ខេត្តបាត់ដំបង ÷ នៅថ្ងៃ អង្គារ ៣កេីតខែពិសាខឆ្នាំខាលចត្វាស័កព.ស.២៥៦៥ ត្រូវនឹងថ្ងៃទី០៣ ខែឧសភា ឆ្នាំ២០២២វេលាម៉ោង២២ និង០០នាទីនៅចំណុចភូមិ ដូង ឃុំបឹងរាំង ស្រុកកំរៀង ខេត្តបាត់ដំបង អនុវត្តតាមយោបល់ដឹកនាំរបស់លោកឯកឧត្តម ឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង រួមនឹងយោបល់លោកឧត្តមសេនីយ៍ត្រី កុយ ហៀង ស្នងការរងផែនការងារប្រឆាំងគ្រឿងញៀន និងដោយបានការសម្របសម្រួលលេីនីតិវិធីពីឯកឧត្តម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបងផងនោះ លោកវរសេនីយ៍ទោ វេ គឹមចត់ អធិការនគរបាលស្រុកកំរៀងបានដឹកនាំកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកបង្ក្រាបករណីរក្សាទុកដោយខុសច្បាប់នូវសារធាតុញៀន ០១ករណីក្នុងបទល្មើសជាក់ស្តែង និងបានឃាត់ខ្លួនជនសង្ស័យចំនួន០៣នាក់គឺ៖
១-ឈ្មោះកែវ សម្ភស្ស ភេទប្រុស អាយុ៣០ឆ្នាំ មានទីលំនៅ ភូមិដូង ឃុំបឹងរាំង ស្រុកកំរៀង ខេត្តបាត់ដំបង។
២-ឈ្មោះ ប៊ូ រ៉ា ភេទប្រុស២៩ឆ្នាំរស់នៅភូមិ អូរក្រូច ឃុំបឹងរាំង ស្រុកកំរៀង ខេត្តបាត់ដំបង។
៣-ឈ្មោះ ខុ សុខន ភេទប្រុសអាយុ៣៧ឆ្នាំរស់នៅភូមិដូង ឃុំបឹងរាំង ស្រុកកំរៀង ខេត្តបាត់ដំបង។
-វត្ថុតាងចាប់យកបានរួមមាន៖
-ម្សៅពណ៌សស្រអាប់ច្រកក្នុងថង់ប្លាស្ទិកចំនួន០២ថង់សង្ស័យមានសារធាតុញៀន
-ថ្នាំគ្រាប់រាងត្រីកោណពណ៌បៃតងខ្ចីចំនួន១២គ្រាប់សង្ស័យមានសារធាតុញៀន
-ទូរសព្ទ័ដៃចំនួន០២គ្រឿង
-ជញ្ជីងសម្រាប់ថ្លឹងថ្នាំញៀនចំនួន០១គ្រឿង
-ថង់សម្រាប់វេចខ្ចប់ថ្នាំញៀនមួយចំនួន
-រថយន្ត០១គ្រឿងម៉ាកតូយូតា ព្រុសពណ៌សសេរីឆ្នាំ២០១០ពាក់ស្លាកលេខ2BJ4373មានលេខតួJTDN33DU5A0098422
-ស្លឹកកញ្ឆាក្រៀមមួយចំនួន
-ឧបករណ៍បំពងសំលេងនិងភ្លើងវិលមួយចំនួន
-ដាវសាំមូរៃចំនួន០១
ករណីនេះ ជនសង្ស័យ និងវត្ថុតាងត្រូវបាននគរបាលស្រុកកំពុងរៀបចំសំណុំរឿងបញ្ជូនមកការិយាល័យជំនាញអនុវត្តបន្តតាមនីតិវិធីច្បាប់៕
ដោយ ÷ គង់ សឿន (រូបភាពនគរបាលស្រុកកំរៀង)
