ខេត្តកំពង់ឆ្នាំង ÷ កម្លាំងមូលដ្ឋានកងរាជអាវុធហត្ថក្រុងកំពង់ឆ្នាំង ចំនួន ០៥នាក់ ប្រើប្រាស់មធ្យោបាយដោយរថយន្ត០២ គ្រឿង ដឹកនាំដោយលោកវ.ត្រី អុឹម លីអុីម មេ/ការអ ហក្រុងនៅវេលាម៉ោងប្រមាណ០២ៈ១៥នាទីយប់ ថ្ងៃទី១៩/០៧/២០២២ បានធ្វើការស្ទាក់ចាប់រថយន្តដឹកឈើប្រណិតមួយគ្រឿង នៅចំនុចមុខអាហារដ្ឋានត្រីដំរីមាស ស្ថិតក្នុងភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ខេត្តកំពង់ឆ្នាំង។
បើតាមសមត្ថកិច្ចបានដឹងថា បានធ្វើការឃាត់ចាប់រថយន្ត០១ គ្រឿងដឹកឈើប្រណិត ប្រភេទធ្នង់ចំនួន២២ដុំ ម៉ាកសាំយ៉ុង ពណ៌ទឹកប្រាក់ ពាក់ស្លាកលេខ ភ្នំពេញ ២A៥៣៨៣ និង ជនសង្ស័យចំនួន០១ នាក់ឈ្មោះ អ៊ឹម សេត ភេទប្រុស អាយុ ៤៦ ឆ្នាំ ជនជាតិខ្មែរ មុខរបរស៊ីឈ្នួលលើកឈើ រស់នៅភូមិអង្គតានន ឃុំរលាងគ្រើល ស្រុកសំរោងទង ខេត្តកំពង់ស្ពឺ ។ ចំណែក អ្នកបើកបរ រថយន្តរត់គេចខ្លួនបាត់ ខណ:លួចដឹកឈើគ្មានច្បាប់អនុញ្ញាត។
វត្ថុតាងដកហូត៖រថយន្ត ចំនួន០១ គ្រឿង ម៉ាកសាំយ៉ុង ពណ៌ទឹកប្រាក់ ពាក់ស្លាកលេខ ភ្នំពេញ ២A៥៣៨៣/ឈើប្រណិត ប្រភេទធ្នង់ ចំនួន ២២ដុំ/ទូរស័ព្ទ ចំនួន ០១ គ្រឿង /បច្ចុប្បន្ន: ជនសង្ស័យ និង វត្ថុតាងបញ្ជូនទៅការិយាល័យជំនាញខេត្តបន្តនិតិវិធី៕
ដោយ ÷ ដារ៉ាស្រ៊ុន
