ព័ត៌មាន​ទាន់ហេតុការណ៍
ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ បន្តពិគ្រោះ ផ្ដល់យោបល់ និងប្រមូលធាតុចូលពីគ្រប់ភាគីពាក់ព័ន្ធ លើសេចក្តីព្រាងច្បាប់ភូមិបាល(ថ្មី) ដើម្បីឱ្យសេចក្តីព្រាងច្បាប់នេះមានលក្ខណៈគ្រប់ជ្រុងជ្រោយ ងាយស្រួលអនុវត្ត ជាពិសេសឆ្លើយតបបានចំពោះតម្រូវការសេដ្ឋកិច្ចសង្គមកម្ពុជា - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តរតនគិរី បន្តវិនិច្ឆ័យក្បាលដីនៃការចុះបញ្ជីដីមានលក្ខណៈជាប្រព័ន្ធ នៅភូមិល្អឺនកាំងមីស ឃុំអូរជុំ ស្រុកអូរជុំ ខេត្តរតនគិរី - សេចក្តីប្រកាសព័ត៌មាន ស្តីពី លទ្ធផលនៃដំណើរទស្សនកិច្ចផ្លូវការរបស់ សម្ដេចមហាបវរធិបតី ហ៊ុន ម៉ាណែត នាយក រដ្ឋមន្រ្តី នៃព្រះរាជាណាចក្រកម្ពុជា នៅសាធារណរដ្ឋប្រជាធិបតេយ្យប្រជាមានិតឡាវ - ក្រុមការងារនៃមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តសៀមរាប ប្រចាំការបិទផ្សាយជាសាធារណៈនូវឯកសារបញ្ជីឈ្មោះម្ចាស់ដី និងប្លង់សុរិយោដីតំបន់៣ កាត់មកតំបន់១ និងតំបន់២ ស្ថិតក្នុងភូមិសាស្រ្តឃុំកំពង់ភ្លុក ស្រុកប្រាសាទបាគង ខេត្តសៀមរាប - កិច្ចប្រជុំក្រុមការងារសិក្សាពិនិត្យ និងចុះបញ្ជីដីពាក់ព័ន្ធបុរាណដ្ឋាន ក្នុងភូមិសាស្ត្រខេត្តសៀមរាប មានចំនួន ១៩.០០០ក្បាលដី - ឯកឧត្តម សាយ សំអាល់ ថ្លែងថា អាងប្រព្រឹត្តកម្មទឹកកខ្វក់ ជាបំណែកមួយនៃហេដ្ឋារចនាសម្ព័ន្ធរួមដែលយើងចាំបាច់ត្រូវធ្វើដើម្បីទ្រទ្រង់កំណើនសេដ្ឋកិច្ច និងបង្កើតការងារជូនបងប្អូនប្រជាជននៅខេត្តព្រះសីហនុ - គណៈកម្មាធិការបណ្តុះបណ្តាលខេត្តសៀមរាបបើកកិច្ចប្រជុំផ្សព្វផ្សាយកម្មវិធីបណ្តុះបណ្តាលជំនាញបច្ចេកទេស និងវិជ្ជាជីវៈដល់យុវជនមកពីគ្រួសារក្រីក្រ និងងាយរងហានីភ័យ! - ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ ទទួលជួបពិភាក្សាការងារជាមួយក្រុមហ៊ុន China Siwei Surveying and Mapping Technology ដែលជាប្រតិបត្តិករផ្កាយរណបឈានមុខគេមួយក្នុងការផ្តល់សេវាប្រមូល និងប្រើប្រាស់ទិន្នន័យភូមិសាស្ត្រ - សមិទ្ធផលថ្មីព្រះវិហាវត្តទិព្វពិសីហៅវត្តដំរីឆ្លងដែលស្ថិតនៅឃុំសង្វើយស្រុកជីក្រែង ខេត្តសៀមរាបត្រូវបានប្រារព្ធពិធីសម្ពោធ និងកាត់ឫសសីមាដាក់ឱ្យប្រើប្រាស់ - កម្លាំងជំនាញផ្នែករដ្ឋបាលជលផលកំពង់ប្រសាទឃាត់បានឧបករណ៍នេសាទខុសច្បាប់!
0

តើលោក ​ហ៊ឹម ​អិត ​មាន​ខ្នង​ធំ​ប៉ុណ្ណា​ទើប​ហ៊ាន​ចូល​កាន់​កាប់​ដី​របស់​លោក ​អ៊ុង ​រិន?


