ព័ត៌មាន​ទាន់ហេតុការណ៍
ថវិកាមូលនិធិមហាគ្រួសារកងរាជអាវុធហត្ថ ត្រូវបានប្រគល់ជូនគ្រួសារសពសមាជិកមន្ត្រី អាវុធហត្ថរាជធានីភ្នំពេញ! - ពិតជាគួរឱ្យសោកស្តាយជាទីបំផុតសត្វកែះញីមួយក្បាលដែលជាប់អន្ទាក់និងរងរបួសបានស្លាប់ហើយ - កិច្ចប្រជុំក្រុមប្រឹក្សាភិបាលសាលាសណ្ឋាគារនិងទេសចរណ៍ ប៉ូលឌុលប្រ៊ូល - ក្រសួងសេដ្ឋកិច្ចនិងហិរញ្ញវត្ថុ បើកសិក្ខាសាលាផ្សព្វផ្សាយអនុក្រឹត្យស្ដីពីក្របខ័ណ្ឌមុខងារ ភារកិច្ចរបស់សវនកម្មផ្ទៃក្នុង និងនីតិវីធីនៃការធ្វើអធិការកិច្ចហិរញ្ញវត្ថុ - ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាប - វេទិកាថ្នាក់តំបន់លើកទី៤ របស់មជ្ឈមណ្ឌលសហប្រតិបត្តិការនៃអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច - សហព័ន្ធកីឡាប្រដាល់គុនខ្មែរ រៀបចំការប្រកួតផ្តាច់ព្រ័ត្រប្រដាល់គុនខ្មែរដណ្តើមខ្សែក្រវាត់ពានរង្វាន់ (សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ)នៅខេត្តសៀមរាប - អាជ្ញាធរខេត្តសៀមរាបប្រារព្ធទិវាអនាម័យជាតិបរិស្ថាន ២៣ វិច្ឆិកា ក្រោមប្រធានបទ “មាតុភូមិយើង កាតព្វកិច្ចយើង ស្អាត និងបៃតង”  - ក្រសួងព័ត៌មានសហការជាមួយក្រសួងសេដ្ឋកិច្ច រៀបចំសិក្ខាសាលាស្តីពីគោលនយោបាយគ្រប់គ្រងផ្ទៃក្នុង និងនីតិវិធីសវនកម្ម នៅខេត្តសៀមរាប - ពិធីប្រគល់ទង់អាស៊ានជូនឥណ្ឌូនេស៊ី និង ធ្វើជាម្ចាស់ផ្ទះនៃកិច្ចប្រជុំ ADMM លើកទី ១៧ និង ADMM-Plus លើកទី ១០នៅឆ្នាំ ២០២៣
0

អង្គកឋិនទានសាមគ្គី វត្តស្វាយរមៀត  ប្រមូលបច្ច័យបាន៥០លាន៩៨ម៉ឺនរៀល  និង៤៥៤ដុល្លាអាមេរិក


ខេត្តសៀមរាប ÷ អង្គកឋិនមួយដែលផ្តួចផ្តើមឡើងដោយ លោកអាចារ្យ គណៈកម្មការ និងពុទ្ធបរិស័ទជិតឆ្ងាយ រួមទាំង អាជ្ញាធរភូមិ សង្កាត់បានមូលមតិគ្នាជាឯកច្ឆ័នផ្តើមធ្វើបុណ្យ អង្គកឋិនទានមហាសាមគ្គី ដើម្បីដង្ហែយកត្រៃចីវរវេប្រគេនចំពោះព្រះភិក្ខុសង្ឃ គង់ចាំព្រះវស្សាអស់ត្រីមាស ក្នុងទីបារាយមហានទីរតនារាម ហៅវត្តស្វាយរមៀត នៅភូមិបន្ទាយឈើ សង្កាត់ទឹកវិល ក្រុង សៀមរាប ខេត្តសៀមរាប ដើម្បីប្រមូលបច្ច័យកសាងសមិទ្ធផលនានាក្នុងទីវត្ត ។

បុណ្យកឋិនទានមហាសាមគ្គី ខាងលេីនេះប្រារព្ធធ្វេី ឡេីងរយ:ពេលពីរថ្ងៃគឺថ្ងៃទី០៥ ដល់ថ្ងៃទី០៦ ខែវិច្ឆិកា ឆ្នាំ២០២២។

នៅរសៀលថ្ងៃទី០៥ អាជ្ញាធរមូលដ្ឋាន  គណ:កម្មាការអាចារ្យវត្ត ពុទ្ធបរិស័ទ្ធជិតឆ្ងាយជួបជុំប្រារព្ធពិធីក្រុងពាលី និងសូត្រមន្តទៅតាមប្រពៃណីសាសនា លុះពេលរសៀលថ្ងៃទី០៦ បានធ្វើពិធីដង្ហែអង្គកឋិនទានតាមជើងទឹក ឆ្ពោះទៅកាន់វត្តស្វាយរមៀត ដោយមានត្រៃចីវរ សង្ឃាដី ស្បង់ និងទេយ្យទានផ្សេងៗ ព្រមទាំងបច្ច័យសរុបចំនួន៥០លាន៩៨ម៉ឺនរៀល និង ៤៥៤ដុល្លារ សម្រាប់សង្កត់ត្រៃប្រគេនព្រះសង្ឃគង់ចាំវស្សាអស់កាលត្រីមាស ក្នុងពុទ្ធសីមាវត្តស្វាយរមៀន ។

