ព័ត៌មាន​ទាន់ហេតុការណ៍
ថវិកាមូលនិធិមហាគ្រួសារកងរាជអាវុធហត្ថ ត្រូវបានប្រគល់ជូនគ្រួសារសពសមាជិកមន្ត្រី អាវុធហត្ថរាជធានីភ្នំពេញ! - ពិតជាគួរឱ្យសោកស្តាយជាទីបំផុតសត្វកែះញីមួយក្បាលដែលជាប់អន្ទាក់និងរងរបួសបានស្លាប់ហើយ - កិច្ចប្រជុំក្រុមប្រឹក្សាភិបាលសាលាសណ្ឋាគារនិងទេសចរណ៍ ប៉ូលឌុលប្រ៊ូល - ក្រសួងសេដ្ឋកិច្ចនិងហិរញ្ញវត្ថុ បើកសិក្ខាសាលាផ្សព្វផ្សាយអនុក្រឹត្យស្ដីពីក្របខ័ណ្ឌមុខងារ ភារកិច្ចរបស់សវនកម្មផ្ទៃក្នុង និងនីតិវីធីនៃការធ្វើអធិការកិច្ចហិរញ្ញវត្ថុ - ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាប - វេទិកាថ្នាក់តំបន់លើកទី៤ របស់មជ្ឈមណ្ឌលសហប្រតិបត្តិការនៃអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច - សហព័ន្ធកីឡាប្រដាល់គុនខ្មែរ រៀបចំការប្រកួតផ្តាច់ព្រ័ត្រប្រដាល់គុនខ្មែរដណ្តើមខ្សែក្រវាត់ពានរង្វាន់ (សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ)នៅខេត្តសៀមរាប - អាជ្ញាធរខេត្តសៀមរាបប្រារព្ធទិវាអនាម័យជាតិបរិស្ថាន ២៣ វិច្ឆិកា ក្រោមប្រធានបទ “មាតុភូមិយើង កាតព្វកិច្ចយើង ស្អាត និងបៃតង”  - ក្រសួងព័ត៌មានសហការជាមួយក្រសួងសេដ្ឋកិច្ច រៀបចំសិក្ខាសាលាស្តីពីគោលនយោបាយគ្រប់គ្រងផ្ទៃក្នុង និងនីតិវិធីសវនកម្ម នៅខេត្តសៀមរាប - ពិធីប្រគល់ទង់អាស៊ានជូនឥណ្ឌូនេស៊ី និង ធ្វើជាម្ចាស់ផ្ទះនៃកិច្ចប្រជុំ ADMM លើកទី ១៧ និង ADMM-Plus លើកទី ១០នៅឆ្នាំ ២០២៣
0

ប្រជាពលរដ្ឋនៅឃុំពោធិ៍ទ្រាយ ចំនួន ៤៨៨គ្រួសារ បានទទួលអំណោយអង្ករ របស់សម្ដេចតេជោ និងសម្ដេចពិជ័យសេនា តាមរយៈ អ្នកឧកញ៉ា សៀង ណាំ


ខេត្តសៀមរាប ÷នៅថ្ងៃទី២៥ ខែតុលា ឆ្នាំ២០២២នេះ ឯកឧត្តម អ្នកឧកញ៉ា សៀង ណាំ តំណាងរាស្ត្រមណ្ឌលសៀមរាប និងលោកជំទាវ ព្រមទាំងក្រុមការងារ និងអាជ្ញាធរមូលដ្ឋាន បាននាំយកអំណោយ មានអង្ករជាង១២តោន និងសារ៉ុង ៤៨៨ និងថវិកាមួយចំនួន ជាអំណោយដ៍ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា និង សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និង ជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តសៀមរាប នាំ យក ទៅចែកជូនប្រជាពលរដ្ឋ ចំនួន ៤៨៨គ្រួសារ នៅឃុំពោធិ៍ទ្រាយ ស្រុកពួក ខេត្តសៀមរាប ស្ថិតក្នុងភូមិសាស្ត្រក្នុងតំបន់បឹងទន្លេសាប ។

