ព័ត៌មាន​ទាន់ហេតុការណ៍
ថវិកាមូលនិធិមហាគ្រួសារកងរាជអាវុធហត្ថ ត្រូវបានប្រគល់ជូនគ្រួសារសពសមាជិកមន្ត្រី អាវុធហត្ថរាជធានីភ្នំពេញ! - ពិតជាគួរឱ្យសោកស្តាយជាទីបំផុតសត្វកែះញីមួយក្បាលដែលជាប់អន្ទាក់និងរងរបួសបានស្លាប់ហើយ - កិច្ចប្រជុំក្រុមប្រឹក្សាភិបាលសាលាសណ្ឋាគារនិងទេសចរណ៍ ប៉ូលឌុលប្រ៊ូល - ក្រសួងសេដ្ឋកិច្ចនិងហិរញ្ញវត្ថុ បើកសិក្ខាសាលាផ្សព្វផ្សាយអនុក្រឹត្យស្ដីពីក្របខ័ណ្ឌមុខងារ ភារកិច្ចរបស់សវនកម្មផ្ទៃក្នុង និងនីតិវីធីនៃការធ្វើអធិការកិច្ចហិរញ្ញវត្ថុ - ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាប - វេទិកាថ្នាក់តំបន់លើកទី៤ របស់មជ្ឈមណ្ឌលសហប្រតិបត្តិការនៃអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច - សហព័ន្ធកីឡាប្រដាល់គុនខ្មែរ រៀបចំការប្រកួតផ្តាច់ព្រ័ត្រប្រដាល់គុនខ្មែរដណ្តើមខ្សែក្រវាត់ពានរង្វាន់ (សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ)នៅខេត្តសៀមរាប - អាជ្ញាធរខេត្តសៀមរាបប្រារព្ធទិវាអនាម័យជាតិបរិស្ថាន ២៣ វិច្ឆិកា ក្រោមប្រធានបទ “មាតុភូមិយើង កាតព្វកិច្ចយើង ស្អាត និងបៃតង”  - ក្រសួងព័ត៌មានសហការជាមួយក្រសួងសេដ្ឋកិច្ច រៀបចំសិក្ខាសាលាស្តីពីគោលនយោបាយគ្រប់គ្រងផ្ទៃក្នុង និងនីតិវិធីសវនកម្ម នៅខេត្តសៀមរាប - ពិធីប្រគល់ទង់អាស៊ានជូនឥណ្ឌូនេស៊ី និង ធ្វើជាម្ចាស់ផ្ទះនៃកិច្ចប្រជុំ ADMM លើកទី ១៧ និង ADMM-Plus លើកទី ១០នៅឆ្នាំ ២០២៣
0

ពិធីប្រគល់-ទទួលជំនួយរដ្ឋាភិបាលចិន អំពីគម្រោងជួសជុល និងអភិរក្សប្រាសាទតាកែវ នៃរមណីយដ្ឋានអង្គរ


ខេត្តសៀមរាប ÷ ឯកឧត្ដម ជា សុផារ៉ា ឧបនាយករដ្ឋមន្ដ្រី រដ្ឋមន្ដ្រីក្រសួងរៀបចំដែនដី នគរូបបនីយកម្ម និងសំណង់ តំណាងដ៏ខ្ពស់ខ្ពស់សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និង ឯកឧត្តម លី ខឺឈាង នាយករដ្ឋមន្រ្តីនៃសាធារណរដ្ឋប្រជាមានិតចិន បានអញ្ជើញជាអធិបតី ក្នុងពិធីប្រគល់-ទទួលជំនួយរដ្ឋាភិបាលចិន ស្ដីអំពីគម្រោងជួសជុល និងអភិរក្សប្រាសាទតាកែវ នៅបរិវេណនៅប្រាសាទតាកែវ នៃរមណីយដ្ឋានប្រវត្តិសាស្ត្រអង្គរ ក្នុងទឹកដីខេត្តសៀមរាប នាព្រឹកថ្ងៃទី១០ខែវិច្ឆិកា ឆ្នាំ២០២២ ។

