ព័ត៌មាន​ទាន់ហេតុការណ៍
ថវិកាមូលនិធិមហាគ្រួសារកងរាជអាវុធហត្ថ ត្រូវបានប្រគល់ជូនគ្រួសារសពសមាជិកមន្ត្រី អាវុធហត្ថរាជធានីភ្នំពេញ! - ពិតជាគួរឱ្យសោកស្តាយជាទីបំផុតសត្វកែះញីមួយក្បាលដែលជាប់អន្ទាក់និងរងរបួសបានស្លាប់ហើយ - កិច្ចប្រជុំក្រុមប្រឹក្សាភិបាលសាលាសណ្ឋាគារនិងទេសចរណ៍ ប៉ូលឌុលប្រ៊ូល - ក្រសួងសេដ្ឋកិច្ចនិងហិរញ្ញវត្ថុ បើកសិក្ខាសាលាផ្សព្វផ្សាយអនុក្រឹត្យស្ដីពីក្របខ័ណ្ឌមុខងារ ភារកិច្ចរបស់សវនកម្មផ្ទៃក្នុង និងនីតិវីធីនៃការធ្វើអធិការកិច្ចហិរញ្ញវត្ថុ - ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាប - វេទិកាថ្នាក់តំបន់លើកទី៤ របស់មជ្ឈមណ្ឌលសហប្រតិបត្តិការនៃអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច - សហព័ន្ធកីឡាប្រដាល់គុនខ្មែរ រៀបចំការប្រកួតផ្តាច់ព្រ័ត្រប្រដាល់គុនខ្មែរដណ្តើមខ្សែក្រវាត់ពានរង្វាន់ (សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ)នៅខេត្តសៀមរាប - អាជ្ញាធរខេត្តសៀមរាបប្រារព្ធទិវាអនាម័យជាតិបរិស្ថាន ២៣ វិច្ឆិកា ក្រោមប្រធានបទ “មាតុភូមិយើង កាតព្វកិច្ចយើង ស្អាត និងបៃតង”  - ក្រសួងព័ត៌មានសហការជាមួយក្រសួងសេដ្ឋកិច្ច រៀបចំសិក្ខាសាលាស្តីពីគោលនយោបាយគ្រប់គ្រងផ្ទៃក្នុង និងនីតិវិធីសវនកម្ម នៅខេត្តសៀមរាប - ពិធីប្រគល់ទង់អាស៊ានជូនឥណ្ឌូនេស៊ី និង ធ្វើជាម្ចាស់ផ្ទះនៃកិច្ចប្រជុំ ADMM លើកទី ១៧ និង ADMM-Plus លើកទី ១០នៅឆ្នាំ ២០២៣
0

វិទ្យាស្ថានតេជោសែន សាធារណការ និងដឹកជញ្ជូនគ្រោងនឹងបើកទទួលនិស្សិតចូលរៀនជំនាន់ទី៣ចំនួន២០០នាក់


ខេត្តសៀមរាប ÷ នៅថ្ងៃទី០២ ខែវិច្ឆិកា ឆ្នាំ២០២២    ឯកឧត្តម ហឿន សំនៀង នាយកវិទ្យាស្ថានតេជោ សែន សាធារណការ និងដឹកជញ្ជូន និងក្រុមការងារ បានអញ្ជើញចុះផ្សព្វផ្សាយ ព័ត៌មានស្តីពី ឱកាសចូលរៀននៅវិទ្យាស្ថានតេជោសែន សាធារណការ និងដឹកជញ្ជូន ជូនដល់សិស្សានុសិស្សកំពុងសិក្សាថ្នាក់ទី១២ នៅវិទ្យាល័យចំនួន៥កន្លែងក្នុងខេត្តសៀមរាបដោយក្នុងនោះ រួមមាន៖ វិទ្យាល័យតេជោសម្ព័ន្ធភាព. វិទ្យា ល័យកំពង់ក្តី(ស្រុកជីក្រែង) .វិទ្យាល័យសំរោង. វិទ្យាល័យដំដែក(ស្រុកសូទ្រនិគម) និង វិទ្យាល័យហ៊ុន សែន ស្វាយធំ (ស្រុកប្រាសាទបាគង) ដោយមានសិស្សានុសិស្សនិងលោកគ្រូអ្នកគ្រូចូលរួមសរុបប្រមាណជាង៨០០នាក់។

