ខេត្តក្រចេះ ៖ ឧកញ៉ា សឹង សំអុល មេឈ្មួញល្បីឈ្មោះនាំឈើទៅលក់ប្រទេសវៀតណាមដែលធ្លប់មានឈ្មោះក្នុងបញ្ជីរខ្មៅរបស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា បានជេរប្រមាថ បោះពាក្យសំដី ដាក់អ្នកព័ត៌មានណា ដែលបានចុះផ្សាយពីខ្លួន ពីការដឹកឈើយកទៅលក់ ដោយបានយកឈ្មោះ នាយឧត្តមសេនីយ៏ សៅ សុខា ប្រធានគណៈកម្មការជាតិទប់ស្កាត់ និងបង្ក្រាបបទល្មើសព្រៃឈើ « បើនាយឧត្តមសេនីយ៏ សៅ សុខា » មិនចាប់អញគ្មានអ្នកណាហ៊ានចាប់ អញទេ ។
ការបោះពាក្យសម្តីរបស់ឧកញ៉ា សឹង សំអុល មេឈ្មួញល្បីឈ្មោះ ធ្វើឡើងក្រោយពីបណ្តាញសារព័ត៌មាន ជាច្រើនបាន ផ្សព្វផ្សាយ ពីការដឹកជញ្ជួនឈើ របស់ឧកញ៉ា សឹង សំអុល ធ្វើឲ្យមានការរាំងស្ទះ ដល់ការដឹកជញ្ជួនឈើប្រណិត ពីខេត្តមួយ ទៅខេត្តមួយ ឆ្លងដែនទៅស្រុកយួន នាពេលកន្លងមក។
តាមសេចក្តីរាយការណ៏ ពី អ្នកនៅស្រុកស្នួល ខេត្តក្រចេះ បានឲ្យដឹងថា កាលពីថ្មីកន្លងមកនេះឧកញ៉ា សឹង សំអុល មេឈ្មួញដ៍មហិមា បានប្រើអំណាចឥទ្ធិពល បានចូលទៅផឹកស៊ី ក្នុងហាង១កន្លែង នៅស្រុកស្នួល បានជេប្រមាថ ដល់អ្នកព័ត៌មានណា ដែលបានចុះផ្សាយពីខ្លួន ធ្វើជំនួញឈើឆ្លងដែន ទៅប្រទេសវៀតណាមយ៉ាងធ្ងន់ៗថា« ពួកអាកាសែតណា ចង់ផ្សាយអីក៍ផ្សាយទៅ អញមិនខ្វល់ទេ បើនាយឧត្តមសេនីយ សៅ សុខា មិនចាប់អញ អ្នកណាហ៊ានចាប់ អញទេ។ ហើយបើអ្នកព័ត៌មានណា មិនចេញផ្សាយរឿងអញ ទើបអញឲ្យលុយវាចាយខ្លះ »។
តាមសេក្ដីរាយណ៍ពីប្រជាសហគមន៍ការពារព្រៃឈើថា មេឈ្មួញ សឹង សំអុល នៅតែបន្តធ្វើសកម្មភាព ដឹកជញ្ជូនឈើ ប្រណិត ពីខេត្តមួយ ទៅខេត្តមួយ ឆ្លងដែនទៅស្រុកយួន យ៉ាងក្រអឺតក្រទម បែជាអាជ្ញាធរ និងសមត្ថកិច្ច ខេត្តពាក់ព័ន្ធមួយចំនួនមិនហ៊ានចាត់វិធានការទៅលើ មេឈ្មួញ សឹង សំអុល ដែលល្បីខាងដឹកជញ្ជូនឈើទៅស្រុកយួន យ៉ាង ពេញបន្ទុកនោះទេ គេដាក់ការសង្ស័យ អាជ្ញាធរនិង មន្ត្រីជំនាញ ពាក់ពន្ធ័ បានទទួលប្រយោជន៍ ពីមេឈ្មួញដ៏ល្បីឈ្មោះនេះ ហើយមើលទៅបានជាមិនមានវិធានការ បង្ក្រាបឬទប់ស្កាត់សោះរឺមួយ ទុកទាល់តែសម្តេច តេជោ ស្រែកទៀត ហើយបាននាំគ្នា ស្តុះស្ទារទៅបង្ក្រាប មើលទៅ ? ។
ប្រភពពីឈ្មួញខ្លះ បានឲ្យដឹងថា មេឈ្មួញ សឹង សំអុល កំពុងប្រើឈ្មោះ មន្ត្រីជាន់ខ្ពស់ស្និទ្ធ នឹងមេដឹកនាំកំពូលៗដើម្បី ការពារ ផលប្រយោជន៍ របស់ខ្លួន ហេតុនេះហើយទើប គ្មានមន្ត្រីជំនាញ និងសមត្ថកិច្ច ណាហ៊ានប៉ះពាល់? ។
មហាជនរងចាំមើលថាតើ លោក នាយ ឧត្តមសេនីយ៏ សៅ សុខា ប្រធាន គណៈកម្មការជាតិទប់ស្កាត់ និងបង្ក្រាបបទល្មើសព្រៃឈើ មានវិធានការបែបណាទៅលើមេឈ្មួញ សឹង សំអុល ដែលយកឈ្មោះទៅប្រើ ថា«ពួកអាកាសែតណា ចង់ផ្សាយអីក៍ផ្សាយទៅ អញមិនខ្វល់ទេ បើនាយឧត្តមសេនីយ សៅ សុខា មិនចាប់អញ អ្នកណាហ៊ានចាប់ អញទេ។ ហើយបើអ្នកព័ត៌មានណា មិនចេញផ្សាយរឿងអញ ទើបអញឲ្យលុយវាចាយខ្លះ »។