ឯកឧត្ដម ជាសុផារ៉ា មានប្រសាសន៍ថា ពីធីប្រគល់-ទទួលគម្រោងជួសជុល និងអភិរក្សប្រាសាទតាកែវ នាពេលនេះ គឺជាសក្ខីភាពដ៏ជាក់ស្តែង និងជាលទ្ធផលនៃកិច្ចសហប្រតិបត្តិការអមតៈរវាងប្រជាជាតិ និងប្រជា ជនកម្ពុជា-ចិន បន្ទាប់ពីប្រាសាទតាកែវនេះ បានចាប់ផ្តើមជួសជុលក្នុងឆ្នាំ២០១១ និងបញ្ចប់នៅឆ្នាំ២០១៨ ដោយប្រើប្រាស់ថវិកាអស់ចំនួន ៤០លានយន់ ដែលជាគម្រោងទី២ សម្រាប់ការជួយជួសជុលប្រាសាទ នៅក្នុងតំបន់នៃរមណីយដ្ឋានអង្គរ ខណៈគម្រោងទី១ គឺការជួយជួសជុល និងអភិរក្សប្រាសាទចៅសាយទេវតា ដែលបានចាប់ផ្តើមជួសជុលក្នុងឆ្នាំ២០០០ បញ្ចប់ក្នុងឆ្នាំ២០០៨ ប្រើប្រាស់ថវិកា ចំនួន ១៤លាន យន់ ។ ឯកឧត្ដមបន្តថាបច្ចុប្បន្ននេះ ក្រៅពីការជួយជួសជុលប្រាសាទចៅសាយទេវតា និង ប្រាសាទតាកែវ រដ្ឋាភិបាលនៃសាធារណរដ្ឋប្រជាមានិតចិន កំពុងសិក្សាគម្រោងជួសជុល ព្រះបរមរាជវាំងអង្គរធំ ដែលគ្រោងនឹងប្រើរយៈពេល១០ឆ្នាំ ពីឆ្នាំ២០១៩ ដល់ឆ្នាំ២០២៩ ប្រើប្រាស់ថវិកាចំនួន ៩០លានយន់ ហើយថ្មីៗនេះ អាជ្ញាធរជាតិអប្សរាក៏ទើបទទួលបានមូលនិធិពិសេសចំនួន៣៧៩.៤០០ ដុល្លារអាម៉េរិក ពីគម្រោងកិច្ចសហប្រតិបត្តិការមេគង្គឡានឆាង សម្រាប់រយៈពេល២ឆ្នាំ ដែលនឹងត្រូវអនុវត្តនៅចុងឆ្នាំ២០២២នេះ ដើម្បីអភិរក្សនិងជួសជុលស្ពានហាលខាងកើតនៃប្រាសាទបេងមាលា ។

ឯកឧត្តមឧបនាយករដ្ឋមន្ត្រី ជា សុផារ៉ា ជឿជាក់ថា សាធារណរដ្ឋប្រជាមានិតចិន តាមរយៈគោលនយោ បាយនិងកិច្ចសហប្រតិបត្តិការទ្វេភាគីនានា នឹងបន្តចូលរួមកាន់តែសកម្មក្នុងកិច្ចការអភិរក្ស និងការពារបេតិកភណ្ឌវប្បធម៌ឱ្យបានកាន់តែខ្លាំងក្លាថែមទៀត ដូចដែលភាគីមិត្តបាននិងកំពុងធ្វើក្នុងការអភិវឌ្ឍសេដ្ឋកិច្ច ពាណិជ្ជកម្ម និងទេសចរណ៍នៅព្រះរាជាណាចក្រកម្ពុជា និងការគាំទ្រភាពជាដៃគូអាស៊ាន-ចិនក្នុងក្របខណ្ឌអាស៊ានតាំងតែពីដើមរៀងមក និងចំពោះតួនាទីកម្ពុជាក្នុងនាមជាប្រធានអាស៊ានក្នុងឆ្នាំ២០២២នេះ និងជាពិសេសបំផុត ការផ្តល់វ៉ាក់សាំងកូវីដ-១៩ សម្រាប់ចាក់ជូនប្រជាជនកម្ពុជា ដែលបានអនុញ្ញាតឱ្យយើងអាចគ្រប់គ្រងវិបត្តិដ៏ធ្ងន់ធ្ងរនិងជាសាកលនេះបានឆាប់រហ័ស និងអាចចាប់ផ្តើមបើកប្រទេសឡើងវិញ ស្តារបានជាបន្តបន្ទាប់នូវសេដ្ឋកិច្ចសង្គមប្រកបដោយបរិយាប័ន្ន ហើយឯកឧត្តមបានបង្ហាញនូវសុទិដ្ឋិនិយមថា ស្មារតីនៃកិច្ចសហប្រតិបត្តិការទ្វេភាគីរវាងប្រទេសយើងទាំងពីរ នឹងបន្តរួមចំណែកដល់ការឈានទៅសម្រេចបាននូវគោល ដៅអភិវឌ្ឍន៍ប្រកបដោយចីរភាពរបស់យើង ក្នុងរយៈពេលច្រើនឆ្នាំទៅមុខទៀត។

