ព័ត៌មាន​ទាន់ហេតុការណ៍
ថវិកាមូលនិធិមហាគ្រួសារកងរាជអាវុធហត្ថ ត្រូវបានប្រគល់ជូនគ្រួសារសពសមាជិកមន្ត្រី អាវុធហត្ថរាជធានីភ្នំពេញ! - ពិតជាគួរឱ្យសោកស្តាយជាទីបំផុតសត្វកែះញីមួយក្បាលដែលជាប់អន្ទាក់និងរងរបួសបានស្លាប់ហើយ - កិច្ចប្រជុំក្រុមប្រឹក្សាភិបាលសាលាសណ្ឋាគារនិងទេសចរណ៍ ប៉ូលឌុលប្រ៊ូល - ក្រសួងសេដ្ឋកិច្ចនិងហិរញ្ញវត្ថុ បើកសិក្ខាសាលាផ្សព្វផ្សាយអនុក្រឹត្យស្ដីពីក្របខ័ណ្ឌមុខងារ ភារកិច្ចរបស់សវនកម្មផ្ទៃក្នុង និងនីតិវីធីនៃការធ្វើអធិការកិច្ចហិរញ្ញវត្ថុ - ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាប - វេទិកាថ្នាក់តំបន់លើកទី៤ របស់មជ្ឈមណ្ឌលសហប្រតិបត្តិការនៃអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច - សហព័ន្ធកីឡាប្រដាល់គុនខ្មែរ រៀបចំការប្រកួតផ្តាច់ព្រ័ត្រប្រដាល់គុនខ្មែរដណ្តើមខ្សែក្រវាត់ពានរង្វាន់ (សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ)នៅខេត្តសៀមរាប - អាជ្ញាធរខេត្តសៀមរាបប្រារព្ធទិវាអនាម័យជាតិបរិស្ថាន ២៣ វិច្ឆិកា ក្រោមប្រធានបទ “មាតុភូមិយើង កាតព្វកិច្ចយើង ស្អាត និងបៃតង”  - ក្រសួងព័ត៌មានសហការជាមួយក្រសួងសេដ្ឋកិច្ច រៀបចំសិក្ខាសាលាស្តីពីគោលនយោបាយគ្រប់គ្រងផ្ទៃក្នុង និងនីតិវិធីសវនកម្ម នៅខេត្តសៀមរាប - ពិធីប្រគល់ទង់អាស៊ានជូនឥណ្ឌូនេស៊ី និង ធ្វើជាម្ចាស់ផ្ទះនៃកិច្ចប្រជុំ ADMM លើកទី ១៧ និង ADMM-Plus លើកទី ១០នៅឆ្នាំ ២០២៣
0

ប្រជាពលរដ្ឋរងគ្រោះដោយទឹកជំនន់ចំនួន ១.១១០គ្រួសារ ក្នុងស្រុកស្រីស្នំ ខេត្តសៀមរាប បានទទួលអំណោយពីរាជរដ្ឋាភិបាលកម្ពុជា


ខេត្តសៀមរាប ÷ នៅព្រឹកថ្ងៃទី២៥ ខែតុលា ឆ្នាំ២០២២នេះ លោក នាក់ ណេរ៉ុន អភិបាលរងខេត្តសៀមរាប តំណាងដ៏ខ្ពស់ខ្ពស់ឯកឧត្តម ទៀ សីហា អភិបាលខេត្ត បានដឹកនាំក្រុមការងារ រួមមានថ្នាក់ដឹកនាំមន្ទីរអង្គភាពក្នុងខេត្ត អាជ្ញាធរស្រុក ចុះជួបសំណេះសំណាល សួរសុខទុក្ខ និងនាំយកអំណោយរបស់រាជរដ្ឋាភិបាល ចែកជូនប្រជាពលរដ្ឋរងគ្រោះដោយសារជំនន់ទឹកភ្លៀង និងខ្វះខាតស្បៀង ចំនួន ១.១១០គ្រួសារ មកពីឃុំចំនួន៥ ក្នុងស្រុកស្រីស្នំ ខេត្តសៀមរាប។ ដោយក្នុងមួយគ្រួសារទទួលបាន៖ អង្ករ ២៥គីឡូក្រាម, មី១កេស, ទឹកត្រី១យួរ, ទឹកស៊ីអីវ១យួរ, ត្រីខ១យួរ និងទឹកសុទ្ធ១កេស។

ក្នុងឱកាសនោះ លោក នាក់ ណេរ៉ុន អភិបាលរងខេត្ត ក៏បានពាំនាំយកនូវការផ្ដាំផ្ញើសួរសុខទុក្ខ ពីសំណាក់សម្ដេចតេជោ ហ៊ុន សែន នាយករដ្ឋមន្ត្រី និងឯកឧត្តម ទៀ សីហា អភិបាលខេត្ត ដែលតែងតែយកចិត្តទុក ដាក់គិតគូរខ្ពស់ចំពោះសុខទុក្ខប្រជាពលរដ្ឋគ្រប់រូប និងបានបង្ហាញនូវការសោកស្ដាយចំពោះការលិច លង់ និងការប៉ះពាល់ដល់ទ្រព្យសម្បត្តិផ្សេងៗ របស់ប្រប្អូនប្រជាពលរដ្ឋដោយសារជំនន់ទឹកភ្លៀង។ដោយឡែកសម្រាប់អំណោយដែលបាននាំយកមកចែកជូនដល់បងប្អូននាពេលនេះអាចជួយសម្រាលទុក្ខលំបាករបស់បងប្អូនបានមួយកម្រិតដែរ ហើយក៏ជាការបង្ហាញនូវការយកចិត្តទុកដាក់ចំពោះប្រជាពលរដ្ឋគ្រប់រូប ពីសំណាក់ប្រមុខថ្នាក់ដឹកនាំកម្ពុជា ជាពិសេសសម្ដេចតេជោ ហ៊ុន សែន ដែលកន្លងមកសម្ដេច តែងតែបានគិតគូរ និងបានឧបត្ថម្ភគាំទ្រជាបន្តបន្ទាប់ដល់ប្រជាពលរដ្ឋរងផលប៉ះពាល់ពីគ្រោះមហន្តរាយផ្សេងៗ។

