ព័ត៌មាន​ទាន់ហេតុការណ៍
លោក សាយ សំអាល់ ៖ ស.ស.យ.ក ជាចលនាមហាជនដ៏ធំ និងជារណសិរ្សទូលំទូលាយ ដែលបាននិងកំពុងចូលរួមកសាងសហសម័យកម្ពុជា - ក្រសួងរៀបចំដែនដី នគរូបនីយកម្ម និងសំណង់ បានបង្រួមបញ្ហាដីធ្លីជូនបងប្អូនប្រជាពលរដ្ឋស្ថិតក្នុងភូមិអូរឧកញ៉ាហេង ភូមិអូរតាសេក ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ - សមិទ្ធិផលនានានៅក្នុងវត្តចន្ធីភូមិថ្មី ដែលស្ថិតក្នុងភូមិថ្មី ឃុំតាអាន ស្រុកក្រឡាញ់ ត្រូវបានសម្ពោធដាក់ឱ្យប្រើប្រាស់! - ទៀនព្រះវស្សា និងទ័យវត្ថុរបស់ព្រះសង្ឃ និងពុទ្ធបរិស័ទ ក្នុងស្រុកប្រាសាទ ខេត្តសុរិន្ទប្រទេសថៃត្រូវបានវេរប្រគេនដល់វត្តចំនួន១១នៅក្នុងក្រុងសៀមរាប!  - សាខាកាកបាទក្រហមកម្ពុជាខេត្តសៀមរាបប្រគល់ផ្ទះផ្ទះមនុស្សធម៌ទី៩៣ ដែលជាអំណោយរបស់ឯកឧត្តមបណ្ឌិត ហ៊ី វីរៈនិងលោកជំទាវ យីសុភា  - វិញ្ញាបនបត្រសម្គាល់ម្ចាស់អចលនវត្ថុចំនួន ១ ៨៥៩ ត្រូវបានចែកជូនបងប្អូនប្រជាពលនៅភូមិស៊ីធរលិច ឃុំស៊ីធរ និងភូមិស្វាយមាស ឃុំវិហារសួគ៌ ស្រុកខ្សាច់កណ្តាល - អគ្គនាយកដ្ឋានសំណង់ នៃក្រសួងរៀបចំដែនដីនគរូបនីយកម្មនិងសំណង់បានដឹកនាំក្រុមការងារ បន្តលើកកម្ពស់ការយល់ដឹងអំពីបច្ចេកទេសសំណង់ លើគម្រោងសាងសង់អគាររោងចក្ររបស់ក្រុមហ៊ុន តៃអ៉ីហ្សី អ៉ិនធើណេសិនណល - ការជូនដំណឹងរបស់មេធាវីតំណាងដោយអាណត្តិរបស់ឈ្មោះ គង់ គឹមអៀច ទៅម្ចាស់គណនីបណ្ដាញសង្គម Telegram ឈ្មោះ ba ba - អនុប្រធានសភាពាណិជ្ជកម្មកម្ពុជាជួបសម្តែងការគួសមនិងពិភាក្សាការងារជាមួយអគ្គកុងស៊ុលជប៉ុនប្រចាំខេត្តសៀមរាប - ក្រសួងរៀបចំដែនដី នគរូបនីយកម្ម និងសំណង់ ទទួលជួបជាមួយអាជីវករផ្សារ TCC ដើម្បីពិភាក្សារកដំណោះស្រាយ រវាងអាជីករ និងក្រុមហ៊ុនសាងសង់
0

មេ​គយ​ច្រក​ត្រពាំង​ផ្លុង​ថ្មី​លោក ​មុឹង ​ដាវិន​ អត់​មាន​ខុស​អី​ពី​មេ​គយ​ចាស់​នោះ​ទេ​ពុក​រលួយ​ស្មើ​ដៃ​គ្នា?


