ព័ត៌មាន​ទាន់ហេតុការណ៍
លេខទូរស័ព្ទបន្ទាន់ 1291 របស់ កងរាជអាវុធហត្ថរាជធានីភ្នំពេញ កំពុងទទួលបានការចាប់អារម្មណ៍ និងជឿទុកចិត្តពីប្រជាពលរដ្ឋក្នុងភូមិសាស្រ្តរាជធានីភ្នំពេញ  - ក្រុមការងារអាវុធហត្ថរាជធានីភ្នំពេញ នាំយកអំណោយចុះសួរសុខទុក្ខ គ្រួសារសមាជិក ដែលមានប្រពន្ធទើបសម្រាលកូន! - ឧត្តមសេនីយ៍ឯក រ័ត្ន ស្រ៊ាង បន្តចាត់ក្រុមការងារនាំយកអំណោយ ចុះសួរសុខទុក្ខ លោកមេបញ្ជាការរង អាវុធហត្ថខណ្ឌឫស្សីកែវ ដែលមានជំងឺធ្ងន់ធ្ងរ កំពុងសម្រាកព្យាបាល នៅមន្ទីរពេទ្យព្រះកេតុមាលា  - មេបញ្ជាការអាវុធហត្ថខណ្ឌឬស្សីកែវចុះសួរសុខទុក្ខ សមាជិកមានជំងឺប្រចាំកាយកំពុងសម្រាកព្យាបាលនៅមន្ទីរពេទ្យព្រះកេតុមាលា - លោកវរសេនីយ៍ឯក សៀ ទីន សម្តែងការអបអរសាទរចំពោះ សិក្ខាកាមវគ្គបណ្តុះបណ្តាលយោធាចារ្យ ជំនាញបាញ់អាវុធខ្លី នៅសាលានាយទាហានសកម្ម! - ស្រ្តីស្វិតជើងទាំងសងខាងទទួលស្នើសុំរទេះរុញមួយសម្រាប់ប្រើប្រាស់ប្រចាំថ្ងៃ - ប្តីដើមស្លាប់ ប្តីចុងជាប់គុក ព្រោះតែឥទ្ធិពលស្នេហា! - ឧត្តមសេនីយ៍ឯក រ័ត្ន ស្រ៊ាង ព្រមជាមួយ ក្រុមគ្រួសារសាច់ញាតិ អតីតលោកគ្រូអ្នកគ្រូមិត្តរួមជំនាន់សាលាបាក់ទូក និងមន្ត្រីក្រោមឱវាទ អញ្ជើញចូលរួមកាន់បិណ្ឌទី៧ នៅវត្តព្រះបារមីវង្កដ្ឋបុរីកបិលភ័ស្តុ! - ឧត្តមសេនីយ៍ឯក រ័ត្ន ស្រ៊ាង និង ឯកឧត្តម កើត ឆែ អញ្ជើញបញ្ចុះបឋមសិលាសាងសង់អគារមូលដ្ឋាន កងរាជអាវុធហត្ថខណ្ឌកំបូល  - ល្បែងឡូតូ និង​ល្បែង​ជល់មាន់​អនឡាញ (Online) កំពុង​រីក​ដូច​ផ្សិតក្នុងស្រុកសំរោង តើជាឆ្នាំងបាយប្រចាំខែរបស់លោកអធិការស្រុកសំរោងឬទេ?
0

លោក អេង ហ៊ី ÷ ក្រុមការងារកងរាជអាវុធហត្ថ​ ចុះទៅដល់ខេត្តកំពង់ធំកាលពីយប់មិញ ដើម្បីស្រាវជ្រាវករណីបង្ក្រាបបទល្មើសរហូតមានបុរសម្នាក់បានស្លាប់ 


រាជធានីភ្នំពេញ ÷ បន្ទាប់ពីមានបទបញ្ជា របស់ឯកឧត្តម នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស រួចមក, ក្រុមការងារគណៈកម្មការចំពោះកិច្ចមួយត្រូវបានបង្កើតឡើង ដើម្បីស្រាវជ្រាវករណីប្រតិបត្តិការ ចុះបង្ក្រាបបទល្មើសមួយកន្លែងនៅខេត្តកំពង់ធំ រហូតមានបុរសម្នាក់បានស្លាប់។

លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស មានប្រសាសន៍ប្រាប់កម្ពុជាថ្មី នៅថ្ងៃទី ១០ ខែសីហា ឆ្នាំ២០២២ នេះថា កងរាជអាវុធហត្ថលើផ្ទៃប្រទេស បានបង្កើតក្រុមការងារគណៈកម្មការចំពោះកិច្ច ចុះស្រាវជ្រាវករណីនេះរួចហើយ តាមរយៈសេចក្ដីសម្រេចចុះថ្ងៃទី ៩ ខែសីហា ឆ្នាំ ២០​២២ ហើយក្រុមការងារកងរាជអាវុធហត្ថ​ បានចុះទៅដល់ខេត្តកំពង់ធំកាលពីយប់មិញ ដើម្បីស្រាវជ្រាវករណីបង្ក្រាបបទល្មើស រហូតមានបុរសម្នាក់បានស្លាប់។