មានប្រសាសន៍ក្នុងឱកាសនោះ ឯកឧត្តម លី ខឺឈាង នាយករដ្ឋមន្រ្តីនៃសាធារណរដ្ឋប្រជាមានិតចិន បានលើកឡើងពីចំណងមិត្តភាពនិងកិច្ចសហប្រតិបត្តិការ រវាងប្រទេសទាំងពីរ ចិននិងកម្ពុជាគឺមានមូលដ្ឋានគ្រឹះរឹងមាំ ហើយប្រជាជននៃប្រទេសទាំងពីរមានវប្បធម៌ទំនាក់ទំនងគ្នាយ៉ាងជិតស្និទ្ឋបំផុត នេះជាមូលដ្ឋានដ៍មានអត្ថន័យបំផុតសម្រាប់កិច្ចសហប្រតិបត្តិការនៃប្រទេសទាំងពីរ ត្បិតអារ្យធម៌នីមួយៗមានតម្លៃរបស់ខ្លួន ហើយអារ្យធម៌នៃប្រទេសចិននិងកម្ពុជាជាប្រទេសមានអារ្យធម៌រុងរឿងតាំងពីយូរលង់ណាស់ មកហើយៗ រីឯតម្លៃនៃការជំរុញនិងការតភា្ជប់សហប្រតិបត្តិការរវាងចិននិងកម្ពុជាគឺមានឥទ្ឋិពលយ៉ាងខ្លាំងក្លា។

ឯកឧត្តម នាយករដ្ឋមន្ត្រីចិន បញ្ជាក់ទៀតថាការជួស ជុលប្រាសាទតាកែវ គឺជាគម្រោងទី២ ជាជំនួយរបស់រដ្ឋាភិបាលនិងប្រជាជនចិនបានផ្ដល់ឱ្យកម្ពុជា ដើម្បីចូលរួមអភិរក្សនិងថែរក្សាសម្បត្តិវប្បធម៌ របស់មនុស្ សជាតិនៅក្រោមក្របខណ្ឌរបស់អង្គការ UNESCO ហើយឯកឧត្តម សង្ឃឹមថា ជំនួយលើគម្រោងជួស ជុលនិងអភិរក្សប្រាសាទតាកែវនេះ នឹងផ្ដល់ប្រយោ ជន៍ជាច្រើនដល់កម្ពុជា ក៏ដូចជាពង្រឹងកិច្ចសហប្រតិ បត្តិការរវាងចិននិងកម្ពុជា សម្រាប់ការផ្លាស់ប្ដូរគ្នានូវអារ្យធម៌ របស់ប្រទេសនៅក្នុងពិភពលោកនេះដែរ។គួររំលឹកថា កិច្ចសហប្រតិបតិ្តការមិត្តភាពទ្វេភាគីកម្ពុជា-ចិនកើតឡើងយូរលង់ណាស់មកហើយ គិតចាប់តាំងពីសម្តេចព្រះនរោត្តម សីហនុ ព្រះបរមរតនកោដ្ឋ ដែលបានផ្សារភ្ជាប់ទំនាក់ទំនងការទូតផ្លូវការរវាងប្រទេសទាំងពីរនៅឆ្នាំ១៩៥៨។ ទំនាក់ទំនងដ៏ស្អិតរមួតនេះ សម្តេចតេជោ ហ៊ុន សែន និងថ្នាក់ដឹក នាំចិន បានរួមគ្នាប្រឹងប្រែងអស់ពីសមត្ថភាព ពង្រឹងនិងពង្រីកចំណងមិត្តភាព និងកិច្ចសហប្រតិបត្តិការទ្វេភាគីនេះ រហូតបានដំឡើងទៅជា“កិច្ចសហប្រតិបត្តិការភាពជាដៃគូយុទ្ធសាស្រ្តគ្រប់ជ្រុងជ្រោយ” តាំងពីឆ្នាំ២០១០ ហើយ ឯកឧត្តម លីខឺឈាង នាយករដ្ឋមន្រ្តីផ្ទាល់ គឺជាតួអង្គដ៏សំខាន់មួយរូបនៅក្នុងការសម្រេចគោលបំណងដ៏ពិសិដ្ឋនេះចាប់តាំងពីឆ្នាំ២០១៣មក។

ប្រទេសចិនក៏ជាសហប្រធានជាមួយប្រទេសឥណ្ឌានៃ ICC-ព្រះវិហារ ដោយការសិក្សានៃគម្រោងអភិរក្សនិងជួសជុល គោពបុរៈទី១, ទី២ និងទី៣ ដែលភាគីចិនកំពុងតែធ្វើការសិក្សាយ៉ាងល្អិតល្អន់ដើម្បីរួមចំណែកក្នុងការរក្សា ការពារប្រាង្គប្រាសាទព្រះវិហារដែលជាសម្បត្តិបេតិកភណ្ឌពិភពលោកមួយទៀត បន្ទាប់ពីរមណីយដ្ឋានអង្គរ។ ក្រៅពីកិច្ចការអភិរក្សទាំងអស់នេះ ស្ថាប័នសាធារណៈនិងឯកជនចិនផ្សេងទៀត ក៏បានចូលរួមចំណែកក្នុងការងារអភិរក្ស ផ្សព្វផ្សាយ និងលើកតម្លៃបេតិកភណ្ឌវប្បធម៌កម្ពុជាផងដែរ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.