ខេត្តត្បូងឃ្មុំ ÷ បញ្ហាច្រកត្រពាំផ្លុងនេះ គឺវាមានភាពល្បីល្បាញតាំងពីយូរណាស់មកហើយអំពីអំពើពុករលួយកៀបករអ្នក រកសុីរបស់ស្ថាប័នគយដែលមានតួនាទីប្រចាំច្រកនេះ ថាមានការយកពន្ធដែលមានភាពមិនប្រក្រតី ដែលភាសារអ្នករកសុីនិយាយថា រកសុីគ្រាន់តែចិញ្ចឹមប្តីគេតែប៉ុណ្ណោះ។ ជាក់ស្តែងដូចសំដីមន្ត្រីសាខាគយខេត្តត្បូងឃ្មុំមួយរូបបានបង្ហើបឲ្យដឹងថា លោក នឹង ដាវិន ដែលទើបតែបានទិញប៉ុស្តិ៍ច្រកទ្វារត្រពាំងផ្លុងពីអ្នកចាស់ ក្រោមការគ្រប់គ្រងរបស់មេគយធំលោកគុណ ញឹម នោះ ក៏កំពុងច្របាច់ ករពីអ្នករកសុីដឹកទំនិញគ្រប់ប្រភេទមិនចាញ់អ្នកចាស់ឡើយ។ ហើយការដែលលោក មុឹង ដាវិន បានមកធ្វើជាប្រធានគយច្រកត្រពាំងផ្លុងនេះ មិនមែនមកអំពីលក្ខណៈសម្បត្តិ រឺលោក មុឹង ដាវិន មានសមត្ថភាពដឹកនាំអ្វីនោះដែរ ។ពោលគឺបគ្គល មុឹង ដាវិន មាន លុយគ្រប់សំរាប់ទិញ ប៉ុស្តិ៍នេះតែប៉ុណ្ណោះ។ អញ្ចឹងហើយបានជាគេសង្កេតឃើញភាពអនាធិបតេយ្យនៃអំពើពុករលួយកើតមានយ៉ាងពេញបន្ទុកតែម្តង ជាងនេះទៅទៀតក្រោយពីលោក មុឹង ដាវិន ចូលទៅកាន់តំណែងនេះភ្លាម គេឃើញមានសារព័ត៍មានក្នុងស្រុកបានធ្វើការចុះផ្សាយយ៉ាងច្រើនសន្ធឹកសន្ធាប់ពីករណី ពុករលួយនៅច្រកទ្វារត្រពាំងផ្លុងមិនដែលដាច់ឡើយ ។ ប៉ុន្តែទោះជាយ៉ាងនេះក្តីក៏វាមិនអាចធ្វើឲ្យរង្គោះរង្គើកៅអីដ៏មហាខ្លាញ់របស់លោក មុឹង ដាវិន នេះដែរ។

ប្រភពជាច្រើននិយាយថា ស្ថាប័នគយកម្ពុជាស្ទើរគ្រប់ច្រកនិងសាខាកំពុងត្រូវបានមន្ត្រីជាន់ខ្ពស់ថ្នាក់លើរបស់ពួកគេ និងស្ថាប័នក្រសួងហិរញ្ញវត្ថុមួយចំនួនហាក់បង្រៀនមន្ត្រីរបស់ខ្លួនឲ្យទទួលយកនូវវប្បធម៌ ពុករលួយជាចំហរតែម្តង។ ប្រភពក៏បាននិយាយទៀត ថា បើនិយាយពីមេសាខាគយខេត្តលោក ទន់ ចាន់ធី ឯណោះវិញគឺចប់ លោកមិនហ៊ានណែនាំមន្ត្រីច្រកទ្វារម្តងណាទេ ដោយសារគីឡូទាបជាង ពីព្រោះលោក មុឹង ដាវិន ពិតមែនតែជាមេគយច្រកទ្វារទើបតែមកថ្មីមែន ប៉ុន្តែគេមានខ្នងបង្អែកយ៉ាងមានឥទ្ធិពលនៅចាំជួយអន្តរាគមន៍ ដោយឡែកក្រៅអំពីអ្នករកសុីដឹកទំនិញបង់ពន្ធត្រឹមត្រូវ ដែលត្រូវបានគយនៅច្រកទ្វារនោះសង្កត់ករ ក៏នៅមានឈ្មួញធំៗជាច្រើនបានបន្តនាំទំនិញគេចពន្ធ ទំនិញបង់ពន្ធមិនគ្រប់ ទំនិញខុសច្បាប់ចូលតាមច្រកនេះយ៉ាងរលូនទោះមានកូវីត១៩ក៏ ដោយ មានខ្លះនាំចូលយប់ ខ្លះនាំចូលទាំងកណ្តាលថ្ងៃ។ និយាយជារួមច្រកត្រពាំងផ្លុងគឺជាឋានសួគ៍នៃពពួកឈ្មួញរកសុីគេចពន្ធ ទំនិញក្លែងភេទ និងទំនិញដែលរដ្ឋហាមឃាត់ចេញចូលដោយគ្មានរាំងស្ទះ ក្រោមរូបភាពត្រូវរ៉ូវគ្នាជាមួយមេច្រក។

