ខេត្តសៀមរាប÷នៅព្រឹកថ្ងៃទី១៤ ខែតុលា ឆ្នាំ២០២២ នេះនៅស្រុកសូទ្រនិគម ខេត្តសៀមរាប បានរៀបចំវេទិកាផ្សព្វផ្សាយសាធារណៈរបស់រាជរដ្ឋាភិបាលកម្ពុជា ដើម្បីត្រួតពិនិត្យ និងគាំទ្រការអនុវត្តកម្មវិធីនយោបាយ និងយុទ្ធសាស្រ្តចតុកោណដំណាក់កាលទី៤ ដើម្បីផ្ដល់ឱកាសជូនដល់ប្រជាពលរដ្ឋ លើកឡើងនូវបញ្ហា ក៏ដូចជាសំណួរសំណូមពរផ្សេងៗមកកាន់ មន្ទីរ អង្គភាពជំនាញ និងអាជ្ញាធរមូលដ្ឋាន ដើម្បីធ្វើការដោះស្រាយ។
វេទិកានេះធ្វើក្រោមអធិបតីភាព ឯកឧត្តម ឯក វណ្ណឌី ប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកសូទ្រនិគម ខេត្តសៀមរាប ព្រមទាំងវត្តមានលោកអភិបាលស្រុក ប្រធានមន្ទីរ មន្ត្រីតំណាងមន្ទីរ អង្គភាព ស្ថាប័នពាក់ព័ន្ធព្រមទាំងបងប្អូនប្រជាពលរដ្ឋចំនួន៥៣៧នាក់មកពីឃុំចំនួន១០ក្នុងស្រុកសូទ្រនិគមបានចូលរួមផងដែរ។ នៅក្នុងអង្គវេទិកានោះដែរបាន បងប្អូនប្រជាពលរដ្ឋក៍ដូចជាអាជ្ញាធរភូមិឃុំបានលើកឡើងសំណួរ-សំណូមពរ ពាក់ព័ន្ធ ទៅនិង បញ្ហារផ្លូវ អគ្គីសនី សៀវភៅគ្រួសារ អត្តសញ្ញាណប័ណ្ណ វ៉ាក់សាំងសត្វពាហនៈ និងបញ្ហាតម្លៃផលិតផល តម្លៃថ្នាំកសិកម្ម។ ក្នុងវេទិកាបានទទួលសំណួរ-សំណូមពរផ្ទាល់មាត់ចំនួន០៨ ជាលាយល័ក្ខអក្សរចំនួន១៩ ក្នុងនោះទទួលបានការឆ្លើយតប បកស្រាយ បានចំនួន ២៥សំណួរ-សំណូមពរ នៅសល់ចំនួន០២ និងធ្វើការបញ្ជូនទៅកាន់មន្ទីរ អង្គភាពជំនាញ ដើម្បីរកដំណោះស្រាយ។
មានប្រសាសន៍បិទអង្គវេទិកា ឯកឧត្តម ឯក វណ្ណឌី ប្រធានក្រុមការងាររាជរដ្ឋាភិបាលចុះជួយមូលដ្ឋានស្រុកសូទ្រនិគម ខេត្តសៀមរាប វេទិកាផ្សព្វផ្សាយសាធារណៈរបស់រាជរដ្ឋាភិបាល ពិតជាមានសារះសំខាន់ខ្លាំងណាស់ដើម្បីផ្ដល់ឱកាសជូនដល់ប្រជាពលរដ្ឋ លើកឡើងនូវបញ្ហា ក៏ដូចជាសំណួរសំណូមពរផ្សេងៗមកកាន់ និងមន្ទីរ អង្គភាពជំនាញ និងអាជ្ញាធរមូលដ្ឋាន ដើម្បីធ្វើការដោះស្រាយ។ ជាក់ស្ដែងសំណួរ-សំណូមពរ ដែរប្រជាពលរដ្ឋបានលើកឡើងមន្ទីរ អង្គភាពជំនាញ បានធ្វើការឆ្លើយតបនិងរកដំណោះស្រាយភ្លាមៗ ហើយចំពោះសំណួរ-សំណូម ពរនៅសល់អំពីការស្នើរសុំផ្លូវពីរខ្សែរ ដោយមួយខ្សែមានប្រវែង១៥គីឡូម៉ែត្រ និងមួយខ្សែទៀត០៦ គីឡូ ម៉ែត្រ ដែរនេះហួសសមត្ថភាពរបស់រដ្ឋបាលស្រុក តែឯកឧត្តមបានជំរុញ អោយប្រជាពលរដ្ឋលើកឡើងនូវសំណួរ -សំណូមពរតាមរយៈការធ្វើជាលិខិតស្នាម មកកាន់រដ្ឋបាលស្រុក ដើម្បីបញ្ជូនទៅថ្នាក់លើដើម្បី រកដំណោះ ស្រាយជូនផងដែរ។
ដោយ ÷ ពន្លឺ
