ខេត្តតាកែវ ÷ ល្បែងឡូតូ និងល្បែងជលមាន់អនឡាញ (Online) កំពុងរីកដូចផ្សិតក្នុងស្រុកសំរោង ខេត្តតាកែវ តើជាឆ្នាំងបាយប្រចាំរបស់លោក អធិការស្រុកសំរោងឬទ?
បនល្បែងឡូតូនិងល្បែងជល់មាន់onlineកំពុងរីកដូចផ្សិត ពាសពេញស្រុកសំរោងខេត្តតាកែវ អាជ្ញាធរនិងកងកម្លាំងសមត្ថកិច្ចនគរបាលជំនាញនៃអធិការដ្ឋាននគរបាលស្រុកសំរោង ព្រមទាំងបណ្តាប៉ុស្តិ៍រដ្ឋបាល មិនបង្ក្រាបសោះ ដោយសារមេបនល្បែងខ្លះយកច្បាប់ដែលមានចរិតបំផ្លាញប្រជាជនមកប្រើ និងសង្ស័យនគរបាលស្រុក និងអស់លោកមេប៉ុស្តិ៍យកធ្វើជាឆ្នាំងបាយ សម្លរសោយសុខតែម្តង?។
ប្រភពពីពលរដ្ឋ ដែលកំពុងដេកព្រួយនូវសកម្មភាពចោរកម្មនិងអំពើហឹង្សាកំពុងកើតក្នុងភូមិពេញបន្ទុកនៅក្នុងស្រុកសំរោងបានអោយដឹងថា៖ នៅក្នុងស្រុកសំរោង ខេត្តតាកែវ ដែលគ្រប់គ្រងដោយលោកអធិការស្រុកឈ្មោះ ភី ឆុន កើតមានបនល្បែងរាប់សឹបទីតាំង គ្រប់ច្រកល្ហកតាំងពីទីរួមស្រុក រហូតដល់ឃុំ ដែលមានដូចជានៅចំណុច÷
១ -ភូមិ តាយឹង ឃុំជំរះពេន ម្ចាស់ផ្ទះឈ្មោះ ស៊្រុន។
២- ភូមិ តាពោនខាងលិច ឃុំ សំរោង ម្ចាស់ផ្ទះឈ្មោះ តុល
៣ – ភូមិ ស្វាយ ឃុំសំរោង ម្ចាស់ផ្ទះឈ្មោះ ហួ។
៤- ភូមិ ស្រែតាសុខ ឃុំជំរះពេន ម្ចាស់ផ្ទះឈ្មោះ ម៉ុង។
៥- ភូមិ ត្រពាំងខ្នារ ឃុំ ជំរះពេន ។
៦- ភូមិ ទួលចារ ឃុំសំរោង ម្ចាស់ផ្ទះឈ្មោះ តាលៀង។
៧- ភូមិ ក្រាំងរអូត ឃុំសំរោង ម្ចាស់ផ្ទះឈ្មោះ តាលៀង។
៨- ភូមិ កាយបាំង ឃុំសិង្ហ ម្ចាស់ផ្ទះឈ្មោះ ទុំ។
៩- ភូមិសំបួរ ឃុំទ្រា ម្ចាស់ផ្ទះឈ្មោះ ជឿន។
១០- ភូមិ ពន្លឺ ឃុំជំរះពេន ម្ចាស់ផ្ទះឈ្មោះ អ៊ូខុង។
ពលរដ្ឋបន្តថាច្បាប់ហាក់កើតបញ្ច្រាសជើង ព្រោះថាច្បាប់បានអនុញ្ញាតិបើកបនល្បែងសុីសងតាមonline តែផលដែលទទួលបានធំធេង គឺអសន្តិសុខសង្គមយ៉ាងអាក្រក់បានធ្វើអោយពលរដ្ឋស្លូតត្រងកំពុងរស់នៅដោយរងារ ប្រឈមនឹងភាពភ័យតក់ស្លុតនៃអំពើចោរកម្ម ឆក់និងប្លន់នឹងអំពើហឹង្សាក្នុងគ្រួសារ ក្នុងភូមិពួកគាត់ និងព្រួយពីសុវត្ថិភាពកូនៗដែលចេញទៅសិក្សា បែរជាយកលុយទៅចូលលេងតែល្បែងទាំងនោះទៅវិញ។ ឥឡូវនេះនៅតាមភូមិ ឃុំ ក្នុងស្រុកសំរោងមានបនល្បែងរីកដូចផ្សិត បន្ទាប់ពីគ្រឿងញៀនបានវាយសម្រុកដល់ភូមិពួកគាត់និងញាំញីសហគមរបស់ពួកគាត់ នៅមិនទាន់ដោះស្រាយបង្ក្រាបបានផងនោះ។
