ខេត្តតាកែវ ៖ របាយការណ៍សង្ខេបស្តីពីលទ្ធផលនៃការចុះពិនិត្យ និងវាយតម្លៃជាទូទៅលើការងារបង្កបង្កើនផល ការងារនេសាទ និងការងារចិញ្ចិមសត្វ ដែលមន្ទីរកសិកម្ម រុក្ខាប្រមាញ់ និងនេសាទ ខេត្តតាកែវ នឹងអាចសម្រេចបានសម្រាប់រដូវវស្សាឆ្នាំ១០១៩ និងរដូវប្រាំង ឆ្នាំ២០២០ខាងមុខ។
I. ដំណាំស្រូវ
ស្រូវវស្សាអាចសម្រេចបាន ២០៩.៣៧៣ហត លើផែនការ ១៨០ ០០០ហត។ ស្រូវប្រាំង ២០១៩- ២០២០ មានចំនួន១០២ ៩០០ ហត លើផែនការ ៨០ ០០០ហត។ រំពឹងអាចទទួលបានផលសរុប ១ ២២៥ ៦៧២តោន និងអាចនាំចេញបានចំនួន ៨៦៦ ៧៦១តោន។ មានអតិរេកជាអង្ករចំនួន៥៥៤ ៧២៧តោន គិតជាស្រូវ៨៦៦ ៧៦១តោន សម្រាប់នាំចេញ។
II. ដំណាំរួមផ្សំ/បន្លែ
១- បន្លែ ៖ អាចផលិតបានចំនួន៨៣ ២០០តោន មានលទ្ធភាពផ្គត់ ផ្គង់ឲ្យទីផ្សារក្រៅខេត្តចំនួន ៤៣ ៧២០តោន។
២- ដំណាំឧស្សាហកម្ម ៖ ដាំដុះលើផ្ទៃដីចំនួន ៣០០០ហត អាចផលិតបានចំនួន៣៣ ២០០ តោន(សម្រាប់ប្រើប្រាស់ក្នុងខេត្ត)។
III. ការចិញ្ចឹមសត្វ
១- ការចិញ្ចឹមមាន់ ៖ មានចំនួន ១ ៨៨៦ ៧៩១ក្បាល មានលទ្ធភាពផ្គត់ផ្គង់ឲ្យទីផ្សារក្រៅខេត្តចំនួន ៦៨៧ ៥០០ក្បាល និងផ្តល់ស៊ុតចំនួន ៥ ៤៧៥ ០០០គ្រាប់។
២- ការចិញ្ចឹមទា៖ មានចំនួន១ ១៣៩ ៨៤៣ ក្បាល មានលទ្ធភាពផ្គត់ផ្គង់ឲ្យទីផ្សារក្រៅខេត្តចំនួន ៧២០ ០០០ក្បាល និងផ្តល់ស៊ុតចំនួន៥៤ ៧៥០ ០០០គ្រាប់។
៣- ការចិញ្ចឹមជ្រូក ៖ មានចំនួន ២២៤ ៧៧៤ក្បាល មានលទ្ធភាពផ្គត់ផ្គង់ឲ្យទីផ្សារក្រៅខេត្ត ចំនួន ៧៥ ០០០ក្បាល។
៤- ការចិញ្ចឹមគោ-ក្របី ៖ មានចំនួន ៣៣២ ៧៨៣ក្បាល មាន លទ្ធភាពផ្គត់ផ្គង់ឲ្យទីផ្សារក្រៅខេត្ត ចំនួន ៤៣ ០០០ក្បាល។
VI. ផលនេសាទសរុប
ទូទាំងខេត្តអាចប្រមូលផលត្រីបានចំនួន៣៨ ៩១៨តោន ក្នុងនោះវារីវប្បកម្ម ៩ ៩១៥តោន៕
ដោយ ៖ សុភា