ព្រះគ្រូចៅអធិការវត្ត  អាចារ្យ  គណ:កម្មការ ពុទ្ធរិស័ទទាំងអស់បានចូល  និងសម្តែងនូវមនោសញ្ជេតនាសប្បាយរីករាយ ហេីយលេីកឡេីងដូចៗគ្នាថា បច្ចុប្បន្នដោយសារ ប្រទេសជាតិមានសុខសន្តិភាពពេញលេញ និងមានការអភិវឌ្ឍលើគ្រប់វិស័យ ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ទើបប្រជាពលរដ្ឋ ពុទ្ធិបរិស័ទ មានឱកាសបានប្រព្រឹត្តធ្វើបុណ្យទៅតាមទំ នៀមទម្លាប់ប្រពៃណី និង ជំនឿសាសនារៀងៗខ្លួន ។

គួរបញ្ជាក់ថា បុណ្យកឋិនទាន គឺជាពិធីបុណ្យប្រពៃណីព្រះពុទ្ធសាសនាមួយ ដែលប្រជាជនខ្មែរចាប់ផ្ដើមធ្វើបន្ទាប់ពីបុណ្យចេញព្រះវស្សា។ បុណ្យកឋិនទាននេះតែងត្រូវបានដង្ហែចូលគ្រប់ទីអារាមទាំងអស់ចាប់ពីថ្ងៃ ១រោចខែអស្សុជដល់ថ្ងៃទី១៥កើត ខែកត្តិក គឺពុំមាន វត្ដណាមួយត្រូវបានខកខានឡើយ។ តែបើទីវត្តអារាម ណាមិនមានអង្គកឋិនណាមួយហែចូលទេនោះទីអា រាម នោះក៏ត្រូវតែរៀបចំជាកឋិនជើងវត្តដែរ។ ពិធីហែអង្គកឋិនទៅកាន់ទីអារាមនីមួយៗ គេតែងរៀបចំធ្វើឡើងយ៉ាងអធិកអធម្មសប្បាយរីករាយយ៉ាងក្រៃលែង ហើយអ្នកផ្ដើមបុណ្យតែងរៀបចំបរិក្ខាកឋិនមានត្រៃចីវរ សង្ឃាដី ស្បង់ និងទេយ្យទានផ្សេងៗ រួចគេនាំគ្នាហែទៅទីអារាមដែលបានគ្រោងទុក ។

ក្នុងបុណ្យអង្គកឋិនទានសាមគ្គី នៅទីវត្តស្វាយរមៀតនេះ ក៏មានរៀបចំធ្វើពិធីប្រណាំងទូកលក្ខណៈប្រពៃ ណី ដើម្បីរក្សាប្រពៃណីទំនៀមទំលាប់ក្នុងសហគមន៍  ក្នុងការអបអរសាទរអង្គកឋិនទាន ហែរចូលមកទីវត្តនេះ  ដើមី្បជូនដល់បងប្អូន ដែលបានចូលរួមពិធីបុណ្យ បានទស្សនាកម្សាន្ត ក្នុងគោលបំណងរឹតចំណងបង្កើនសាមគ្គីភាពរវាងវត្តអារាមនិងពុទ្ឋបរិស័ទ រក្សាប្រពៃណីទំនៀមទំលាប់របស់ខ្មែរនៅតាមមូលដ្ឋាន ដើម្បីរំលឹកនឹកគុណដល់កងទ័ពជើងទឹកនាសម័យដើម ដែលបានទទួលជោគជ័យលើខ្មាំងសត្រូវឈ្លានពាន មកលើទឹកដីខ្មែរកាលពីអតីតកាល ព្រមទាំងទាក់ទាញ ដល់ភ្ញៀវទេសចរណ៍ជាតិ អន្តរជាតិ ឲ្យកាន់តែស្គាល់ច្បាប់អំពី វប្បធម៌ប្រពៃណី ទំនៀមទំលាប់របស់ដូនតាខ្មែរ ក្រៅពីសម្បត្តិបេតិកភណ្ឌពិភពលោក ប្រាង្គប្រា សាទអង្គរ និង រមណីយដ្ឋានវប្បធម៌ធម្មជាតិនៅខេត្តសៀមរាប ហើយក៏ជាការស្តារឡើងវិញនូវវិស័យទេសចរណ៍ ក្រោយពេលមានភាពធូស្រាលនៃជម្ងឺកូវិដ១៩ នៅកម្ពុជា ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, វប្បធម៌

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.