កន្លងមកមានមន្ត្រីរដ្ឋាភិបាលអះអាងថា «ការអនុញ្ញាត ឱ្យបើកអាជីវកម្មបនល្បែងទាំងនេះ ធ្វើឡើងស្របតាមច្បាប់ ក្នុងគោលបំណងដើម្បីប្រមូលលុយចូលជាតិ»។ ក៏ប៉ុន្តែមន្ត្រីសង្គមស៊ីវិល និងគណបក្សនយោបាយខ្លះវិញ យល់ឃើញថា«អាជីវកម្មបនល្បែងទាំងនោះ បានបំផ្លាញជាតិ បង្កើតបញ្ហាជាច្រើននៅក្នុងសង្គមជាតិ»។ ដោយឡែកចាស់ទុំខ្មែរវិញប្រដៅថា«ទាក់មាន់ ទាក់ទទា ជល់ភ្នាល់គ្នា បរបាញ់សត្វ អន្ទាក់ដាក់បង្កាត់ ល្បែងទាំងនោះគ្មានកំណើត ធម្មតាប៉ោនិងបៀរ មិនដែលអ្នកណានឹងកើត មិនដែលមានកំណើត មានតែលិចលង់ខ្លួនទេ»។ ទស្សនៈនិងពាក្យប្រៀបប្រដៅទាំងនោះ បើយកមកឆ្លុះបញ្ចាំងនូវ សម្តីរបស់មន្ត្រីរដ្ឋាភិបាលដែលអះអាងថាការ«បើកល្បែងដើម្បីគៀងគរប្រមូលចំណូលជូនជាតិ»នោះឆ្លុះអោយឃើញថាសំដីបែបនោះហាក់ដូចជានិយាយដោយពុលក្តួចហើយ គឺហាក់មិនយកចិត្តទុកដាក់ពីសុវត្ថិភាពពលរដ្ឋខ្លួនទេបែរជាស្រេកឃ្លានលុយពេកទៅវិញ។
ពលរដ្ឋបន្តថា៖ការអនុញ្ញាតឲ្យបើកអាជីវកម្មបនល្បែងនៅទូទាំងប្រទេសនេះ ផ្ដល់ផលជាក់ស្តែងឥឡូវនេះ គឹនាំអោយកើតនូវអំពើចោរលួច ចោរឆក់ ចោរប្លន់។ ជាក់ស្តែងកំពុងកើតមានយ៉ាងគួរអោយភ័យខ្លាចបំផុត។ សកម្មភាពចោរប្លន់ នឹងអំពើហឹង្សាផ្សេងៗ កំពុងពុះកញ្ឋ្រោល មិនថាតែនៅក្នុងស្រុកសំរោងខេត្តតាកែវ នោះទេ គឺកំពុងបង្កបញ្ហាដល់សង្គមជាតិទាំងមូលតែម្តង ដោយសារតែបង្កើតបនល្បែងonline ជល់មាន់ ឡូតូជាច្រើនប្រភេទពេញភូមិតាមជនបទ។
ពលរដ្ឋបានដឹងថាអគ្គស្នងការនគរបាលជាតិទើបនឹងបង្កើតគណកម្មមួយដើម្បីបង្ក្រាបល្បែងអនឡានទាំងនោះ តើគណកម្មការនោះនឹងមានសកម្មភាពមែនឬគ្រាន់តែបង្កើតយកល្អមើល?តើលោក ភី ឆុន អធិការស្រុកសំរោង អាចបង្ក្រាបល្បែងឡូតូនិងជល់មាន់តាមonlineកំពុងកើតផុសផុលពាសពេញស្រុកសំរោង ជាល្បែងស្របច្បាប់ដែលបំផ្លាញសហគមន៍សង្គមឬទេ?។ លោក ភី ឆុន អធិការស្រុកបង្ក្រាបបនល្បែង ឡូតូ មាន់ជល តាមonlineគ្រប់ប្រភេទក្នុងស្រកសំរោងតាមរៀបណា? ដោយខ្លួនឯងឬលាក់ទុកសិន ឬចាំអោយគណកម្មការបង្រាបរបស់អគ្គស្នងការនគរបាលជាតិចុះបង្ក្រាប ? នៅចំពោះមុខដែលអគ្គស្នងការនគរបាលជាតិទើបនឹងបង្កើតគណកម្មការចុះបង្ក្រាបយ៉ាងតក់ក្រហល់នេះ។
ចម្ងល់នេះមិនអាចសុំលោក ភី ឆុន អធិការស្រុកសំរោងបកស្រាយបានទេដោយលោកមិនលើកទូរសព្ទ័ពីម្សិលមិញ៕
ដោយ ÷ វិបុល
