អង្គការសុវណ្ណភូមិវង្សភ័ក្តបូរីបន្តជួយឧបត្ថម្ភគាំទ្របន្ថែមដល់ប៉ុស្តិ៍រដ្ឋបាលសង្កាត់ស្លក្រាម ឃុំសង្កាត់ រួមទាំងប្រជាការពារ នូវ សៀងអាហារ និងសម្ភារៈប្រើប្រាស់

ខេត្តសៀមរាប ÷ កាលពីព្រឹកថ្ងៃទី១៥ ខែតុលា ឆ្នាំ២០២២ នេះ អង្គការសុវណ្ណភូមិវង្សភ័ក្តបូរីប្រចាំខេត្តសៀមរាបបានរៀបបប្រារព្ធពិធីបុណ្យ – ទក្ខិណា នុប្បទានដើម្បីថ្វាយព្រះរាជកុសលដល់ព្រះវិញ្ញាណ ក្ខន្ធ ព្រះករុណាព្រះបាទ សម្តេច ព្រះនរោត្តម សីហនុ ព្រះមហាវីរក្សត្រ ព្រះវររាជបិតាឯករាជ្យជាតិ បូរណ ភាពទឹកដី និងឯកភាពជាតិខ្មែរ ព្រះបរមរតនកោដ្ឋ គម្រប់ខួប ១០ឆ្នាំ នៃការសោយទីវង្គតរបស់ព្រះអង្គរួមទាំងមន្ត្រីរបស់អង្គការសុវណ្ណភូមិ ដែលបានពលីជីវិតក្នុងបុព្វហេតុជាតិ មាតុភូមិ ដោយ មានការអញ្ជើញចូលរួមពីសំណាក់ ឯកឧត្តមឧត្ដមសេនីយ៍ត្រី អ៊ឹម សាវុធ . លោក វរៈសេនីយ៍ឯក ឈប់ ឆើត មេបញ្ជាការរងតំបន់ប្រតិបត្តិការសឹករងខេត្តសៀមរាប.លោក វរៈសេនីយ៍ឯក សៀ រឿន នាយសេនាធិការរង កងពលធំលេខ៣ រួមទាំងលោកនាយប៉ុស្តីនគរបាលសង្កាត់ក្រាម ព្រមទាំងលោកយាយ លោកតា និងសមាជិក សមាជិការបស់អង្គការសុវណ្ណភូមិវង្សភ័ក្តបូរីអញ្ជើញចូលរួមផងដែរ ។

យោងតាមការលើកឡើងរបស់លោកវង្សភ័ក្ត ភូម្មារិន្ទ  ប្រធានអង្គការអង្គការសុវណ្ណភូមិវង្សភ័ក្តបូរីគឺបានបង្កើតឡើងតាំងពីឆ្នាំ១៩៩១មកទល់ពេលនេះ មានអាយុ ៣១ឆ្នាំហើយ ដែលបានរួមចំណែកជួយឧបត្ថម្ភគាំជាមួយរាជរដ្ឋាភិបាលនូវវិស័យព្រះពុទ្ធសាសនាដែលជាសាសនារបស់រដ្ឋ ដោយមិន ជ្រៀតជ្រែកលើការធ្វើនយោបាយ និងកិច្ចការផ្ទៃក្នុងរបស់រាជរដ្ឋាភិបាលលើផ្នែកណាមួយឡើយ។ ជាមួយគ្នានេះ លោកវង្សភ័ក្ត ភូម្មារិន្ទ ក៍បានលើកឡើងផងដែរ ថា រយៈពេល៣១ឆ្នាំមកនេះ អង្គការសុវណ្ណភូមិវង្សភ័ក្តបូរីបានចូលរួមចំណែកជាមួយរាជរដ្ឋាភិបាលនៅតាមបណ្តា ខេត្ត ក្រុងមួយចំនួន ក្នុងការចូលរួមកសាងនូវរចនាសម្ព័ន្ធមួយចំនួន ជាពិសសការកសាងក្នុងវិស័យព្រះពុទ្ធសាសនាដូចជា កុដិ សាលារៀន ស្ពាន និង រូបសំណាក់ព្រះពុទ្ធរូបដាក់តាមវត្តអារាមនានា រួមទាំងការជួយឧបត្ថម្ភជាច្រើនលើកច្រើនសារ នូវ ស្បៀងអាហារ ក៏ដូចជាគ្រឿងឧបភោគភោគ សម្លៀកបំពាក់ឯកសណ្ឋាន វិទ្យុទាក់ទង និងសម្ភារៈផ្សេងៗដល់កងពល មួយចំនួននៅតាមព្រំដែន ដែលឈរ ជើងការពារតាមបន្ទាត់ព្រំដែន កងកម្លាំងប៉ុស្តិ៍នគរ បាលរដ្ឋបាលឃុំ សង្កាត់និងប្រជាការពារភូមិ ក្នុងការជួយបំពេញបន្ថែមរាល់ការខ្វះខាតជាមួយរាជរដ្ឋាភិបាលផងដែរ។

ក្នុងពិធីធីនោះផងដែរ ក៏បានការផ្តល់អំណោយមនុស្សធម៌ដល់គ្រួសារ កំលាំងសមត្ថកិច្ចប៉ុស្តិ៍ កំលាំងប្រជាការពារភូមិ សរុប ចំនួន៩៧គ្រួសារ ដោយក្នុងនោះមាន៖ ប៉ុស្តិ៍នគរបាលសង្កាត់ស្លក្រាមចំនួន១៧ គ្រួ សារ ប្រជាកាពារភូមិទ្រាំងចំនួន១៩គ្រួសារ និងបងប្អូនប្រជាការពារភូមិបឹងដូនប៉ាចំនួន១២គ្រួសារ ព្រមទាំងក្រុមអ្នកសិល្បះសម្តែងចំនួន៤៩គ្រួសារ   ដោយក្នុង១គ្រួសារទទួលបាន អង្ករ មុង ភួយ សារុងក្រមា ថវិកាចំនួន៥០.០០០រៀល ក្នុងនោះដែរក៍មានការឧបត្ថម្ភថវិកាដល់ប៉ុស្តិ៍នគរបាលសង្កាត់ស្លក្រាមចំនួន៥០០.០០០រៀល ព្រមទាំងថវិការចំនួន ១.០០០.០០០រៀលសម្រាប់ជួសជុលហ្រ្វេហ្គង់វិទ្យុទាក់ទងនៅក្នុងមូលដ្ឋានប៉ុស្តិ៍ ព្រមទាំងនិងសម្លៀកបំពាក់របស់ប្រជាការពារចំនួន១៥កំប្លេរផងដែរ ៕

ដោយ ÷ ពន្លឺ