ប្រភពដដែលនោះអោយដឹងទៀតថា ក្រុមឈ្មួញគេចពន្ធនូវទំនិញច្រើនប្រភេទ ទី១-ក្រុមឧកញ៉ាផ្កាយ រកសុីធំៗដឹកទាំងខ្សែៗ ទំនិញនាំចូលរបស់ពួកគេមិនបាច់មានប្រតិវេទន៍គយត្រឹមត្រូវទេ មិនបាច់បង្ហាញនិវេទន៍ បណ្ណ័ស្អីទេ មិនបាច់ចាំបញ្ចេញស្តុកស្អីទេ ឡានអាចចូលទៅលើកដាក់ឥវ៉ាន់ដល់ដីយួនហើយចេញប្រុចបានតែម្តង ពេលខ្លះគិតពន្ធរាប់ក្បាលឡានរួចស្រេច កត់អោយតែដឹងចំនួនក្បាលឡានទុកសម្រាប់បង់ខែរួចចេញបានភ្លាម មិនបាច់ឆែកត្រួតពិនិត្យទេ ។ ទី២ជាក្រុមដឹកទំនិញអត់ពន្ធុសុទ្ធបង់មិនគ្រប់និងដឹកតែទំនិញក្លែងភេទ ជាទូទៅមិនដឹងថាគេដឹក TNTឬអ្វីទេ? ក្រុមនេះគឺជាគ្រោះថ្នាក់មួយ ដោយសារមានការឃុបឃិត ផលប្រយោជន៍បុគ្គលរវាងមេគយទីនោះនិងក្រុមឈ្មួញ ពួកប្រភេទនេះភាគច្រើនរង់ចាំចូលទំនិញតែពេលយប់ មានដូចជាទូរសព្ទ័សេរីទំនើបគេចពន្ធ គ្រឿងក្រអូប ឬគ្រឿងអេឡិកត្រូនិកទំនិញជាប់ពន្ធខ្ពស់…។ ល។ ឆ្លងតាមត្រពាំងផ្លុងដែល គេសម្គាល់ថាជាច្រកធូររលុងក្នុងការត្រួតពិនិត្យ្វ លើបែបបទនាំចូល នាំចេញ ព្រោះតែគេមកអង្គុយដើម្បីផលប្រយោជន៍បុគ្គលច្រើនតែមកដើម្បីស្រង់ដើមពីការទិញកៅអីទីនោះ?។

ប្រភពបន្តថាខ្លាំងដៃមែនទែន មន្ត្រីមានលុយទិញប៉ុស្តិ៍ គ្មានញញើតធ្វើរឿងពុករលួយឡើយ ឈ្មួញស្រួលដឹកទំនិញល្មើសច្បាប់ ទំនិញខ្លះអាចបង្កគ្រោះមហន្តរាយដល់ជាតិទៀតផង គ្រាន់តែគេមានការឃុបឃិតបិទបាំងជិតមិនទាន់ផ្ទុះធ្លាយប៉ុណ្ណោះ? តើអាចនិយាយបានទេថាទំនិញតាមច្រកនេះគ្មានទំនិញអ្វីអាចបង្កមហន្តរាយដល់ជាតិឬ? កន្លងមកនៅបរទេស មានក្រុមភរវករបរទេសខ្លះបង្កប់ឧបករណ៍ភេរវកម្មក្នុងផ្នែកតូចៗនៃទំនិញ មានក្រុមលាងលុយខ្មៅបង្កប់តាមការវេចខ្ចប់ទំនិញ ឬក្រុមឈ្មួញគ្រឿងញៀនខ្លះ ធ្លាប់ធ្វើសកម្មភាពក្រោមក្លៀកគយ បើសកម្មភាពគយធូរលុងព្រោះតែសេនារិយោពុករលួយដូចការលើកឡើង បើមានចរាចរទំនិញគ្រោះថ្នាក់ថ្លោះធ្លោយពួកគយពុករលួយធូររលុងនៅខ្មែរ តើគិតដូចម៉្តេចឬចាំក្របីសុីស្រូវទើបនាំគ្នាដេញអោយស្រីមើល?។

នៅរសៀលថ្ងៃទី១៥ ខែតុលា ឆ្នាំ២០២២ អង្គភាពយើងខ្ញុំបានធ្វើការទាក់ទងទៅលោក មុឹង ដាវិន ដែលជាមេគយត្រពាំងផ្លុងថ្មី មិនអាចសុំការអត្ថាធិប្បាយ រាល់ការចោទប្រកាន់បាននៅឡើយទេ ហើយអង្គភាពយើងខ្ញុំនៅតែរង់ចាំការបកស្រាយបំភ្លឺគ្រប់ពេលវេលា៕

ដោយ ÷ វិបុល


Filed in: ព័ត៌មានជាតិ, ព័ត៌មានថ្មីៗ, ព័ត៌មានសំខាន់

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.