ព័ត៌មាន​ទាន់ហេតុការណ៍
ថវិកាមូលនិធិមហាគ្រួសារកងរាជអាវុធហត្ថ ត្រូវបានប្រគល់ជូនគ្រួសារសពសមាជិកមន្ត្រី អាវុធហត្ថរាជធានីភ្នំពេញ! - ពិតជាគួរឱ្យសោកស្តាយជាទីបំផុតសត្វកែះញីមួយក្បាលដែលជាប់អន្ទាក់និងរងរបួសបានស្លាប់ហើយ - កិច្ចប្រជុំក្រុមប្រឹក្សាភិបាលសាលាសណ្ឋាគារនិងទេសចរណ៍ ប៉ូលឌុលប្រ៊ូល - ក្រសួងសេដ្ឋកិច្ចនិងហិរញ្ញវត្ថុ បើកសិក្ខាសាលាផ្សព្វផ្សាយអនុក្រឹត្យស្ដីពីក្របខ័ណ្ឌមុខងារ ភារកិច្ចរបស់សវនកម្មផ្ទៃក្នុង និងនីតិវីធីនៃការធ្វើអធិការកិច្ចហិរញ្ញវត្ថុ - ពិធីប្រកាសចូលកាន់មុខតំណែង ប្រធានអង្គភាពនគរបាលទេសចរណ៍ ប្រចាំខេត្តសៀមរាប - វេទិកាថ្នាក់តំបន់លើកទី៤ របស់មជ្ឈមណ្ឌលសហប្រតិបត្តិការនៃអង្គការសុខភាពពិភពលោក ប្រចាំតំបន់ប៉ាស៊ីហ្វិកខាងលិច - សហព័ន្ធកីឡាប្រដាល់គុនខ្មែរ រៀបចំការប្រកួតផ្តាច់ព្រ័ត្រប្រដាល់គុនខ្មែរដណ្តើមខ្សែក្រវាត់ពានរង្វាន់ (សម្តេចពិជ័យសេនា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ)នៅខេត្តសៀមរាប - អាជ្ញាធរខេត្តសៀមរាបប្រារព្ធទិវាអនាម័យជាតិបរិស្ថាន ២៣ វិច្ឆិកា ក្រោមប្រធានបទ “មាតុភូមិយើង កាតព្វកិច្ចយើង ស្អាត និងបៃតង”  - ក្រសួងព័ត៌មានសហការជាមួយក្រសួងសេដ្ឋកិច្ច រៀបចំសិក្ខាសាលាស្តីពីគោលនយោបាយគ្រប់គ្រងផ្ទៃក្នុង និងនីតិវិធីសវនកម្ម នៅខេត្តសៀមរាប - ពិធីប្រគល់ទង់អាស៊ានជូនឥណ្ឌូនេស៊ី និង ធ្វើជាម្ចាស់ផ្ទះនៃកិច្ចប្រជុំ ADMM លើកទី ១៧ និង ADMM-Plus លើកទី ១០នៅឆ្នាំ ២០២៣
0

ពិធីប្រគល់សញ្ញាបត្រដល់និស្សិតជ័យលាភី នៃសាកលវិទ្យាល័យបៀលប្រាយ ខេត្តសៀមរាប មានចំនួន ២.៩០៩ អង្គ/នាក់


ខេត្តសៀមរាប ÷ ការកសាងធនធានមនុស្ស គឺជាមូលដ្ឋានគ្រឹះដ៏រឹងមាំក្នុងការអភិវឌ្ឍសេដ្ឋកិច្ចសង្គម និងធានាឲ្យបាននូវដំណើរការសេដ្ឋកិច្ចមួយដែលប្រកបដោយចីរភាពថ្លែងក្នុងពិធីប្រគល់ សញ្ញាបត្រថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ ជូនដល់និស្សិតជ័យលាភី ចំនួន ២.៩០៩នាក់ នៅសាកលវិទ្យាល័យបៀលប្រាយ សាខាខេត្តសៀមរាប នាព្រឹកថ្ងៃទី២២ ខែតុលា ឆ្នាំ២០២២នេះ ឯកឧត្តម បណ្ឌិត អុីន វីរជាតិ រដ្ឋលេធិការទីស្ដីការគណៈរដ្ឋមន្ត្រី មានប្រសាសន៍ថា មកដល់ពេលនេះរាជដ្ឋាភិបាលកម្ពុជាបានកំណត់រួចជាស្រេចថា ការកសាងធនធានមនុស្សជំនាន់ក្រោយ គឺជាមូលដ្ឋានគ្រឹះដ៏រឹងមាំ ក្នុងការអភិវឌ្ឍសេដ្ឋកិច្ចសង្គម និងធានាឲ្យបានដំណើរការសេដ្ឋកិច្ចមួយដែលប្រកបដោយចីរភាពឆ្ពោះទៅកាន់ការកាត់បន្ថយបណ្តើរៗនូវភាពក្រីក្ររបស់ប្រជាពលរដ្ឋ។