លោកឧត្តមសេនីយ៍ត្រី អេង ហ៊ី បានឲ្យដឹងបន្តថា ក្រុមការងារគណៈកម្មការចំពោះកិច្ច បានធ្វើដំណើរទៅដល់ខេត្តកំពង់ធំកាលពីយប់មិញរួចហើយ និងកំពុងធ្វើការងារនៅកន្លែងបង្រ្កាបបទល្មើសនោះ។ លោកថា «ចឹងជាលទ្ធផល គឺខ្ញុំមិនទាន់អាចបង្ហាញបានទេ ដោយសារវាឋិតនៅក្នុងការស្រាវជ្រាវ និងស៊ើបអង្កេតរបស់ក្រុមការងារចំពោះកិច្ច មានលទ្ធផល ឬមួយក៏បញ្ចប់ កងរាជអាវុធហត្ថ នឹងប្រកាសជាព័ត៌មាន ឬមួយក៏ក្នុងករណីដែលប្រសិនថា ច្បាស់លាស់ បញ្ចប់លឿនៗ គឺយើងធ្វើសន្និសីទសារព័ត៌មាន»។

អ្នកនាំពាក្យកងរាជអាវុធហត្ថលើផ្ទៃប្រទេស ក៏បានលើកឡើងដែរថា សូមឲ្យក្រុមគ្រួសារនៃសព និងបុគ្គលដែលពាក់ព័ន្ធ ទុកចិត្តទៅលើក្រុមការងារចំពោះកិច្ច ពីព្រោះកងរាជអាវុធហត្ថ នឹងធ្វើកិច្ចការងារនេះ ឲ្យបានត្រឹមត្រូវ យុត្តិធម៌ មិនឲ្យភាគីណាមួយ អាក់អន់ចិត្តនោះឡើយ។

លោកឧត្តមសេនីយ៍ត្រី អេង ហ៊ី បានបន្ថែមទៀតថា «យើងជាកងរាជអាវុធហត្ថ យើងមិនការពារបុគ្គលដែលខិលខូច ឬមួយក៏ល្មើសច្បាប់ ល្មើសវិន័យ និងល្មើសក្រមសីលធម៌ វិជ្ជាជីវៈដែរ បើសិនជាកំហុស ដែលគាត់ប្រព្រឹត្តល្មើសច្បាប់ យើងអនុវត្តច្បាប់ បើសិនជាគាត់ល្មើសនឹងវិន័យ ឬមួយកំហុសសីលធម៌ យើងដាក់ទណ្ឌកម្ម វិន័យ»។

សូមជម្រាបថា លោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស កាលពីថ្ងៃទី ៩ ខែសីហា ឆ្នាំ ២០២២ បានចេញសារជាសំឡេងដោយដាក់បទបញ្ជាដល់មន្ត្រីជំនាញកងរាជអាវុធហត្ថ បើកការស៊ើបអង្កេតលើករណីប្រតិបត្តិការចុះបង្ក្រាបបទល្មើសមួយករណីនៅខេត្តកំពង់ធំ រហូតមានបុរសម្នាក់ស្លាប់។

លោកមេបញ្ជាការកងរាជអាវុធហត្ថលើផ្ទៃប្រទេស ក៏បានបញ្ជាទៅមេបញ្ជាការកងរាជអាវុធហត្ថខេត្តកំពង់ធំ ឲ្យផ្អាកការងារចំពោះមន្ត្រីអនុវត្តន៍ច្បាប់ ក្នុងករណីចុះប្រតិបត្តិការនោះជាបណ្តោះអាសន្ន ហើយឲ្យស្ថិតនៅក្នុងបន្ទាយអាវុធហត្ថរង់ចាំការស៊ើបអង្កេត។ លោកនាយឧត្តមសេនីយ៍ សៅ សុខា ក៏បានសម្រេចបង្កើតក្រុមការងារគណៈកម្មការចំពោះកិច្ច ឲ្យចុះទៅស្រាវជ្រាវជាបន្ទាន់លើករណីនេះផងដែរ។

ចំណាត់ការរបស់មេបញ្ជាការកងរាជអាវុធហត្ថលើផ្ទៃប្រទេស បានធ្វើឡើងបន្ទាប់ពីមានការផ្សព្វផ្សាយនៅលើបណ្ដាញសង្គមហ្វេសប៊ុក និងបណ្ដាញព័ត៌មានមួយចំនួន ជុំវិញករណីប្រជាពលរដ្ឋម្នាក់ឈ្មោះ សួង ឌ័ន អាយុ ៤៧ឆ្នាំ រស់នៅភូមិរូង ឃុំក្រវ៉ា ខេត្តកំពង់ធំ បានស្លាប់ ក្នុងប្រតិបត្តិការរបស់កម្លាំងកងរាជអាវុធហត្ថ ចុះទៅបង្ក្រាបបទល្មើសល្បែងជល់មាន់តាមអនឡាញមួយកន្លែង៕

ដោយ ÷ អ៊ិន វិស

 


Filed in: ព័ត៌មានជាតិ, ព័ត៌មានថ្មីៗ, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2022 រស្មីក្រុងយើង | Rasmey Krong Yoeng. All rights reserved. XHTML / CSS Valid.