ការផ្សព្វផ្សាយនេះ ធ្វើឡើងក្នុងគោលបំណងតម្រង់ ទិសជំនាញសិក្សា ផ្សព្វផ្សាយអំពីជំនាញ អត្ថប្រយោជន៍ ឱកាសការងារ ជូនដល់សិស្សានុសិស្សថ្នាក់ទី១២ ក្រោយប្រឡងជាប់សញ្ញាបត្រទុតិយភូមិអាចស្វែងរកការសិក្សានៅវិទ្យាស្ថាននេះនិងដើម្បីពួកគាត់ទទួលបានព័ត៌មានគ្រប់ជ្រុងជ្រោយអំពីវិទ្យាស្ថាន និងធ្វើការសម្រេចចិត្តឱ្យបានច្បាស់លាស់មុនប្រឡងចូលរៀននៅវិទ្យាស្ថានសម្រាប់ឆ្នាំសិក្សាថ្មី ។

ឯកឧត្តម ហឿន សំនៀង បានមានប្រសាសន៍ឱ្យដឹងទៀតថាដូចគ្នាទៅនឹងជំនាន់ ទី១និងទី២ដែរ វិទ្យាស្ថានតេជោសែន សាធារណការ និងដឹកជញ្ជូន គ្រោងនឹង បើកទទួលនិស្សិតជំនាន់ទី៣ ចំនួន២០០នាក់ នាខែមករា ឆ្នាំ២០២៣ នឹងត្រូវសិក្សា លើជំនាញចំនួន៦ ក្នុងនោះរួមមាន៖ ១. ជំនាញសំណង់ផ្លូវថ្នល់ ផ្លូវល្បឿនលឿន ស្ពាន ផ្លូវដែក និងកំពង់ផែ ២. ជំនាញប្រព័ន្ធចម្រោះទឹកកខ្វក់ ៣. ជំនាញសេដ្ឋកិច្ច និងគ្រប់គ្រងដឹកជញ្ជូនផ្លូវគោក៤. ជំនាញគ្រប់គ្រងភស្តុភារកម្ម និងខ្សែច្រវ៉ាក់ផ្គត់ផ្គង់ ៥. ជំនាញអ្នកបើកបរនាវា ៦. ជំនាញម៉ាស៊ីននាវា។

ចំពោះជំនាញទាំង៦នេះសុទ្ធស៊ឹងជាជំនាញចាំបាច់ដែលនឹងបណ្តុះបណ្តាលដល់និស្សិតឱ្យមានជំនាញច្បាស់លាស់ក្លាយជាធនធានមនុស្សពោរពេញដោយសក្តានុពល នឹងអាចទទួលបានឱកាសការងារជាច្រើនក្នុងវិស័យសាធារណការ និងដឹកជញ្ជូន។ ឯកឧត្តម មានប្រសាសន៍ថា៖និស្សិតដែលមានបំណងចូលសិក្សាត្រូវឆ្លងកាត់ប្រឡងតេស្តសមត្ថភាពជា លើមុខវិជ្ជា គណិតវិទ្យា រូបវិទ្យា គីមីវិទ្យានិងតក្កវិទ្យា បើប្រឡងតេស្តជាប់ទើបមានសិទ្ឋិចូលរៀនបានក្នុងនោះនិស្សិតដែលទទួលបានពិន្ទុខ្ពស់ជាងគេចំនួន៥០រូបនឹងទទួលបានអាហារូបករណ៍១០០%រហូតដល់បញ្ចប់ការសិក្សា ប៉ុន្តែអាស្រ័យលើការវាយតម្លៃលទ្ឋផលការសិក្សារៀងរាល់ឆ្នាំ ចំណែកនិស្សិតជានារីនឹងទទួលបានអាហារូបករណ៍៥០%ដោយស្វ័យប្រវត្តិ រហូតដល់បញ្ចប់ការសិក្សា ប៉ុន្តែអាស្រ័យលើការវាយតម្លៃលទ្ឋផលការសិក្សារៀងរាល់ឆ្នាំ។

ឯកឧត្តម បន្ថែមថា៖វិទ្យាស្ថានតេជោសែន សាធារណការ និងដឹកជញ្ជូន បានបើកដំណើរការកាលពីថ្ងៃទី២២ខែមករាឆ្នាំ២០២១ ក្រោមអធិបតីភាពដ៍ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ជាគ្រឺះស្ថានឧត្តមសិក្សាសាធារណៈរបស់រដ្ឋ បណ្តុះបណ្តាលធនធានមនុស្ស ប្រកបដោយជំនាញ ចំណេះដឹងនិងសីលធម៌វិជ្ជាជីវៈ ដើម្បីត្រៀមខ្លួនជាអ្នកបន្តវេនក្នុងវិស័យសាធារណៈការនិងដឹកជញ្ជូននៅថ្ងៃអនាគត៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.