មានប្រសាសន៍ក្នុងឱកាសជួបសំណេះសំណាល និងចែកអំណោយជូនពលរដ្ឋនេះ អ្នកឧកញ៉ា សៀង ណាំ បានពាំនាំនូវការផ្ដាំផ្ញើសុខទុក្ខ និងការយកចិត្តទុកដាក់ពីសំណាក់ សម្ដេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រី និង សម្ដេចពិជ័យសេនា ទៀ បាញ់  ដែលសម្ដេចតែងគិតគូរខ្ពស់បំផុត និងមុន គេបង្អស់ ចំពោះសុខទុក្ខប្រជាពលរដ្ឋគ្រប់រូប ពិសេសក្នុងកាលៈទេសៈជួបការលំបាក ។

ឯកឧត្តម មានប្រសាសន៍ថា៖បងប្អូនប្រជាពលរដ្ឋនៅតំបន់នេះភាគច្រើនអាស្រ័យផលតែនឹងរបរនេសាទ និងការលក់ដូរបន្តិចបន្តួច ពុំមានស្រែចម្ការដើម្បីបង្កបង្កើនផលឡើយនិងមួយវិញទៀត ស្ថានភាពផ្លូវទៅកាន់មូលដ្ឋាននេះនៅរដូវវស្សាត្រូវធ្វើដំណើរដោយកាណូត នៅរដូវទឹកស្រក ផ្លូវភក់រអិលពិបាកធ្វើដំណើរទៅកាន់ទីប្រជុំជន ជាមួយគ្នានោះក៏សមាជិកគ្រួសារខ្លះនាំកូនចៅវិលត្រឡប់មករស់នៅជាមួយគ្រួសារដោយសារបានផ្អាកបណ្តោះអាសន្នពីការងារក្នុងទីប្រជុំជន តាំងពីអំឡុងសកលលោកជួបវិបត្តិដោយសារជំងឺកូវីដ-១៩ មក ហើយបច្ចុប្បន្នថ្វីត្បិតតែការឆ្លងរាលដាលនៃជំងឺកូវីដ-១៩នៅកម្ពុជាមានថមថយជាលំដាប់ក្តី តែក៍មានសមាជិកគ្រួសារខ្លះពុំទាន់វិលត្រឡប់ទៅរកការងារធ្វើនៅឡើយទេ។

ឯកឧត្តម សៀង ណាំ  បានសម្ដែងនូវអំណរគុណ យ៉ាងជ្រាលជ្រៅ ចំពោះប្រមុខរាជរដ្ឋាភិបាលកម្ពុជា ក្រោមការដឹកនាំដ៍ឈ្លាសវៃនិងប៉ិនប្រសព្វ របស់សម្តេចតេជោ ហ៊ុន សែន នាយករដ្ឋមន្ត្រី ដែលជានិច្ចកាល តែងយកចិត្តទុកដាក់ខ្ពស់នូវសុខទុក្ខរបស់ប្រជាពលរដ្ឋគ្រប់មូលដ្ឋាន គ្រប់កាលៈទេសៈ ដែលជួបប្រទះនូវភាពខ្វះខាត ដោយមិនទុកឱ្យពលរដ្ឋណាម្នាក់ស្លាប់ដោយសាររងគ្រោះព្រោះអត់ម្ហូបអាហារឬដាច់បាយឡើយ។

ឯកឧត្តម បានសំណូមពរនិងផ្តាំផ្ញើ ឱ្យបងប្អូនប្រជាពលរដ្ឋ នៅក្នុងមូលដ្ឋាននេះ ប្រុងប្រយ័ត្នឲ្យបានខ្ពស់  កុំមានការធ្វេសប្រហែសចំពោះកូនចៅតូចៗ ចៀស វាង លង់ទឹកឬសត្វអសិរពិសទិចឬខាំ ព្រោះនេះជាតំបន់ទន្លេសាប កុំឲ្យមានហេតុការអាក្រក់ណាមួយកើតឡើង និងប្រុងប្រយ័ត្នចំពោះជំងឺឆ្លងនិងរាគរូសផ្សេងៗផងដែរ ដោយបរិភោគចំណីអាហារណាដែលមានអនាម័យត្រឹមត្រូវ៕

ដោយ ÷


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.