទូទាំង ២៥ ខេត្តក្រុង ត្រូវបិទទីតាំងបនល្បែងសុីសង គ្រប់ប្រភេទទាំងអស់ឲ្យ ខាងតែបាន។សូមជម្រាបថា សម្តេចតេជោហ៊ុនសែន បើអាជ្ញាធរនិងសមត្ថកិច្ចមូលដ្ឋានណាមួយមិននាំគ្នាទប់ស្កាត់និងបង្ក្រាបបទល្មើសល្បែងស៊ីសង នៅ ក្នុងមូលដ្ឋានរបស់ខ្លួន នឹងត្រូវប្រឈមបាត់បង់មុខតំណែងទៀតផង ។
កន្លងមកខណៈដែលមានបទបញ្ចាភ្លាម គេឃើញលោកយិន សាន្ត អធិការខណ្ឌចំការមន និងលោកគៀន ល័ក្ស អភិបាលខណ្ឌចំការមនបាននាំគ្នាចាត់វិធានការយ៉ាងក្តៅតែទៅលើល្បែងកន្ទុយលេខ និងឆ្នោតឡូតូនៅតាមហាងកាហ្វេនិងផ្ទះកត់កន្ទុយលេខប៉ុណ្ណោះ ធ្វើអោយស្ទើរតែផុតពូជពីខណ្ឌចំការមនទៅហើយ។ប៉ុន្តែបែរជានាំគ្នាហាក់លាក់លៀម រក្សាភាពស្ងៀមស្ងាត់មិនចាត់ការ មិនបង្ក្រាបលើបនល្បែងហ្គេមបាញ់ត្រីខ្នាតយក្សខាងលើនេះឡើយ តើនេះគឺជាឆ្នាំងបាយលោក យិន សាន្ត និងលោក កៀង លក្ស័ ដូចពលរដ្ឋសង្ស័យមែនឬ?។
ពាក់ព័ន្ធនិងករណីបនល្បែងស៊ីសងប្រភេទហ្គេមបាញ់ត្រី ខាងលើនេះ កំពុងតែដំណើរការយ៉ាងរលូន ហើយបែរជាលោកយិន សាន្ត និងលោកគៀង ល័ក្ស បានរក្សាភាពស្ងៀមស្ងាត់បែបនេះ លោកយិន សាន្តអធិការខណ្ឌ និងលោកគៀង ល័ក្ស អភិបាលខណ្ឌចំការមនមិនអាចទំនាក់ទំនងសុំការពន្យល់បកស្រាយបានទេពីព្រឹកមិំញ ដោយសារទូរស័ព្ទលោកទាំងពីរទាក់ទងមិនបាន។
ពលរដ្ឋ រស់នៅក្បែរផ្សាបឹងត្របែកផ្លាហ្សា និងជាជីវករលក់ដូរក្នុងផ្សារបឹងត្របែកមួយចំនួន បានសុំដល់ លោក ស ថេតស្នងការនគបាលរាជធានីភ្នំពេញ ឲ្យចាត់វិធានការលើបនល្បែង និងម្ចាស់បនល្បែងស៊ីសងខុសច្បាប់ប្រភេទហ្គេមបាញ់ត្រីខាងលើនេះផង និង ដាក់វិន័យរដ្ឋបាលទៅលើអាជ្ញាធរនិងសមត្ថកិច្ចនៅក្នុងមូលដ្ឋានខណ្ឌចំការមនលើអ្នកដែលពាក់ពន្ធ័កាងការពារបនល្បែងខាងលើ ដែលកំពុងផ្គើននិងបទបញ្ជារបស់សម្តេចតេជោហ៊ុនសែនកុំខាន៕
ដោយ ÷ វិបុល