ខេត្តកំពង់ឆ្នាំង ÷ លោក អ៊ុង រិន ភេទប្រុស អាយុ ៦០ឆ្នាំ មានទីលំនៅភូមិក្បាលកន្លង់ ឃុំពាមឆ្កោកស្រុកជលគីរី ខេត្តកំពង់ឆ្នាំង បានផ្ដល់បទសម្ភាសដល់ភ្នាក់ងារអង្គភាពអស្កាយញូស៍យើងនៅថ្ងៃទី៣១ ខែឧសភា ឆ្នាំ២០២២ ថា ÷ កាលពីថ្ងៃទី០៤ ខែវិច្ឆិកា ឆ្នាំ២០២១ លោកបានដាក់ពាក្យបណ្ដឹងប្ដឹងលោក កែវ ធិន ភេទប្រុសអាយុ៧៣ ឆ្នាំមានទីលំនៅភូមិក្បាលកន្លង់ ឃុំពាមឆ្កោក ស្រុកជលគីរី ខេត្តកំពង់ឆ្នាំង ពីបទយកដីចម្ការរបស់លោកទំហំ(១០០មx១០០ម) ស្ថិតនៅចំណុចក្បាលកោះខ្មោច ភូមិក្បាលកន្លង់ឃុំពាមឆ្កោក ស្រុកជលគីរី ខេត្តកំពង់ឆ្នាំង ទៅលក់ឲ្យឈ្មោះ ហ៊ឹម អិត ដោយលោកមិនបានដឹងទាល់តែ សោះ។

ដំណើររឿងលោក អ៊ុង រិន បានដឹងថា ÷ នៅក្នុងអំឡុងឆ្នាំ២០១៣ លោកនឹងប្រពន្ធបានខ្ចីចងការមាសពីលោក កែវ ធិន ចំនួន៥ជី ហើយសន្យាសង រយៈពេល៥ឆ្នាំលុះដល់ថ្ងៃទី១៤ ខែកក្កដា ឆ្នាំ២០១៧ (លិខិតបញ្ជាក់ជូនដោយលោក កយ ហ៊ាន ) លោកបានសងមាស៣ជី៥ហ៊ុនទៅឲ្យឈ្មោះ កែវ ធិន និងប្រពន្ធជាម្ចាស់មាសដោយនៅជំពាក់១ជី 5ហ៊ុនទៀត ដោយខ្លួនសន្យាថានឹងសងបន្តបន្ទាប់ទៀត។

លុះរហូតដល់ចុងឆ្នាំ២០២១ ទើបឃើញឈ្មោះ ហ៊ឹម អិត ទៅកាប់ឆ្កាព្រៃលើដីរបស់ខ្លួនដែលបានដាក់បញ្ចាំឲ្យឈ្មោះ កែវ ធិន នៅជំពាក់មាសត្រឹម១ជី៥ហ៊ុន ហើយខ្លួនក៏សួរនាំ ទើបដឹងថាឈ្មោះ កែវ ធិន បាន លួចយកដីរបស់ខ្លួនទៅលក់ឲ្យឈ្មោះ ហុឹម អិត (ដោយគ្រាន់តែចុះហត្ថលេខាទទួលស្គាល់ពីលោកមេភូមិក្បាលកន្លង់) ហើយមិនមានការឯកភាពយល់ព្រមធ្វើលិខិតផ្ទេរសិទ្ធិពីខ្លួនជាម្ចាស់កម្មសិទ្ធិឡើយ។

អង្គភាពយើងខ្ញុំបានសាកសួរលោកមេភូមិក្បាលកន្លង់តាមរយៈទូរសព្ទ០៩៧ ដោយលោកឆ្លើយថាករណីយកដីរបស់លោក អ៊ុង រិន ទៅលក់ឲ្យឈ្មោះហ៊ឹម អិត នោះពិតជាមានមែនដោយមានការចុះហត្ថលេខាយល់ព្រមពីលោកដែលជាមេភូមិពិតប្រាកដមែន ដោយមិនបានឲ្យម្ចាស់ដីដឹងលឺមែន ដោយលោកសំអាងថាលោក អ៊ុង រិន ពិតជានៅជំពាក់មាសលោក កែវ ធិន ពិតមែន ហើយលោកមេភូមិហ៊ានធានាខុសត្រូវចំពោះមុខច្បាប់ដោយបានបន្ថែមទៀតថាករណីធ្វើដូច្នេះតែងតែកើតមានឡើងនៅក្នុងភូមិក្បាលកន្លង់របស់លោកពិតប្រាកដមែនករណីដូចជា បើប្រជាជនណាជំពាក់លុយធនាគារមិនបានសងរយៈពេលចាប់ពី៥ខែឡើងគឺលោកតម្រូវឲ្យអ្នកជំពាក់ប្រាក់ត្រូវតែលក់ទ្រព្យសម្បត្តិដែលខ្លួនមានដើម្បីយកប្រាក់នោះទៅសងម្ចាស់បំណុលពិតប្រាកដមែន។

