ព័ត៌មាន​ទាន់ហេតុការណ៍
នៅខេត្តសៀមរាប ការិយាល័យបោះឆ្នោត សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ បានបើកចាប់ពីព្រឹកម៉ោង៧:០០នាទី នៅថ្ងៃនេះ - ការនាំចេញផលិតផលរបស់ក្រុមហ៊ុនសហគ្រាសឬសិប្បកម្មផលិតមិនមែនជាការងាយស្រួលទេ គឺទាមទារឱ្យមានការអភិវឌ្ឍគុណភាពផលិតនិងមានច្បាប់លិខិតបទដ្ឋានគតិយុត្តិនៃប្រទេសនាំចេញ - តើរដ្ឋាភិបាលគួរដាក់មន្ត្រីជំនាញចុះស៊ើបអង្កេតស្រាវជ្រាវឱ្យបានស៊ីជម្រៅលើប្រធានស្ថានីយ៍ជញ្ជីងថ្លឹងរថយន្តផ្លូវជាតិលេខ1នៅចំណុចឃុំកំពង់ភ្នំ ស្រុកលើកដែក ខេត្តកណ្ដាល ប្រមូលលុយតាមរបៀបពុករលួយពេញទំហឹង មិនញញីតអ្វីទាំងអស់? - កម្លាំងមន្ទីរប្រឆាំងបទល្មើសគ្រឿងញៀន បង្ក្រាបករណីដឹកជញ្ជូន ជួញដូរគ្រឿងញៀន ឃាត់ខ្លួនជនសង្ស័យ៤នាក់ រឹបអូសបានថ្នាំញៀនជាង ២គីឡូក្រាម  - លោកមេគយ យី ថុល ធ្វើតេស្តស្ទង់កម្លាំង សម្តេចធិបតី ហ៊ុន ម៉ាណែត ដើម្បីធ្វើជាគំរូពុករលួយដល់គយទូទាំងប្រទេស តើអាចឱ្យទំនិញលោតឆ័ត្របានទៀតឬទេ? - ករណីគ្រឿងចក្រកាយដីបឹង ស្រុកបាទី ខេត្តតាកែវ តើលោកអភិបាលស្រុកបានដឹងឬទេ? - ល្បែងមាន់ជល់អនឡាញយ៉ាងអាណាធិបតេយ្យនៅក្នុងទឹកដីខណ្ឌពោធិ៍សែនជ័យ ចង់សាកមើលតើលោក ម៉ម វុធី មេនគរបាលខណ្ឌពោធិ៍សែនជ័យ មានសមត្ថភាពបង្ក្រាបដែរឬទេ? - មន្ទីរប្រឆាំងបទល្មើសគ្រឿងញៀន សហការជាមួយស្នងការដ្ឋាននគរបាលខេត្តស្ទឹងត្រែង បង្ក្រាបករណីជួញដូរ និងដឹកជញ្ជូនគ្រឿងញៀនឆ្លងដែន រឹបអូសបានថ្នាំញៀនជិត ១៦០គីឡូក្រាម ដែលជនល្មើសបង្កប់ដឹកតាមគោយន្តកន្ត្រៃ - សកម្មភាពបងប្អូនក្រុមការងារវាលទី១៨ (ខណ្ឌមានជ័យ) ចុះប្រចាំការបិទផ្សាយជាសាធារណៈនូវឯកសារនៃការវិនិច្ឆ័យ ភូមិសាឡាំ ភូមិត្រពាំងខ្នារ និងភូមិស្រែខ្ញែរ ឃុំពោធិម្រាល ស្រុកបសេដ្ឋ ខេត្តកំពង់ស្ពឺ - អ្នកស្រី តូ ស៊ីម និងអ្នកស្រី សុខ ស៊ីណា ស្នើសុំដល់លោក សុខ ហេង អធិការនគរបាលខណ្ឌព្រែកព្នៅ មេត្តាជួយណែនាំដល់អធិការរងព្រហ្មទណ្ឌប្រគល់ម៉ូតូដែលបានឃាត់ទុកកាលពីថ្ងៃទី២៦ ខែវិច្ឆិកា ឆ្នាំ២០២៣!
0

