រាជធានីភ្នំពេញ ÷ នារដូវបុណ្យចូលឆ្នាំប្រពៃណីជាតិឆ្នាំខាលនេះតម្លៃសំបុត្ររថយន្តក្រុងបានហក់ឡើងទីតំលៃធម្មតា២៥០០០រៀល ដល់៥០០០០រៀល (ភ្នំពេញ សៀមរាប)។
អ្នកធ្វើដំណើរពីភ្នំពេញទៅសៀមរាបបានថតបង្ហោះរូបភាពសំបុត្ររថយន្តក្រុងមកឲ្យអង្គភាពបណ្ដាញសារព័ត៌មានអស្តាយញូសិ៍ជួយចុះផ្សាយដើម្បីឱ្យថ្នាក់ដឹកនាំរាជរដ្ឋាភិបាលជួយធ្វើអន្តរាគមន៍ឲ្យតម្លៃសំបុត្ររថយន្តក្រុងក្នុងតម្លៃធម្មតាវិញ។
គួរកត់ចំណាំផងដែរថានាប៉ុន្មានឆ្នាំកន្លងមកនេះរាជរដ្ឋាភិបាលតែងតែធ្វើអន្តរាគមន៍ទៅលើក្រុមហ៊ុនដឹកអ្នកដំណើរឲ្យរក្សាតម្លៃសំបុត្រដដែលក៏ដូចគ្នាណាដែលសាលារាជធានីភ្នំពេញក៏បានបញ្ចេញរថយន្តក្រុងសម្រាប់ដឹកបងប្អូនប្រជាពលរដ្ឋពីរាជធានីភ្នំពេញទៅតាមបណ្ដាខេត្តនានាដោយមិនយកថ្លៃឈ្នួល តែសម្រាប់ឆ្នាំហ្នឹងហាក់បីដូចជាមិនមានសកម្មភាពដូចឆ្នាំមុនឡើយ៕
ដោយ ÷ វិច្ឆិកា