ឯកឧត្តម បណ្ឌិត អុីន វីរជាតិ មានប្រសាសន៍ទៀតថា ការអភិវឌ្ឍធនធានមនុស្សត្រូវបានចាត់ទុកជាអាទិភាពនៃការអនុវត្តយុទ្ធសាស្ត្រចតុកោណគ្រប់ដំណាក់កាល ដោយលើកកំពស់ចំណេះដឹង ជំនាញវិជ្ជាជីវៈ សមត្ថភាព ការច្នៃប្រឌិត នវានុវត្តន៍ គុណធម៌ សីលធម៌ មនសិការស្នេហាជាតិ និងស្មារតីទទួលខុសត្រូវខ្ពស់។ ការបណ្តុះបណ្តាល គឺជាការវិនិយោគដែលប្រើប្រាសថវិកា និងពេលវេលាដ៏ច្រើន ប៉ុន្តែលទ្ធផលដែលទទួលបានមកវិញនោះ គឺវាជាគន្លឹះដ៏សំខាន់មួយ ដើម្បីបង្កើនផលិតភាព និងប្រសិទ្ទភាពការងារក្នុងគោលដៅនាធាជោគជ័យ និងការអភិវឌ្ឍប្រកបដោយចីរភាព នៅក្នុងពិភពលោកមួយ ដែលកំពុងឈានទៅរកសាកលភាវូបនីកម្ម។ ជាក់ស្ដែងប្អូនៗនិស្សិតទាំងអស់នៃសាកលវិទ្យាល័យបៀលប្រាយ ខេត្តសៀមរាប ដែលបានទទួលសញ្ញាបត្រ នាពេលនេះ គឺជាការបង្ហាញឲ្យឃើញពីការរីកចម្រើនបន្ថែមទៀត នៃវិស័យអប់រំនៅកម្ពុជាយើង។

ឯកឧត្តម ក៏បានវាតម្លៃខ្ពស់ចំពោះវឌ្ឍនៈភាពរីកចម្រើន របស់សាកលវិទ្យល័យបៀលប្រាយខេត្តសៀមរាប និងបានកោតសរសើរផងដែរចំពោះថ្នាក់ដឹកនាំ សាស្ត្រាចារ្យ លោកគ្រូអ្នកគ្រូ ជាពិសេសនិស្សិតជ័យលាភីទាំងអស់ដែលទទួលបានជោគជ័យនៃការសិក្សានាឱកាសនេះ ដែលវាបង្ហាញឲ្យឃើញពីការតស៊ូ ខិតខំរៀនសូត្រររបស់ប្អូនតាំងពីចាប់ផ្ដើមរហូតបញ្ចប់ នឹងទទួលបានសញ្ញាបត្រយកទៅប្រើប្រាស់ទៅតាមមុខជំនាញ និងការងារដែលប្អូនៗត្រូវបំពេញបន្តផងដែរ។ សូមជម្រាបថា ពិធីប្រគល់សញ្ញា បត្រដល់និស្សិតជាលាភីដល់និស្សិតថ្នាក់បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ នៃសាកលវិទ្យាល័យបៀលប្រាយ សាខាខេត្តសៀមរាប នាឱកាសនេះដែរ ធ្វើឡើងនៅសណ្ឋាគារសុខាសៀម រាប ក្រោមអធិបតីភាព ឯកឧត្តមបណ្ឌិត អុីន វីរជាតិ រដ្ឋលេធិការទីស្ដីការគណៈរដ្ឋមន្ត្រី ដោយមានការអញ្ជើញចូលរួមពីសំណាក់លោក អ៊ឹង គឹមលាង អភិបាលរងខេត្តសៀមរាប ថ្នាក់ដឹកនាំក្រសួងអប់រំ លោកលោកស្រីតំណាងថ្នាក់ដឹកនាំមន្ទីរ-អង្គភាពក្នុងខេត្ត បុគ្គលិក សាស្រ្តចារ្យ លោកគ្រូអ្នកគ្រូ អាណាព្យាបាល រួមនឹងសិស្សនិស្សិតជាច្រើនរូបចូលរួម។

តាមរបាយការណ៍របស់លោក ឌៀប សីហា សាកលវិទ្យាធិការសាកលវិទ្យាល័យបៀលប្រាយ បានឲ្យដឹង ថា បច្ចុប្បន្នសាកលវិទ្យាល័យ មានគណៈគ្រប់គ្រង បុគ្គលិក សាស្រ្តចារ្យ និងលោកគ្រូអ្នកគ្រូសរុបចំនួន ២២៤នាក់ ស្រី ៥០នាក់។ គិតមកទល់ពេលនេះ មាននិស្សិតសរុបចំនួន ២៦.១៥៩នាក់ ស្រី ៩.២២១ នាក់។ ដោយឡែកសម្រាប់និស្សិតដែលទទួលបាន ជ័យលាភី និងទទួលបានសញ្ញាបត្រនាពេលនេះ មានចំនួន ២.៩០៩នាក់ ស្រី ១.២២៩នាក់ ក្នុងនោះកម្រិតបរិញ្ញាបត្ររង ចំនួន ៣៦៨នាក់, កម្រិតបរិញ្ញាបត្រ ចំនួន ២.៣៣០នាក់ និងកម្រិតបរិញ្ញាបត្រជាន់ខ្ពស់ ចំនួន ២២១នាក់៕

ដោយ ÷ ពន្លឺ


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.