វត្តអារាមជាជ្រុងមួយនៃផលិតផលទេសចរណ៍ដ៏សំខាន់ ដែលភ្ញៀវទេសចរបរទេសមានការចាប់អារម្មណ៍ ក្រៅពីប្រាសាទបុរាណនានានៅក្នុងខេត្


ខេត្តសៀមរាប ÷ វត្តអារាមជាជ្រុងមួយនៃផលិតផលទេសចរណ៍ដ៏សំខាន់ ដែលមានភាពទាក់ទាញភ្ញៀវទេសចរបរទេសឲ្យចូលមកទស្សនាឬឈ្វេងយល់ពីទំនៀមទំលាប់សាសនា ហើយក៏មានការចាប់អារម្មណ៍ជាខ្លាំង ក្រៅពីប្រាសាទបុរាណនានានៅក្នុងខេត្ត ក្រោយពីវិបត្តិជម្ងឺកូវីដ.១៩ មានភាពធូរស្បើយហើយនោះ ភ្ញៀវក៏កាន់តែចាប់ផ្តើមមកទស្សនានៅវត្តបារាយមហានទីរតនារាមហៅវត្តស្វាយរមៀតជាបន្តបន្ទាប់ផងដែរ។

លោក យុន គឹមយ៉ាន មគ្គុទេសក៍ទេសចរណ៍ប្រចាំតំបន់សៀមរាប បានមានប្រសាសន៍ឱ្យដឹងនៅព្រឹកថ្ងៃទី២៧ ខែតុលា ឆ្នាំ២០២២នេះថា នៅពេលដែលរាជរដ្ឋាភិបាលកម្ពុជាបានបើកប្រទេសឡើងវិញយ៉ាងពេញលេញនោះ ឥឡូវនេះ យើងសង្កេតឃើញមានភ្ញៀវបរទេសហូរចូលមកកាន់ខេត្តសៀមរាបជាបណ្តើរៗហើយ។ ជាក់ស្តែង នៅតាមទីវត្តអារាម និងប្រាង្គប្រាសាទនានា ដែលមានភ្ញៀវទេសចរណ៍កើនឡើងប្រមាណជា ២០ ទៅ ២៥ភាគរយហើយ បើធៀបទៅនឹងឆ្នាំ២០១៩កន្លងមក។ លោក បានបង្ហាញទៀតថា គោលដៅចម្បងរបស់ភ្ញៀវទេសចរណ៍បរទេសទាំងអស់ ដែលមកទស្សនាទីក្រុងអរិយធម៌របស់យើង គឺចង់ទៅទស្សនាប្រាសាទអង្គរវត្ត និងប្រាសាទបុរាណផ្សេងៗទៀត។ ក្រៅពីនេះ ភ្ញៀវទេសចរណ៍ ក៏តែងតែចង់ឈ្វេងយល់ពីវប្បធម៌ និងទំនៀមទម្លាប់ប្រពៃណីខ្មែរ នៅតាមភូមិរបស់ប្រជាពលរដ្ឋ ពួកគាត់ចង់ដឹងពីការរស់នៅរបស់ប្រជាជនខ្មែរ នឹងចង់ឈ្វេងយល់ពីព្រះពុទ្ធសាសនារបស់ជាតិយើងផងដែរ។ ហើយទេសចរណ៍វត្តអារាមនេះ ជាផលិតផលទេសចរណ៍មួយ ដែលភ្ញៀវទេសចរណ៍បរទេស មានការចាប់អារម្មណ៍ ក្រៅពីប្រាសាទបុរាណ គឺកាលពីមិនទាន់មានកូវិដ.១៩ ភ្ញៀវទេសចរណ៍បរទេសតែងតែបានទៅទស្សនាវត្តប្រមាណចំនួន ៩ឬ១០វត្តក្នុងក្រុងសៀមរាបយើង ដែលក្រសួងទេសចរណ៍ត្រូវបានកំណត់ជាវត្តអារាមទេសចរណ៍នោះ។ លោក បានបន្តថា នៅពេលនេះ ចំពោះក្រុមភ្ញៀវធួរយើងបានមកទទួលទានអាហារពេលព្រឹក នឹងទស្សនានៅវត្តស្វាយរមៀតនេះ មានចំនួន ៤៣នាក់ ជាលើកទី២ហើយ លើកទី១ គឺយើងធ្វើកាលពីថ្ងៃទី១០ ខែតុលា ឆ្នាំ២០២២ ដែលមានភ្ញៀវចម្រុះជាតិប្រមាណជាង ១០០នាក់ផងដែរ។ បន្ទាប់ពីស្ថានភាពកូវីដ.១៩ បានធូរស្រាលនោះ ដោយយល់ឃើញថា នៅវត្តបារាយមហានទីរតនារាម ហៅវត្តស្វាយរមៀត ដែលជាវត្តអារាមទេសចរណ៍មួយ មានបរិស្ថានបៃតងស្អាត មានអនាម័យល្អ ដែលធ្វើឱ្យភ្ញៀវទេសចរណ៍ចូលមកឈ្វេងយល់ពីព្រះពុទ្ធសាសនានៅទីនេះ មានការសប្បាយចិត្ត និងពេញចិត្តជាខ្លាំង ចំពោះវត្តដែលក្រសួងបរិស្ថានបានផ្តល់ប័ណ្ណសរសើរ ថា ជាវត្តមេត្រីបរិស្ថាន មានពណ៍បៃតងស្រស់ស្អាត មានអនាម័យល្អ មានសួនច្បារ និងបន្ទប់ទឹកស្អាត។ល។