ជាក់ស្ដែងថ្មីៗនេះ មានសេចក្ដីរាយការណ៍ ពីប៉ែក ភូមិភាគឦសាន្ត បានឲ្យដឹងថាកាលពីថ្ងៃទី២២ កន្លងមកនេះ មេឈ្មួញ សឹង សំអុល បានរៀបចំក្បួនរថយន្ត ប្រភេទយីឌុប នឹងប្រភេទវេអង ប្រមាណ៣០គ្រឿង នៅក្នុងក្រុមហ៊ុនចំនួន២ គឺក្រុមហ៊ុន « ម៉ាស្ទ័រខេសាន់ » របស់ឧកញ៉ា តុប វីយ៉ារ៉ាដា នឹងក្រុមហ៊ុន « យូនីហ្គ្រីន » របស់ឧកញ៉ា សឹង្ហ សំអុល ស្ថិតក្នុងឃុំសុខសាន្ត ស្រុកកោះញ៉ែក ខេត្តមណ្ឌល់គិរី ទៅកាន់ស្រុកយួន តាមច្រកសំពោច កាត់ស្រុកស្នួល ដូចហែរកឋិន។
ក្នុងចំណោមរថយន្តដឹកឈើទាំងនោះ គេសង្កេតឃើញរថយន្ត ដែលគ្មានស្លាកលេខ៦គ្រឿង ដែលគេសង្ស័យថា ជារថយន្តដឹកឈើខុសច្បាប់ ព្រោះកន្លងមកឯកឧត្តមរដ្ឋមន្ត្រី ក្រសួងកសិកម្ម រុក្ខាប្រមាញ់ នឹងនេសាទ បានបញ្ជាក់ឲ្យដឹងថា ឈើដែលស្របច្បាប់ គឺឡានត្រូវតែមានស្លាកលេខត្រឹមត្រូវ ទើបមេព្រៃនឹងក្រសួងកសិកម្ម ហានចេញ « ប៉េសេ » នឹងច្បាប់អនុញ្ញាតឲ្យបាន បើសិនមានតែច្បាប់ អត់មានស្លាក់លេខ គឺមានន័យថា ប៉េសេនឹងគឺប៉េសេសេះហោះហើយ។
បើតាមការបញ្ជាក់ ពីមន្ត្រីរដ្ឋបាលព្រៃឈើ ខេត្តមណ្ឌលគិរី នឹងខេត្តក្រចេះ បានប្រាប់ឲ្យអ្នកព័ត៌មានយើងដឹងថា រថយន្តដែលដឹកឈើចេញ មកតាមច្រកសំពោចនេះ ជាក្រុមឡាន របស់លោកឧកញ៉ា សឹង្ហ សំអុល ដែលមានប៉េសេ « PC » ចំនួន១២គ្រឿង ។ ចុះ១៨គ្រឿងទៀត សុទ្ធតែខុសច្បាប់ទាំងអស់ហើយ ។ នេះបើយោងតាមកាលើកឡើងរបស់ប្រជាពលរដ្ឋ។
ប្រសិនបើ ឧកញ៉ា សឹង្ហ សំអុល មានអាជ្ញាប័ណ្ណកាប់ឈើ នាំឈើចេញ និងប៉េសេ មែននោះសូមបង្ហាញមក បើមិនមាន យើងអាចសន្និដ្ឋាន បានថាឧកញា សឹង្ហ សំអុល រត់ពន្ធឈើខុសច្បាប់ ដោយឃុបឃិតលក្ខណៈជាប្រព័ន្ធ បក្សពួកនិយម ជាមួយអាជ្ញាធរគ្រប់លំដាប់ថ្នាក់ ដោយជួយលាក់បាំង សំរួលការដឹកជញ្ជូន ឈើ មិនមានបង់ប្រាក់ចូលថវិការជាតិ ដោយគ្រាន់តែបង់តាមផ្លូវ។
សូមរំលឹកថា នៅក្នុងកិច្ចប្រជុំបូកសរុបសកម្មភាពការងារ និងលទ្ធផលនៃការបោះឆ្នោត ជ្រើសតាំងតំណាងរាស្ត្រ នីតិកាលទី៦ និងទិសដៅភារកិច្ចអនុវត្តបន្ត នោះដែរ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានស្តីបន្ទោសទៅលោកអភិបាលខេត្តមណ្ឌលគិរី លោក ស្វាយ សំអៀង មិនបង្ក្រាបបទល្មើសព្រៃឈើ ដោយបណ្តែតបណ្តោយអោយក្រុមឈ្មួញឧក្រិដ្ឋជន នាំអនុផលព្រៃឈើទៅលក់នៅប្រទេសជិតខាងដោយរលូន។
សម្តេចក្រឡាហោម ស ខង មានប្រសាសន៍ បន្ថែមថា បទល្មើសព្រៃឈើ នៅតែបន្តកើតមាន នៅក្នុងទឹកដីខេត្ត
មណ្ឌលគិរី។ សកម្មភាពកាប់ឈើ ត្រូវបានក្រសួងបរិស្ថាន ថតរូបភាពពីលើអាកាស បន្ថែមលើសេចក្តីរាយការណ៍។ សម្តេចក្រឡាហោម ស ខេង បានសង្កត់ធ្ងន់ថា បើសិនលោក ស្វាយ សំអៀង អភិបាលខេត្តមណ្ឌលគិរី នៅមិនបង្ក្រាបបទល្មើសព្រៃឈើនោះទេ ប្រាកដជាមានបញ្ហាជាក់ជាមិនខាន។
ដោយ ៖ សំណាង