ជាមួយគ្នានោះ លោកអភិបាលរងខេត្ត ក៏បានណែនាំដល់បងប្អូនប្រជាពលរដ្ឋទាំងអស់ដែលបានរងផលប៉ះពាល់ដោយសារជំនន់ទឹកភ្លៀងដែលបណ្ដាលឲ្យខូចខាត់ស្រូវ និងផលដំណាំផ្សេងៗ សូមកុំបាក់ទឹកចិត្តហើយត្រៀមខ្លួននៅពេលទឹកស្រកអស់ត្រូវចាប់ផ្ដើមសកម្មភាពដាំដុះឡើងវិញ ដោយក្នុងនោះអាជ្ញាធរពាក់ព័ន្ធគ្រប់ជាន់ថ្នាក់ក៏បាននឹងបន្តផ្ដល់ជូននូវពូជស្រូវ និងដំណាំរួមផ្សំផ្សេងៗទៀតដល់បងប្អូនសម្រាប់ទុកធ្វើការដាំដុះឡើងវិញ។ ពោលគឺសំដៅទៅលើការគិតគូអំពីដំណាំស្រូវដែលត្រូវរងការបំផ្លិចបំផ្លាញ ព្រោះថាដំណាំស្រូវ គឺជាដង្ហើមសេដ្ឋកិច្ចនៃគ្រួសារកសិករ និងជាខ្នងបង្អែកដ៏មានអទិភាពលើវិស័យសេដ្ឋកិច្ចជាតិ ដូច្នេះហើយរាជរដ្ឋាភិបាលរួមនឹងក្រសួងស្ថាប័នពាក់ព័ន្ធ ក៏ដូចជាអាជ្ញាធរគ្រប់ជាន់ថ្នាក់បន្តយកចិត្តទុកដាក់លើបញ្ហានេះធ្វើយ៉ាងណាសដោះស្រាយបញ្ហាជូនបងប្អូនប្រជាពលរដ្ឋគ្រប់គ្នាឲ្យបានទាន់ពេលវេលា។

បើតាមលោក ហ៊ន់ ឬទ្ឋិ អភិបាលស្រុកស្រីស្នំ បានឲ្យដឹងថា នៅទូទាំងស្រុកស្រីស្នំ គិតចាប់ពីថ្ងៃទី១៦ ខែកញ្ញា ដល់ថ្ងៃទី១៦ ខែតុលា ឆ្នាំ២០២២ ជំនន់ទឹកភ្លៀងបានបណ្ដាលប៉ះពាល់ដល់ប្រជាពលរដ្ឋចំនួន ៥.៥៣៦គ្រួសារ ដោយក្នុងនោះប្រជាពលរដ្ឋលិចផ្ទះត្រូវទទួលបានស្បៀង ចំនួន ២.៦៦០គ្រួសារ និងប្រជាពលរដ្ឋខូចខាត់ដំណាំស្រូវចំនួន ២.៨៧៦ គ្រួសារ។ ហើយកន្លងមកប្រជាពលរដ្ឋលិចផ្ទះចំនួន ១ពាន់គ្រួសារ ត្រូវបានទទួលអំណោយពីរាជរដ្ឋាភិបាល ក៏ដូចជាអាជ្ញាធរខេត្ត សាខាកាកបាទក្រហមកម្ពុជា និងសប្បុរសជននានា ជាក់ស្ដែងសម្រាប់ប្រជាពលរដ្ឋដែលទទួលបានអំណោយពីរាជរដ្ឋភិបាលនាថ្ងៃនេះ មានចំនួន ១.១១០គ្រួសារ ដែលមកពី ៥ឃុំ និងនៅសល់ជាង ៥០០គ្រួសារទៀតនឹងត្រូវចែកជូនជាបន្តបន្ទាប់។ ដោយឡែកសម្រាប់ប្រជាពលរដ្ឋដែលខូចខាត់ដំណាំស្រូវ កន្លងមកជាង ១ពាន់គ្រួសារហើយ បានទទួលពូជស្រូវទុកដាំស្ដារឡើងវិញនៅពេលទឹកស្រក ពីសំណាក់រាជរដ្ឋាភិបាល ក៏ដូចជារដ្ឋបាលខេត្ត និងមន្ទីរកសិកម្ម ហើយសម្រាប់គ្រួសារប្រជាពលរដ្ឋដែលនៅសល់មិនទាន់ទទួលបានគ្រាប់ ពូជអាជ្ញាធរនឹងបន្តចែកជូននៅពេលឆាប់ៗ ខាងមុខនេះផងដែរ៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.