លោកបានថ្លៃងអំណរអរគុណយ៉ាងជ្រាលជ្រៅចំពោះ ប្រមុខរាជរដ្ឋាភិបាលដែលខិតខំយកចិត្តទុក ដាក់ក្នុងការបើកប្រទេសឡើងវិញ ក្រោយ វិបត្តិកូវីដ.១៩ បាន ធូរស្រាលនេះ ទើបធ្វើឲ្យចរន្តសេដ្ឋកិច្ចជាតិចាប់ផ្តើមមានសន្ទុះត្រឡប់មកប្រក្រតីជាបណ្តើរៗហើយ។

សូមបញ្ជាក់ថា វត្តបារាយមហានទីរតនារាម ហៅវត្តស្វាយរមៀត ស្ថិតនៅភូមិបន្ទាយឈើ សង្កាត់ទឹកវិល ក្រុងសៀមរាប ត្រូវបានកំណត់ជាវត្តអារាមទេសចរ ណ៍ ដែលមានអនាម័យល្អ នឹងបរិស្ថានបៃតងស្រស់បំព្រង នឹងមានទឹកបារាយណ៍ដ៏ថ្លា គួរជាទីគយគន់ នឹងធ្វើឱ្យអារម្មណ៍អ្នកទស្សនាមានភាពស្រស់ថ្លា។

ដោយឡែក ចំពោះភ្ញៀវទេសចរណ៍ ដែលបានមកទស្សនាវត្តស្វាយរមៀតនេះ បានកោតសសើរចំពោះការរៀបចំរបស់ព្រះសង្ឃ ធ្វើឱ្យបរិវេណវត្ត មានបរិស្ថានបៃតងស្អាត នឹងមានអនាម័យល្អ គួរជាទីរីករាយផងដែរ៕

ដោយ ÷ ពន្លឺ


Filed in: ទេសចរណ៏, ព័ត៌មានជាតិ, ព័ត៌មានថ្មីៗ

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.