កម្លាំងនគរបាលរាជធានីភ្នំពេញឃាត់ខ្លួនឧកញ៉ា ជួប ច័ន្ទ តាមដីកាបញ្ជាដោយបង្ខំ និងឲ្យឃុំខ្លួន ពីបទមិនបំពេញកាតព្វកិច្ចចំពោះឧបករណ៍អាចជួញដូរបាន!!

រាជធានីភ្នំពេញ ៖ កម្លាំងនគរបាលព្រហ្មទណ្ឌកម្រិតស្រាល នៃស្នងការនគរបាលរាជធានីភ្នំពេញ បានធ្វើការចាប់ខ្លួនឧកញ៉ា ជួប ច័ន្ទ បញ្ជូនទៅតុលាការ នារសៀលថ្ងៃទី៥ ខែកញ្ញា ឆ្នាំ២០២២នេះ ពាក់ពន្ធពីបទ មិនបំពេញកាតព្វកិច្ចចំពោះឧបករណ៍អាចជួញដូរបាន ពោលគឺជំពាក់លុយគេអត់សង ហៅថាឧកញ៉ាខ្ស័យធន ។

យោងតាមប្រភពព័ត៌មានឲ្យដឹងថា កម្លាំងនគរបាលបានអនុវត្តតាមដីកាបញ្ជាឲ្យឃុំខ្លួនឈ្មោះ ជួប ច័ន្ទ ភេទប្រុស អាយុ៤៥ ឆ្នាំ មុខរបរ ជាពាណិជ្ជករ ស្នាក់នៅផ្ទះលេខ៥២ ផ្លូវ១២៣ សង្កាត់ទួលទំពូងទី១ ខណ្ឌចំការមន រាជធានីភ្នំពេញ ពីបទ.មិនបំពេញកាតព្វកិច្ចចំពោះឧបករណ៍អាចជួញដូរបាន ប្រព្រឹត្តនៅក្រុមហ៊ុន គឹម ហាប់ ខូអិលធីឌី ស្ថិតនៅសង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ កាលពីថ្ងៃទី៣០ ខែមិថុនា ឆ្នាំ២០១៧៕

ដោយ ÷ ពុទ្ធី