ទស្សនៈរបស់អ្នកច្បាប់បានលើកឡើងថា ÷ លោកកែវ ធិន និងលោកមេភូមិក្បាលកន្លង់ពិតជាថ្លើមធំមែនដែលហ៊ានឃុបឃិតគ្នាលួចយកដីកម្មសិទ្ធិរបស់កូនបំណុលទៅលក់ឲ្យអ្នកដ៏ទៃដោយមិនមានការយល់ព្រមពីម្ចាស់ដីស្របច្បាប់។ យោងមាត្រា៣៥៣ នៃក្រមព្រហ្មទណ្ឌឆ្នាំ២០១១ ឲ្យនិយមន័យនៃអំពើលួច “អំពើលួច គឺជាអំពើដកហូតដោយទុច្ចរិតនូវទ្រព្យសម្បត្តិ ឬ វត្ថុផ្សេងទៀតរបស់អ្នកដទៃ តាមគ្រប់មធ្យោបាយក្នុងគោលបំណងយកមកធ្វើជាកម្មសិទ្ធិរបស់ខ្លួន”។ មាត្រា៣៥៦ ទោសដែលត្រូវអនុវត្ត “អំពើលួចត្រូវផ្ដន្ទាទោសដាក់ពន្ធនាគារពី៦ (ប្រាំមួយ)ខែ ទៅ ៣(បី) ឆ្នាំ និងពិន័យជាប្រាក់ពី១,០០០,០០០(មួយលាន)រៀល ទៅ ៦,០០០,០០០ (ប្រាំមួយលាន) រៀល។

លោក អ៊ុង រិន បានបន្តឲ្យដឹងថា រហូតដល់ថ្ងៃទី៣០ ខែឧសភា ឆ្នាំ២០២២ បក្សពួកលោក ហ៊ឹម អិត បានចុះទៅកាប់ឆ្ការនិងបាញ់ស្មៅលើដីរបស់ខ្លួនទៀត ខណៈការប្តឹងនៅបន្តរហូតដល់អធិការស្រុកជលគិរីនៅឡើយ ហើយខ្លួន (អ៊ុង រិន) បានអស់ជំនឿក្នុងការដោះស្រាយរបស់អាជ្ញាធរថ្នាក់មូលដ្ឋាន ទើបលោកលើកដៃសំពះសុំដល់ឯកឧត្តម ស៊ុន សុវណ្ណារិទ្ធ អភិបាលនៃគណៈអភិបាលខេត្តកំពង់ឆ្នាំង និងឯកឧត្តម អ៊ិត សុធា ព្រះរាជអាជ្ញាខេត្តកំពង់ឆ្នាំង មេត្តាជួយផ្ដល់យុត្តិធម៌ដល់រូបលោក និងផ្តន្ទាទោសដល់បុគ្គលល្មើសច្បាប់ខាងលើ។

រាល់ការចោទប្រកាន់ខាងលើអង្គភាពយើងខ្ញុំស្វះ ស្វែងរកការបំភ្លឺពីលោកកែវ ធិន និងលោក ហ៊ឹម អិត នៅល្ងាចថ្ងៃទី៣១ ខែឧសភា ឆ្នាំ២០២២ នេះតែពុំមានលេខទូរសព្ទ ទោះយ៉ាងណាអង្គភាពយើងខ្ញុំរង់ ចាំការបំភ្លឺគ្រប់ភាគីពាក់ព័ន្ធរៀងរាល់ម៉ោងធ្វើការ៕

ដោយ ÷ វិបុល


Filed in: ព័ត៌មានជាតិ, ព័ត៌មានថ្មីៗ, ព័ត៌មានសំខាន់, សន្តិសុខ សង្គម

Leave a Reply

Submit Comment

គេហទំព័រ ត្រូវបានទទួលស្គាល់ និងអនុញ្ញាតដំណើរការជាផ្លូវការ ដោយក្រសួងព័ត៌មាន

តាមរយៈលេខ ៤៣០ ព.ម ប្រក ចុះថ្ងៃទី ២៨ ខែ ធ្នូ ឆ្នាំ ២០១៨

© 2024 រស្មីក្រុងយើង | Rasmey Krong Yoeng. All rights reserved. XHTML / CSS Valid.